عنوان الموضوع : وقف معي لحظات ودي احاكيك شعر رائع
مقدم من طرف منتديات الشامل
.
بعض الغلا ياتيك من دون سبه
.................... وبعض الغلا تاتيه من قبل يدعيك
ياللي قطع قلبي غلاه ولعبه
.................... وقف معي لحظات ودي احاكيك
الحب بحرٍ يتعب اللي يطبه
.................... ومن قبل بحر الحب انا غارقٍ فيك
القلب مدهالك وريحك تهبه
.................... لين امتلا دم العروق بسوافيك
بسألك تعرف ويش تعني محبه
.................... بسألك لو مابه جوابٍ يبريك
لجل ايش خذت اللي تخون وتحبه
.................... على المكان اللي انا كنت اوديك
ما قلت لك لا خنت ياهيه خبه
.................... تعبت اغمض لك عيوني و اداريك
ودي اجازي راس الايام حبه
.................... اللي غثاها بينت لي خوافيك
تبلا بمن هو عرق قلبك يجبه
.................... ويفري قليبك بالغلا فري بلجيك
تعشق ترابه للجنون وتسبه
.................... في مثل مانا كنت احبك و اغليك
و فجأه كذا من دون داعي وسبه
.................... خاطره يسمح من هواك و يخليك
ويوردك حوض الجفا من مصبه
.................... ويسقي عيونك بالبكاء لين يعميك
وبتذكر اللي ضلع صدره يشبه*
.................... ف اقسى ليال البرد من شان يدفيك
وتذكر كلامي يوم دمعك تكبه
.................... ( : بدري على الايام تقدر تبكيك )
ولا الفعل واجد وجعله واربه
.................... زكاة فرقى بعدها ما الاقيك
مانيب اعاتب في كلامي وانبه
.................... لا تمسك يديني ولا امسك ايديك
و مانيب اقوله من غرام و محبه
.................... وماقلته بقصدي على الوصل اوعيك
ويمكن احبك بس الاولى احبه
.................... كرامةٍ تفرض على القلب اخليك
لاتزعج الدمع اعتذار وتصبه
.................... انا مع اخر بيت ب اكون ناسيك
روح فمان الدمع مابي احبه
.................... ماعاد باقي شي و اقول يمديك
ودعتك اللي ما يبيك وتحبه
.................... ودعتك اللي ما يحفظك وياليك
لـ ضيم
>>>>> ردود الأعضـــــــــــــــــــاء على الموضوع <<<<<
==================================
شكرآ جزيلا على الموضوع الرائع و المميز
واصل تالقك معنا فى المنتدى
بارك الله فيك أخى ...
ننتظر منك الكثير من خلال إبداعاتك المميزة
لك منـــــــ إجمل تحية ــــــــــى
__________________________________________________ __________
[BACKGROUND="100 https://forum.te3p.com/members/623382-albums10312-picture114897.gif"]
[/BACKGROUND]
حياك الله ايها الشاعر
احسنت وابدعت
طبت ودمت
__________________________________________________ __________
لجل ايش خذت اللي تخون وتحبه
.................... على المكان اللي انا كنت اوديك
ما قلت لك لا خنت ياهيه خبه
.................... تعبت اغمض لك عيوني و اداريك
ضيم
أسعدك الرحمن يانقي
صح لسانك وسلمت يمينك
تقديري وباقة جوري
__________________________________________________ __________
انا قبل ادخل الموضوع قريت العنوان وصفقت !
وانبسطت انك منزل قصيده
لاني اعرف اني بدخل اقرا شي خورافي
شي ماينشبع منه لو تقراه الف
شاعر ! بحروفها الاربعه شااعر ..
مبدع ، قمه في الجمال قممه ف الروووعه
ماعرف ايش اقول صراحه .. اللي وده يقتبس وربي يحتار وش يختار ..
ف كل بيت من هذي القصيده .. يستحق الاقتباس ..
صح لسانك صح لسسسانك
تكفى لاتحرمنا هالقصايد ..
يعطيك العافيه ..
__________________________________________________ __________
ما قلت لك لا خنت ياهيه خبه
تعبت
اغمض لك عيوني و اداريك
صح الله لسانك ولا تغيب احاسيسك وقوافيك
رد مع اقتباس
