عنوان الموضوع : وانا في الفندق بالرياض مضحكو جدا
مقدم من طرف منتديات الشامل

سلام عليكم

كيفكم

اخباركم

انتوا تدرون ان عندي كورس في الر ياض << لحووول يبي يعلم الناس


الكورس طويل جدا الواحد من يدخل الصبح مايطلع لين المغرب << احسن عشان تحلل الراتب

الموهم وبدون مااطول عليكم


لان الحر في الرياض و الدنيا زحمه حتي واحنا نبي نتمشي ماقدرنا << مسكين

قلت ياولد مالك الي انك تنطق في الفندق لين ربك يحلها << احسن

الموهم

من هنا بدت القصه << الاخ مطول


اليوم وانا طالع من الكورس قلت خلني اصعد الغرفه في الطابق السادس
والمصعد الله يلعن ابو شكله كل ماجيت اصعد ادوخ تقول شايف وحده طلقه << طلقه يعني فائقه الجمال

طلعت من المصعد وانا اترنح << حلوه اترنح ماعلينا المهم شلون وصلت غرفتي مدري

وعلى طول في الفراش

وخذاني النوم

وبتدي الفلم

طبعا قبل ماانا انام البارح حاطه على ام بي سي 3 << شعنده الوالد

كان اشوف دعايه اربح رحله العمر مع ام بي سي وفوز بجائزه العمر وقابل براد بيت وانجلينا جولي واقضي يوم كامل
معاهم في بيتهم كل ماعليك ارسال كلمه زحلطن وانشاء الله تفوز

قمت انا من الزهق الي انا فيه وارسلك الرساله وانا عارف حضي عمره مايقوم << المنحوس منحوس

واليوم دق على رقم من دبي << الاخ عارف فتح خط دبي

المتكلمه : الووو مرحبا

انا هلا والله

المتكلمه : الاستاذ عاشق

عاد الي تكلمني بنت وانا عمري مارقمت في دبي بس لانها بنوته لاتخافون ماخقيت << العن ام الثقل

انا : معاك سمي

المتكلمه : معاك ريم من ام بي سي انت فزت معانا في مسابقه زحلطن

انا : اقول قلبي وجهك انا ماني فاضي لك << وطرخ سكرت التلفون قايل لكم هالحركات ماتمشي على قالت فزت قالت

المهم شوي ولا تلفوني يدق مره ثانيه

الي هو نفس الرقم قلت ان لالله مدري شيبون هالبنات فيني << اخص ياتوم كروز

المتكلمه : استاذ عاشق شوباك

انا : مافيني شيء

المتكلمه : انا عم بحكيك انك فزت معنا في المسابقه انتا مو رقمك هو

؟؟؟؟؟ 05559 << الله الله كل هذا تبون الرقم يسحالي

انا: اي هو رقمي بس لين الحين انا مو مصدق

المتكلمه : ولو استاذ عاشق انتا بدك احلفلك لحتا تصدق

انا : والله ودي تحلفين بس بصدقك اذا سويتي لي تبوله << الشين يحاول يضبط نفسه

المتكلمه : ولو انت تامر امر

انا: بس ماابي فيها بصل كتير << طرار ومتشرط

المتكلمه : ولو على راسي

انا : على راسك من فوق القبعه ولا من تحتها << انكت

المتكلمه :: ههههههههههههه ولو الي بدك اياه

انا الحين خقيت رديت : اي انتوا اخباركم علومكم

المتكلمه : قالت احنا منيحين انت انشاء الله بخير

اثاري البنت اهي الي خقت شكلها حبتني << هذا مابعد تشوفني << الموهم حسيت اني طولتها قلت خلاص اشوفك بدبي

المتكلمه : خلاص تأبرني راح اشوفك انتا جهز اغراظك بكرا راح نبعتلك التذاكر بدي اش ال والسفر بكرا

المهم
جهزت انا اغراضي

حطيت لي كم جينز وتي شرت والجو الحين يمكن برد عند براد بيت قلت خلني اروح اشتريلي فروه من الرياض << العن ام الكشخه

وجا اليوم الموعود

وجت التذاكر

قمت انا والبس شماغي وذاك الثوب والكبك ومعطر << خبركم كاشخ بروح اقابل ريم << نسيت ام الرحله لبراد بيت المهم ريم الحين

وبعد ساعه ونص من الطيران نزلت في مطار دبي

شفت الاستقبال الحافل لي << وقتها فكرت اني فايز بكاس اسيا

قمت واوزع قبلات على الجمهور << تماسيح اسمحولي ما في قبلات

طلعت من المطار شفت البانوراما ينتظرني بره قلت اخص اخيرا بركب بنوراما

الي اشوف ذيك الي تزاعق لي واتلفت الي اشوف ريم << انا عرفتها من الصوت

كان اقول حق السواق اسمحلي انا رايح اركب هناك

قالي تهد البانوراما وتروح على البيجو

قلتله اروح لو على ددسن

الحين الكل يبي يعرف شنو صار في البيجو << ماراح اقول لو تموتون


ماصار شيء
بس سلامنا على بعض وبدت البنت تبكي

شفيك انا الحين جاي اشوفك عشان تبكين

قالت الاداره مو راضين يخذوني معاك

قلت شنو مو راضين من يقول << طلعت العضلات في هالوقت

وقلت انا مااروح لين تروح ريم

غير بدل قلت ما في امل

واداره ام بي سي جايبه المصورين واهم بيصوروني وانا اركب الطياره

قلت مافي امل اما ريم معانا ولا مااركب << راكب راسي

المهم رضو يركبونها معانه البنت ستانست حيل وانا صاير العقيد بو شهاب

طارت الرحله وسوالف وضحك مع الطاقم وانا مو مصدق كل هالتصوير لي >>ما انلام

المهم نزلنا مطار نيويورك

ورحنا بيت براد

واول ماشافني براد خذني بالحضن وقالي شلونك << طلع يعرف عربي

عاد انا رديت عليه بالعنقليزي وقالتله

فري قود

هو ار يو

قالي دوم فري قود

وقال انا تمام

وشوي وانا اسولف مع براد الي انجلينا اوصلت

واول ماشافتني خذتني بالحضن هلو عاشق هو ار يو

انا استحيت بيني وبينكم وخرتها عني

وقلت لها ام جود

ولا اشوف الي بوسه منها على اليمين وبوسه على اليسار

وانا اطالع في براد واقول متي يغير ويوخرها عني


واهي يو ار بيتفل يو ار جنتل مان
اي لف يو

قلت لحول وانا كل وحده تشوفني تحبني << شنو ذنبي ان الله خلقني جميل

المهم انجلينا امسكت فيني بوس وشوي الي تطب ريم عليها << البنت غارت وبراد ماغار

وتقوم الهوشه بين ريم وانجلينا وانا افاكك وبراد يطالع

المهم ريم صفقت انجلينا تصفيق < اثر انجلينا طلعت اي كلام مو قويه بس في الافلام

وبالموت قومنا ريم منها

وتوني ماسك يد ريم برفعها واعلن فوزها

الي الباب حق الغرفه يندق بقوه خدمة الغرف << الله يهديهم

ماخلوني افوز ريم ولا اكمل معاها



ردودكم الله لايهينكم
وتقييمكم للموضوع تراني تعبت وانا اكتبه

>>>>> ردود الأعضـــــــــــــــــــاء على الموضوع <<<<<
==================================

هههههههههههههههههههه مره حلو حتى ماما مسرحه معايه

__________________________________________________ __________
[

وتوني ماسك يد ريم برفعها واعلن فوزها

الي الباب حق الغرفه يندق بقوه خدمة الغرف << الله يهديهم

ماخلوني افوز ريم ولا اكمل معاها

احلام سعيييييييييييييييييده هههههههههههههههاي

__________________________________________________ __________
هههههههههههههههههههههههههههههههه
يسلمووووووو

__________________________________________________ __________
هههههههههههههههههههههه

يعطيك العافيه

__________________________________________________ __________
ههههههههههههههههههه
حلوه بس هل ياترى حقيقه
ولا حلم يعطيك العافيه

هههههههههههههههههههه
أأأأأحلام سعيده