عنوان الموضوع : غربه..... خاطرة جميلة
مقدم من طرف منتديات الشامل
يا ترى شو يعني غربة ؟؟
دوم اسمع ..
ناس تشكي جور غربة ..
يمكن هي تعني الرحيل ..!!
أو حتى يمكن صمت ليل ..
يطوي في وسطه حنين ..
يحمله عبر السنين ..
أو يمكن انه شوق غرفه ..!!
خاليه من كل طيف ..
تنشد عن منهو و كيف ..
تكسيها وحشه ..
مع الأيام صارت خاليه ..
صارت قاسية ..
لا أمان ..
و لا حنان ..
تحتوي كل هم و كربة ..
كل ما اسمع بها ..
احتار عن تفسيرها !!
قلت اسأل من أقابل ..
يا ترى شو يعني غربة ؟؟
. . . . . . . . . . . . . . . . .
وسط دربي ..
مرة صدفة ..
لاقيت لي هبة نسيم ..
يحتضنها شوق غيم ..
بكل خفه ..
قلت يا هبة نسيم ..
بنشدك عن شي يحير ..
تعرفين شو يعني غربة ؟؟
و بكل رقة تضحك النسمة علي ..
ليه تنشد يا صغير ..
و أقول أنا بكل حره ..
ودي اعرف .. ودي اعرف ..
خبريني يا نسيم ..
بس ضحكة النسمة غابت ..
و شفت منها دمعه سالت ..
ليه تنشد يا صغير ..
الغربة مرة ..
تقتل أحلام الطفولة ..
و كل صورة ..
رسمها قلبك طول عمره ..
هل سمعت صوت الونين ؟؟
يوم يطلع من عنق لبوه .. !!
صابها جرح عميق ..
هل شفت مرة يأس الغريق ..
لا معين .. و لا مغيث ..
أو حتى فزعه ..
هذي غربة ..
قلب قاسي ما يلين ..
. . . . . . . . . . . . . . . .
خفت أنا من طاري غربة ..
بس حيرة !!
هل هذي غربة ؟؟
و إلا غربة يعني غير ؟؟
يمكن هي أحزان طير ..
فاقد عشه !!
بعد ما تعب يبني..
و في الأخير ..
انهد نصفه ..
بس بنشد ..
يمكن اللي غير نسمه ..
يعرف المعنى الأكيد ..
. . . . . . . . . . . . . . . . . .
رحت لامي ..
و أنا متوسخ بتربه ..
بعد لعبه ..
و أمي مشغولة بثوبي ..
تلومني .. و تهزني ..
و تملا كوبي ..
اشرب أنا بكل هدوء ..
و أنا متأثر بفكره ..
أمي تعرف ..
لا بد تعرف ..
شو يعني غربة ؟؟
يمه شو يعني غربة ؟؟
و أمي في عيشتها تغرف ..
ليه تنشد يا صغير ؟؟
الغربة عوده ..
لا صرت فاهم أو كبير ..
بحكي لك شو يعني غربة ..
يمه .. لا ..
لا تحرميني ..
ودي اعرف .. ودي اعرف ..
يمه دخيلك خبريني ..
يا صغير الغربة شينه ..
الغربة انك وحيد ..
مالك احد ..
انك ضعيف ..
مالك سند ..
الغربة لها معنى مخيف ..
إن وجودك في الوطن ..
ما يعني سوى عابر سبيل ..
و مهما يمر عليك زمن ..
دوم غريب ..
دمعك يسيل ..
قلبك عليل ..
ما يطيب ..
الغربة شوق ..
و في القلب عوق ..
تعني هم و تعني خوف ..
تعني حزن ..
و تعني فرقى..
آه من هم الغريب ..
خالي موحش هالطريق ..
لا مخاوي و لا صديق ..
و لا مداوي و لا طبيب ..
قلت يا يمه غريبه !!!
هذي غربة ؟؟
يعني يا يمه أكيد ..
الغربة هي ناس نسوك ..
و يعني هي فقدك لأبوك ..
و يعني أوجاع تتالت ..
و أوقات الانتظار ..
امتدت ..
و طالت ..
دقايق .. أو ساعات ..
أو سنين ..
يمه لا تغسلين الثوب ..
يمه ترى في الثوب تربة ..
تربة الشي الوحيد ..
اللي عالي في قلبي مكانه ..
و عالي في الروح قدره ..
يمه ترى أحس غربة ..
لا احد .. و لا سند ..
من بيعطيني حنانه ..
بس يمه ما أبالي..
ماني عاري ..
لابس المجد ببطره ..
أنا ولد الدار يمه ..
و هذي تربة ..
بس تربة ..
من أراضي..
ما يبيعها حي بعمره ..
الكل شاري ..
يمه هذي الأرض داري ..
بس ليه يمه ..
ليه أحس بشي غريب !!
ليه يمه ..
و كل من حولي قريب ..
و وسط داري ..
أحس غربة ؟؟..
. . . . . . .. . . . . . . .. .. .
>>>>> ردود الأعضـــــــــــــــــــاء على الموضوع <<<<<
==================================
الغربة تعني
ان تفقد كل من حولك
ان تفقد من تشكي له همك
ان تفقد من يستمع لك
كلماتك اجمل من رائعة
لقد نثرت لنا لالئ ثمينة
تقبلوا مروري
__________________________________________________ __________
عفت الخاطر...
مرورك الاروع ..
دمت بخير...
__________________________________________________ __________
شموووخ عزي
نص متوهج بعاطفة شجيه
معك تحضر كل الاشياء بداخلي
غاليتي
أسلوبك عاطر
أخذني لمدرات العطاء والصمت الثائر
على مدارات البوح
دمت بكل ود
شموع
__________________________________________________ __________
يمه لا تغسلين الثوب ..
يمه ترى في الثوب تربة ..
تربة الشي الوحيد ..
اللي عالي في قلبي مكانه ..
و عالي في الروح قدره ..
يمه ترى أحس غربة ..
لا احد .. و لا سند ..
من بيعطيني حنانه ..
بس يمه ما أبالي..
ماني عاري ..
لابس المجد ببطره ..
أنا ولد الدار يمه ..
و هذي تربة ..
بس تربة ..
من أراضي..
ما يبيعها حي بعمره ..
الكل شاري ..
يمه هذي الأرض داري ..
بس ليه يمه ..
ليه أحس بشي غريب !!
ليه يمه ..
و كل من حولي قريب ..
و وسط داري ..
أحس غربة ؟؟..
بألف شكر اهني حضورك الرائع
تقبلي فائق احترامي لقلمك
واتمنى ان ارى جديد تميزك عن قريب
__________________________________________________ __________
يعطيكم العافية جميعا..
وان شاء الله بتشوفون الخير....
رد مع اقتباس
