لا تخافي .. لا تخافي ... نحنُ أبطال المطافي - نكت جديدة

[hamida]

عنوان الموضوع : لا تخافي .. لا تخافي ... نحنُ أبطال المطافي - نكت جديدة
مقدم من طرف منتديات الشامل

	[SIZE="5"]خخخخخخخخخخخخخخخخخخخخخخخخخخ شباب بلا زحمه عند البوابه , وربي الموضوع ما راح يطير بتطفشون من كثر ما تشوفونه يا حليلكم حليلاه , كلكم داخلين ومتحمسين تبون تشوفون وش السالفه اللي عندي ************ والله ما عندك الا الدجه بصراحه ما عندي سالفه , بس يوم شفت هذا الجمع الغفير عند بوابة الموضوع قلت خلوني اسدح لهم موضوع , علشان ما ترجعون وانتم تسحبون أذيال الهزيمه ************ قلبها معارك الاخ هع هع هع موضوعي وكما عودتكم لحسة مخ , والمخ أحد الاعضاء المهمه في جسم الانسان يعني لو ما عندي مخ كان ما كتب لكم موضوع هع هع هع طيب قبل لا ابدأ في الموضوع , أبيكم ترتبون اماكنكم , يعني كل واحد يروح يجيب كرسي وطاوله ويجلس بشكل منتظم , وياليت الملاحيس يجلسون في الصفوف الاولى , والمفهين في الصفوف الوسطى والعاقلين في الصفوف الاخيره هع هع هع فيه هذا الموضوع يجب عليكم الالتزام بالانظمه الموضحه على السبوره ويمنع منعا ً باتاُ البتاتات الاستئذان والنوم يعني اللي حشران لا قدّر الله يروح يخلص قبل لا يجلس واللي في راسه نوم ياليت يغطي راسه بكيس , ماني ناقص سعابيل هع هع هع هع بسم الله نبدأ ندخل في سلالة الموضوع لا تخـــافي ..... لا تخـــــافي ...... نحن أبطال المطافي هذي المقدمه واللي ماله نفس يقراها ينزل على السريع لتحت اخواني المصرقعين اخواتي المرقعات , كما عودتكم قناة الزين الصرقيعيه بتقديم كل جديد وكل ما تقدمه هذه القناة من new موضوع هدفها هو نقش ورسم وخط ابتسامات شفافات في خشخوشات مستديرات او مستطيلات او ما شابه ذلك ...... هاهو محدثكم بل أخيكم قبل ان يصبح محدثكم الزين اطال الله في عمره ينثر بين ايديكم هذه الجمل المترابطه مع بعضها البعض بشكل نحوي صحيح ويريد منكم الابتسامه فقط لا غير واللي يبي يصير كريم يرد على الموضوع واكون له شاكرا ً ************ أخلاق الولد هع هع هع هع نبذه مختصره عن الاشخاص المشاركين معنا : فــهد : حظه مقرود وحياته كلها نحس في نحس , شارك في الاسهم وخسر كم هلله وبغى ينجن لكن سيطرنا على وضعه وعطيناه حبوب مهدئه , لكن هذه الحبوب أثرت عليه بشكل كبير فهو اصبح هادئا والدليل على ذلك قلّة دخوله للمنتدى وغير الاسهم الرجال يبي يصير ملياردير بالقوه , ودخل التجاره من اوسع ابوابها وفتح العديد من المحلات التجاريه لكن للاسف الفشل كان حليفه , وفي الآونه الاخيره فتح مطعم وجبات سريعه والحمد لله المطعم ماشي على ما يرام وذلك بفضل الله ثم فضل موضي لانها اربع وعشرين ساعه مسنتره في المطعم وانواع البلع خالد: هذا مدير مركز الدفاع المدني الواقع في أحد احياء الجوف معاند : هذا واااااد انما ايه انسان قروي ولكن يبي يسوي نفسه حضري بالغصب , يحب سماع الاغاني الغربيه , ويقضي وقت فراغه في الاسواق واذا سالته ليه تروح السوق , يقول ابي افتح محل والى الحين ما حصلت **************** له عشر سنين ما حصل محل المهم انه يحب لبس الجنوز والبرمودات والشعر منفوش على باله غربي هع هع هع <***** هذا من برا المنتدى مبنشره : هذي معلمة فطاير وفلافل في مطعم فهد وما شاء الله عليها وقفت مع المشعل حتى اصبح الطعم مشهورا عند جميع سكان الحاره التي خلف هذا المطعم خخخخخخخخ ************ قال مشهور قال وبعدين ما يشتغل في المطعم الا هي , يعني انواع الكرف , بس المشعل ما قصر وقالها وجبة الغداء مجاناً الزين : هذا انسان قروي لابعد حد , بس احسن ما فيه انه معترف مكتوب على جبهته ( انتهت مدة صلاحيته ) يعني هو عايش مع اهله زيادة عدد علشان الاكتتاب في الاسهم هع هع هع وفي نفس الوقت غني عن التعريف بعد ان تعرفنا على الشخصيات المشاركه معنا اليكم الاحداث واتمنى لكم وقتاً ممتعاً ************ والله اني اصلح مذيع اخباري هع هع هع هع يا ناس انا حالتي حاله , كنت ابحث عن وظيفه مناسبه ولكن للاسف كل ما رحت لشركه او مؤسسه او مكتب مقاولات او مكتب تأجير سيارات قالوا مالك مكان عندنا والله طفشت كل يوم وانا سارحن مع هالصبح من دون فايده , لا فطور ولا غداء ولا نوم ولا شي كل همي اني احصل وظيفه , كان عندي طموح اني اصير طبيب جراحة قلوب , ويوم شفت مافيه امل قلت اغير طموحي وصار طموحي طبيب بيطري , وبعد مافيه فائده وقلت اذا يجي طبيب حشرات ما فيه مشكله هع هع هع هع لكن للاسف كل هالطموحات راحت هباءاً منثوراً , والحين ادور اي وظيفه او اي مصدر رزق حلال في يوم من الايام كنت اتصفح الجريده وحصلت اعلان وظائف شاغره للسعوديين , المهم وانا اروح اجمع شهاداتي وخبراتي واصورها وارسلها بالفاكس لهم انتظرت اول يوم محد اتصل , اول اسبوع محد اتصل , اول شهر بعد محد اتصل , وبعد مضي شهرين اتصلوا علي امباااااااع امباااااااااااع امباااااااااااااع **************** نغمة جوالي هع هع هع أنا : الووو الموظف : وع هذا صوتك ..!!! انا : اقول لا تغلط لا يجيك بقس يمشي طبلونه مع السماعه الموظف : بلا هياط , انت مرسل السيره الذاتيه لنا , وتبي تتوظف انت وخشتك انا : بعد ما دريت ان الدعوه فيها وظيفه رديت بكل اخلاق , هلا والله يالغلا تشرفنا وفرصه سعيده اني سمعت صوتك ايه انا ارسلت السيره لكم , بشّر يالغلا فيه امل انظم لعائلتكم الموظف : ايه فيه , وعطاني العنوان في الرياض وقال بكره المقابله الشخصيه , وهو يسكر السماعه في وجهي طوط طوط طوط طوط طوط طوط ************ غسل يده من صوتي المهم وانا اروح الم عفشي واخذ شنطة المعاملات قصدي شنطة الشهادات واقرب ليموزين وعلى النقل الجماعي المهم جلست اخر الباص حق النقل , وكان قدامي بنت في ينابيع شبابها جالسه تتفرج في جوالها وصدق من قال صدفه خير من الف ميعاد جوالها فيه بلوتوث وجوالي فيه بلوتوث المهم قلت مالها داعي اخش في عينها على طول وارسلها خلوني اول شي القي نظره واستكشف الوضع وبعدها يصير خير المهم قلت خلوني اخذ غفوه علشان اصحصح لان بكره وراي مقابله شخصيه ومالها داعي ادخل عليهم مفهي المهم وانا احط راسي وانواع الشخير خشش خششش خششش وراحت علي النومه وما صحيت الا اللي جنبي يقول الله يقرفك خخخخخخخخخخ صحيت بسرعه ورفعت راسي والتفت على اللي بجنبي الا ثوبه كله سعابيل هع هع هع هع اثاري يوم انا نمت هو نام بعد , واختلط الحابل بالنابل وانواع السعابيل على ثوبه خخخخخخخخخ المهم صحيت ورحت للسواق وقلت يالطيب كم باقي على الرياض ؟؟ السواق : مسافة السكه خخخخخخخخ ************ جواب غبي من جد انا : يعني ما بقى شي , وصلنا ؟؟ السواق : عليك فانوس , باقي 200 كيلوا متر انا : ما فيه عشا **************** وبطني يوصوص صوص صوص صوص جوعان بقوه السواق : صح النوم يا عمي , وقفنا ثلاث مرات وانت نايم انا : خيرها في غيرها , ان شاء الله اعوضها المره الجايه خخخخخخخخخخ المهم وانا راجع لمقعدي واشطف البنت والا هي على ماهي عليه ماسكه الجوال وتتفرج فيه قلت الحين يبدأ الشغل والاحتكاك هع هع هع ************ جتك يامهنا على ما تمنا المهم وانا اجلس وابحث بلوتوث واحصل اسامي كثيره واحصّل جهاز اسم بلوتوثه صغيرونه دلووووعه انا يوم قريت الاسم جاني شهيق ماهو صاحي , وازداد عدد نبضات القلب , وارتجفت المفاصل جميعها المهم اليكم ما دار بيني وبينها بالبلوتوث : انا : تصدقين الباص طفش صغيرونه : بالعكس فله وهذي اعتبرها احسن رحله انا : فله في عينك ******** ماعنده اسلوب , وين فله وحنا متعفطين على هالكراسي لنا ست ساعات صغيرونه : بالعكس انا استانست على صوت شخيرك انا : الله يسلمك هذا من ذوقك صغيرونه : ومن قال يسلم , بس ابي اسالك وش عندك بالرياض ؟؟ انا : والله رايح افتح سوق نسائي هناك **************** والله اسلوب هع هع هع صغيرونه : ما شاء الله عليك انت بزنس مان ؟؟ انا : لا شكلك مشبهه علي , انا الزين من الجوف هع هع هع هع صغيرونه : ههههههههههههه شكل دمك خفيف , ممكن اتعرف عليك انا : لي الشرف اتعرف عليك , والقلب يطربق طربق طربق طربق صغيرونه : انت وين جالس ؟؟ انا : اخر كرسي على اليسار , من ايام الدراسه وانا هذا مقعدي وقطع محادثتنا السواق وهو يقول وصلنا لرياض , على جميع الركاب الاستعداد للنزول رديت على السواق بصوت عالي : ماهو وقته يالخسيس , توني ما اخذت الرقم جلسوا يضحكون اللي في الباص كلهم وانظارهم متجهه علي وقبل ما انزل جتني رساله بلوتوث من صغيرونه صغيرونه : والله انك زاحف , ابي اقابلك قبل لا انزل ؟؟ انا : اوكي ما فيه مشكله , انا بجلس في مكاني الين ينزلون كل الركاب المهم وانا جالس اتزين وامشط شعري واتعطر , وما بقى في الباص احد الا ويجيني واحد كبر الفيل , ووجهه تقول ركبة حاشي , وخشمه تقول مفتاح عجل المهم من يوم شافني وهو يجلس يضحك انت عبقري زمانه ************************ اسمي في البلوتوث انا : ايه انا , اي خدمه الفيل : ههههههههه تحتري صغيرونه ؟؟؟ انا : وبكل دهشه وانت من تكون على شان تسألني , الفيل : انا صغيرونه , معك الكاميرا الخفيه انا نزلت الجزمه اللي لابسها بغيت اصفقها بوجهه , بس يوم فكّرت قلت هالفيل ماني قادر عليه , يعني لو اتهاوش معه بيفرمني فرم رديت عليه : الله يرجك والله اني كنت متوقع انه انت هع هع هع **************** من خاف سلم المهم نزلت في الرياض , وانواع الرطوبه والحر , اخلاقي قفّلت من الجو , المهم قلت ما فيه الا معاند ابتصل عليه وانام عنده الى بكره واروح للمقابله الشخصيه , المهم اتصلت على الذيب معاند ويجيني في اسرع وقت , وبينما نحن متجهين لشقة معاند دار بيني وبينه حديث عن ما حصل معي في الباص .!! انا : قلت القصه كامله لمعاند من طق طق الى سلام عليكم معاند : يا واااد انت غبي انا : اقول لا تغلط لا اتوطى ببطنك ************************ يحسبها سبّه خخخخخخخخ معاند : تدري لو انا مكانك وش بسوي ؟؟؟ انا : لا والله مدري , قل عساني استفيد منك معاند : ابسألها هي وين جالسه علشان اتأكد ..!!! قطعت كلام معاند لاني داري انه بيمسك خط وفي الاخير ما عنده سالفه قلت له : تراني ما تعشيت , على فطوري في الجوف <***** من الجوف لرياض <***** رحاله وانا مدري معاند : من قالك ما تتعشى خخخخخخخخخ انا : هذا وانت معاند تقول هالكلام , كيف عاد المواطنون هع هع هع هع معاند : اقول لا يكثر , ترى فهد فتح مطعم وبنروح نتعشى عنده انا : هذا المطلوب , علشان ما ندفع الحساب خخخخخخ ************ الله يعينك يافهد اتجهنا انا ومعاند الى مطعم بابا فهد للوجبات السريعه وصلنا المطعم , ونزلنا واشوف موضي العسل داخل المطعم وانواع البلع ومبنشره واقفه على راسها وتقول ياختي متى بتحاسبين , ترى والله تعبنا نطرد وراك , انا بعطيك فرصه اسبوع اذا ما حاسبتي ابشكيك في المخفر موضي مطنشه ومستمره في الفرم هع هع هع هع دخلت عليهم وقطعت حديثهم بالسلاااااااام ردوا السلام علي وجلست انا واخوي معاند على احد الطاولات المهم جتنا مبنشره وفي يدها المونيوم مبنشره : شو تطلبوا ؟؟ انا : اخس يالبنانيه معاند : الزين خل حركات القريات هناك , لا تخربها معها وبعدين ما تدّين علي انا : انا ابي واحد بيبسي بنكهة الفاصوليا هع هع هع هع مبنشره : يا شينك مير , اطلب ولا ترى باتصل على فهد معاند : لا ما يحتاج جيبي كذا وكذا وكذا طلب كله خوف من فهد مبنشره : اي اوامر ثانيه ؟؟ انا : اقول الخلا بلا تميلح **************** اسلوبه صفر المهم راحت وجابت الطلب وتعشينا والحمد لله وبعد العشا طلعنا للشقه , وصلنا الشقة وقلت لمعاند لا تنام ابيك تصحيني الصباح لان عندي مقابله شخصيه , قال معاند اوكي المهم نمت وصحاني معاند الصباح واتجهنا الى العنوان اللي عطانيه الموظف وصلنا الشركه , قلت لمعاند اوكي انت رح الحين نام وانا اذا خلصت المقابله بجيك على تاكسي راح معاند وانا دخلت الشركه , واتجهت الى مدير شؤؤن الموظفين طقيت باب المكتب طق طق طق طق المدير : تفضل انا مستمر في الطق طق طق طق طق المدير جعلهم يطقونك بشواكيش ادخل عساك العمى انا ضيّعت ووجهي قام يعطي الوان وترددت ما بغيت ادخل , بس فكرت الا 1500 كيلوا بتروح على غير سنع , المهم وانا افتح الباب انا : السلام عليكم المدير : وعليكم السلام يالمزعج انا : مقبوله منك يالغلا ******************** مسوي اخلاق هع هع هع المدير : اخلص وش تبي انا : عندي مقابله شخصيه المدير : اهااااا , اوكي انت مستعد انا : بكل حماااس , ايه مستعد المدير : جبت معك اغراض السباحه والغوص والسلامه انا : بشكل مندهش , ليه فيه بطولة سباحه المدير : ههههههههههه اقول بلا استهبال , شكلك ما تدري وش وظيفتك انا : من زينك علشان استهبل والله لو انك البنت اللي في الباص , بس قل وش الوظيفه ؟؟ المدير : وظيفتك يالغالي صيّاد سمك خخخخخخخخخخخ انا : هذي اخرتها , انا لو هوايتي الصيد كان جلست في صحاري طريف وعرعر وجلست اصيد ضبان بس اذا عندكم وظيفه سنعه غير الصيد انا حاضر المدير : للاسف ما فيه انا : يالله اجل اذا حصلت وظيفه غيرها اتصل علي هع هع هع المهم طلعت من عنده واخذت تاكسي ورحت للشقه حصلت معاند في سابع نومه , وانا اجيه وارفسه على ظهره خخخخخخخخ انت نايم وانا اعاني من هالوظيفه صحى معاند وطالع فيني وجلس يضحك قلت له : من زين وجهك تضحك والغمص تارس وجهك يالله رح غسل ودني المطار بروح للجوف المهم صحى معاند وغسل وجهه ونزلنا للسياره , يوم ركبنا السياره قالي معاند ترى خالد بيزعل عليك , مالها داعي تجي الرياض ولا تسلم عليه قلت : وينه هو ؟؟ معاند : في قسم الدفاع المدني انا : اوكي نروح نسلم عليه بس ماني مطول ابي امشي للجوف في اسرع وقت معاند : اوكي اتجهنا الى قسم الدفاع المدني ,, ووصلنا القسم ونشوف الددسن حق خالد موقف دخلنا القسم اتجهنا لمكتب خالد , دخلنا المكتب وسولفنا معه وفي اثناء الحوار قاطعنا خبر حريق في مطعم فهد المهم قال خالد : الزين , معاند روحوا اركبوا الوايتات اللي هناك واتجهوا للمطعم بسرعه انا ومعاند : اوكي اتجهنا انا ومعاند لسيارات الاطفاء , ركبت انا وايت ومعاند ركب الوايت اللي بجنبي المهم رجعت ريوس ومعاند رجع ريوس , وانا مدري عنه وهو ما يدري عني المهم تصادمنا خخخخخخخخخخخخخ نزلت عليه وهو ما نزل قلت تعال لا بارك الله فيك والله ما اسامحك الين تجي الدوريه قال معاند : اقول بلا استهبال اركب خلنا نلحق على الحريق المهم وانا اركب واشغل السيفتي وووووووووووووي وووووووووووي ووووووووووووووي وانواع قطع الاشارات وانواع تنقيز الارصفه وشوي واشطف معاند وخالد انا عندي خبره في السواقه وهم ما يحبون السرعه هع هع هع هع المهم وصلت المطعم قبلهم للاسف الطعم راح في رجلها وكانت مبنشره واقفه عند باب المطعم خايفه وجالسه تبكي تهئ تهئ تهئ تهئ تهئ انا شفتها شغلت المكرفون حق الدوريه قاااااااااااااااق قاااااااااااااااااااق قاااااااااااااااااااااااق لا تخافي لا تخافي نحن أبطال المطافي المهم وانا انزل وادخل المطعم بلّي الاطفاء وشوي ويجي معاند وخالد ويساعدوني طفينا الحريقه في اسرع وقت بعدها جاء فهد ولا يرى عليه اثار الحزن وسألته قلن وش فيك شكل المطعم ما يهمك قال فهد : يا رجال متعود على الخساير هع هع هع هع المهم وصل الخبر الى المدير العام للدفاع المدني وقدم لي وظيفه عندهم براتب حلو والحمد لله الحين توظفت وهذا بفضل الله ثم فضل مطعم فهد وقررت اول راتب بعطيه فهد علشان يعوّض خسايره فوائد من السابق ذكره : 1/ لا تعتمد كل الاعتماد على اسماء البلوتوث . 2 / اذا شفت صاحبك عسل لا تلحسه كله . 3/ الشغل ما فيه عيب , اهم شي انك تجد رزق حلال وتبتعد عن الحرام . 4/ الاهتمام بمساعدة الاخرين , وتحب لهم ما تحب لنفسك . 5/ اذا بغيت تنام حاول انك تسكر فمك , كي ما يضرر المجاورين لك 6/ كل اللي قريتوه من نسج الاخيال _______ انتهى _______ حقوق الطبع والنشر محفوظه الزين يفرض نفسه [/SIZE]

>>>>> ردود الأعضـــــــــــــــــــاء على الموضوع <<<<<
==================================
رجعت ريوس ومعاند رجع ريوس , وانا مدري عنه وهو ما يدري عني
المهم تصادمنا خخخخخخخخخخخخخ نزلت عليه وهو ما نزل قلت تعال لا بارك الله فيك والله ما اسامحك الين تجي الدوريه

ههههههههههههههههههههههههه

ابداع,,
يسلموو الزين

__________________________________________________ __________
ههههههههههههههههههههههههههههههههه بس تكون مضبوطة لو مدخلني بالقصة وحاول تدخلني فيها المرة الجاية
وابي اكون البطل <<<<<<<<<<<<<<<<<<<<<<<<<<<<<<<<<<<<<طرار ويتشرط

__________________________________________________ __________
ههههههههههههههههههههههههههههههههههههههههه

هههههههههههههههههههههههههههههههههههه

ههههههههههههههههههههههههههههههه

اتاريك راعي بلوتوثات يالزين مانت هين

انا مابعجني بالضحك غير اني بالمطعم انواع البلع والفرم

<<<<<<< قاعده تخيل الموقف اخخخخخخخخخخ


يسلموا الزين يفرض نفسه

__________________________________________________ __________
دخلت عليهم وقطعت حديثهم بالسلاااااااام
ردوا السلام علي وجلست انا واخوي معاند على احد الطاولات
المهم جتنا مبنشره وفي يدها المونيوم
مبنشره : شو تطلبوا ؟؟
انا : اخس يالبنانيه
معاند : الزين خل حركات القريات هناك , لا تخربها معها وبعدين ما تدّين علي
انا : انا ابي واحد بيبسي بنكهة الفاصوليا هع هع هع هع
مبنشره : يا شينك مير , اطلب ولا ترى باتصل على فهد
معاند : لا ما يحتاج جيبي كذا وكذا وكذا طلب كله خوف من فهد
مبنشره : اي اوامر ثانيه ؟؟
انا : اقول الخلا بلا تميلح **************** اسلوبه صفر
ههههههههههههههههههههههههههههههههههههه
هههههههههههههههههههههههههههههههههه

ابــداع حبيبي الزيــن يسلموو عالقصــه الرائعــه

بنتظــار جــديدك

__________________________________________________ __________
هههههههههههههههههههههههههههههههههههههههههههه
هههههههههههههههههههههههههههههههههه
ههههههههههههههههههههههههه
ههههههههههههههههه
ههههههههه
هههههه
هه
الله يسعد قلبك وناااااااااااااااسه من جد وعندك خيااااااااااااااااال ماشاء اللله رائع

	مبنشره الحنونه يسلمو على المرور