عنوان الموضوع : أهلك لوصار...قالوا بنتنا القعده - من الشعر
مقدم من طرف منتديات الشامل

؛؛مدخل؛؛
حـلـوه وحـبـوبـه عـلـى كـل الأحوال
لاشك ماهي في حشا الجوف تاوي


تـبـنـي وتـهـدم بـالـحـشـا حلم وآمال
يــوم ٍمـعـي والـيـوم الآخـر خــلاوي









((بنتنا القعده))

يابنت لو عيني على الصد طاحت=جاه العمى وأستلحق الدمع لده
لاشك لو بأحكم عليها أستباحت=والله ماغيرك من الغيد شده
أن طال شوفك ياغلا الروح شاحت=يم المكان وبالنظر لي تمده
بالحب...وأيام الغلا كيف راحت=النفس ماهي للجفا مستعده
دلة هوانا من تغليك فاحت=وش حيلة اللي بيح الحب سده
زاد العنا وأحلام الأيام باحت=باللي خفا...ودروبنا مجرهده
ياقلب...غيمة حبنا كيف لاحت=فيها البروق...وطيرنا من يهده
أشعلت ضوي بالخفوق وتناحت=هاك الطواري...حبلها خف شده
ليه الجروح أن ظلم الليل صاحت=الصد عم الشوق والحب جده
عطيته الود وأثره بالخفا أجتاحت=الجيش رمشه وصدره قايد الصده
يأم الغنج خفي على الروح ماأنزاحت=عن طاري الشوق عقبك علني رده
وش حيلة أختك إلياضاقت ولاأرتاحت=كلش عليها ذبحها البيت والوحده
مدلـله...هذي شفاتك بالعسل ساحت=وأهلك لوصار...قالوا بنتنا القعده










؛؛خروج؛؛
الـنـعومه واللــطــافــه والـبهــى
كـلــهـا بـأقـوالــهـا وأفـعــالـهــا


والمكر والزيف وأنواع الدهى
مـاتـعــرف دروبـهــا وأشكالها


بقلمي
عمر الشمري


>>>>> ردود الأعضـــــــــــــــــــاء على الموضوع <<<<<
==================================

ســــــلــــــمت والله..

__________________________________________________ __________
صح لسـآنك يـآعمر

شـآعر جزل ودائماً مميز


اشكرك من القلب

أحترآمي

__________________________________________________ __________
دلةهوانا من تغليك فاحت
وش حيلة اللي بيح الحب سده



يا ســلام عليك كل بيت أحلى من الثاني

وأنا بصراحه شدني هالبيت صح الله لسانك ملايييييييييين

__________________________________________________ __________
صح لسااانك واعتلى شانك..

كلمات جميلة في منتهى الروعة..

__________________________________________________ __________
عمر الهمزاني
صح لسانك وصح نبض قلبك
هل يكفيك ان اقولك
لله درك
وهل يكفيك ان اقول الصمت في حضورك ابلغ من الكلام
وهل يكفيك ارش العود لك
الزمرد
خانها التعبير


ليه الجروح أن ظلم الليل صاحت
الصد عم الشوق والحب جده
عطيته الود وأثره بالخفا أجتاحت
الجيش رمشه وصدره قايد الصده
يأم الغنج خفي على الروح ماأنزاحت
عن طاري الشوق عقبك علني رده


من أجمل القصيد دائما تبوح لنا لتمتّع ذائقتنا
دمت شعرا أيها الرائع
صح منطوقك ودام إبداعك