عنوان الموضوع : البلد يآكثر مافيهآ أحزآن ..!!
مقدم من طرف منتديات الشامل





البلـد .
يا كثر ما فيها أحزان
والسهر سلوة حيارى
والعذاب إنسان
إشرقي من عتمة الظلما وكوني
صبح يرتاح بعيوني
وشمس ريانه حنان
علميني
أبجديات الهروب
من الغروب ولحظة الفقدان .


آه
يا صعب هذا الزمان !
وين أولِّـي ..؟
ما بقى لي غير وجهك
جيت ألوذ بنور وجهك
من عبوس أهل الزمان..!
جيت أقول إني تعبت من السفر
بين الصور !
وإني ضجرت من الضجر
ومعانق الجدران ..
وجيت أقول إني هزمني البرد
وإن الوجد كايد ، والأمل خوّان!
وجيت أقدم لك قصايد ورد لكن
نصفها حزنه يفوح ..
ونصفها ذبلان ..!
جيت ابنسى .. صدقيني ما بقى
فيني جلد ..


ومحد من الهم خالي ..
وكل خالي ما خلا من ها النكد !
والبلد
يا كثر ما فيها من أحزان
اقصري صوت (المسجِّل) ..
سكتيه اللي قضى عمره يدّجل
ضحكتك ..!
ياني شغوف لجلجلتها ..جلجليها ..
واتركي الدنيا تجلل
واعزمي الفرحة
وخليها تعجّل بالوصول !
الأغاني ،
كذبة إنسان يعاني
وشيء ثاني
لا تظنيها مواني
ولا تعديها ولا ربع الحلول !
والطرب ،
أنتي طرب كلك
دخيلك موّجي ظلك
وقولي كيف أفلك ..
وإن جمعتك .. علميني وش أقول ؟
تلمذيني ..
لعنة (الأستاذ) من حولي طفت ضوّي ..
وتوّي بأول فصول التأمل والذهول !
والخطاوي في حذر ،
تنسل بي وسط اندهاشي
والعقل مشلول ..!
يل دليل اللي غدا منه الدليل ..
إقهري ها المستحيل .
وانفضي عن كاهلي حمل المسافة
ولا تخليني كذا مثل الذليل ..
وكان في قلبك حنان ..
طالبك
طالبك
لا تتركيني في مهب الحزن
وأوجاع الزمان
إغسليني من غثا الأيام بشوية وفا
ودوّري لي في ظروفك عن مكــان
وعن أمان ..
وغيبيني في تضاريس المشاعر
في مناخات الجسد ..
لو دقايق تحسبيها ، أو ثواني بالعدد
وبعدها ما أبي أحد ..
غيرك .. ولا غيرك أحبه للأبد ..


والبلد
يا كثر ما فيها من أحزان
يا كثر ما فيها من أحزان
يا كثر ما فيها من أحزان


>>>>> ردود الأعضـــــــــــــــــــاء على الموضوع <<<<<
==================================

صح بوحك على هذه الكلمات المثريه

__________________________________________________ __________
صح لساانك
ويعطيك الف عافيه على الطرح الراقي
كلماات في قمة الرووعه
ننتظر جديدك


__________________________________________________ __________


__________________________________________________ __________
المشاركة الأصلية كتبت بواسطة شيطونة الشرقية;6[center
والبلد
يا كثر ما فيها من أحزان
يا كثر ما فيها من أحزان

يا كثر ما فيها من أحزان[/center]

اي والله
رـأـإـأئعهـ كروعتـكـ يـالغلا

__________________________________________________ __________
ابياآآآت كلها روعه وإبداع

يعطيك العافيه مماننحرم هالطله الروعه

دمت بود