عنوان الموضوع : المشاعر تدفع الحرَ النداوي !!
مقدم من طرف منتديات الشامل
كل واحد ياعرب دربه يدلَه = والليالي ما تجيب الا البلاوي
لا سرا الهاجوس يرقا للاهلَه = ما يرده صوت بوم // وذيب عاوي
همَي اللي يجتلد فالليل كلَه = جوف قلبي له بطولات وحكاوي !!
دون مذهب يحكمه وابدون ملَة = ماعليه امن المواعظ والفتاوي
ضرب سيفه يختلق مليون علَه = مالها لامن ضرب طبٍ مداوي !!
ملَ قلبي والعنَا دشَه ياملَه= كيف ابسلم والهوى موت الهواوي ؟!!
يا غصن لكنَ ما عيَنت ظلَه = ليش تنحاني على السيل النحاوي ؟!!
عَاشِقْك مذهول من شيٍ حصلَه = وانت اعرفك يابعد روحي حياوي !!
السؤال اليا سئلتك ضاع حلَه = وابتلشنا فيك يا ساس الدعاوي
مابقا شيٍ : حجاجي لك يفلَه= بعد ما خابتبك اكبار الهقاوي
مابقا لك عند من هو كنت خلَه = غير صندوقٍ من الجرح امتشاوي !!
ابتعد ما همَني فرقاك لله = لو اعيش العمر من بعدك خلاوي
ما دخل قلبي مع الآيام ذلَه= بس للرحمن ذلَه .. ما انت قاوي
ما انت قاوي ذلته// والكبر خلَه = ما حنيت الراس لعيون الغطاوي !!
مير صلَ الفرض يا لمفتون صلَه = والتفت للآخرة قبل المناوي
انت مثل اللي جرح خلَه وتلَه = للمحاكم يوم بادر بالشكاوي !!
قالها اللي لاعشق يجيك كلَه = والمشاعر تدفع الحر النداوي
ولا انجرح يروح كلَه : ( عا دة لَه ) = يكفخ الجنحان // يوم البوم ثاوي
وعنَي إليا من نشدك انسان قلَه= قول قد قاله شليوح العطاوي !!
( خير قسم الطيب دايم قسمتلَه )= والخلا لاهل الهموم : افضل مداوي
ذي مشاعر خافقٍ ما شال غلَه = ايتحرَك كل ما سمع العزواي
رغم كل اللي حصل لغزك نحلَه = يا حبيبٍ للوصال اليوم ناوي
تعتذر والعذر ماهو في محلَه !! = لان قلبي مات وامن الشوق خاوي
جيت !! قلت اقلط على فنجال دلَه = واقدع امع القهوة التمر الحساوي !!
مير لا خلَصتها دربك تدلَه = مابقا لك حب يالغرو الشقاوي
قلتها و الهمٍ سقفٍ طال ظلَه = والليالي ماتجيب الا البلاوي
صعوط المجانين
>>>>> ردود الأعضـــــــــــــــــــاء على الموضوع <<<<<
==================================
صح لسانك ياسعوط المجانين
قصيده وافيه من شاعر وافي
استمتعت بقرأتها
لاهنت
تحياتي لك
__________________________________________________ __________
كثيراً مااقوول صح لسآنك حتى ترضى كلما قرأت لك
أغرقتنا هذه الشجيه جمالاً حتى الذهوول
صحت يمينك وداام هطول غيمك في سمااء تعب قلبي
..~
! اصااايل !
__________________________________________________ __________
صح السانك مليون
ولاهنت
ابداعت في نظم الابيات
تحياتي
% بنت القصيد %
__________________________________________________ __________
ما دخل قلبي مع الآيام ذلَه=بس للرحمن ذلَهما انت قاوي
ما انت قاوي ذلته والكبر خلَه=ما حنيت الراس لعيون الغطاوي
مير صلَ الفرض يا لمفتون صلَه=والتفت للآخرة قبل المناوي
صح لسـآنك مليـون
جزل من راس جزل
والله يطيك العافيه ياصعوط
__________________________________________________ __________
صح الله لسانك يالغلا
قصيدة جزله من راس جزل تسلم ايدك ولاهان راسك يالغالي
عذبوك بقلبي
بحر من الآلق....
}ْ
سلمت لنا ذائقتك العذبه
,./
أسعدك المولى ورعآآكـ..
لروحكـ جنان ورد
.,’.,’’