عنوان الموضوع : نخاف نحكي الضاد شعر رائع
مقدم من طرف منتديات الشامل
السلام عليكم ورحمة الله وبركاته
هذه الأبيات المتواضعه..لها في القلب من المكانة مالها..
كتبتها للطلاب الذين تشرفت بتدريسهم أيام التطبيق..
أرجو أن تنال أعجابكم..
هذي لغة قرآننا ياعربنا
وحق عليكم تحفظون وتصونون
بالفصحى حنا نفتخر لو درسنا
الإنقليزي نساير الوقت والكون
وواجب ندّرس لا فهمنا بعضنا
لغات هالكفار ياعلّها..عون
تعينّا ننفي غبانا وجهلنا
اللي يروّج له ملاعين صهيون
وتعينّا نرجع لماضي عهدنا
يوم ان كنا فوق والكون ذا دون
قوة وعلم وكل شيءٍ ملكنا
كل الصعايب كانت لعزنا تهون
وتعينّا حنا وحنا فـ بلدنا
نغطي الوظايف للي اليوم يبغون
حتى ولو شعبي كتبنا ونطقنا
نخاف نحكي(الضاد)ونكّثر لحون
طلاب انقليزي بس غصبا شهدنا
وحنا من اللي بالحقايق ينادون
بالفصحى حنا نفتخر لو درسنا
الإنقليزي نساير الناس والكون.!!
عبدالمجيداليحيى
>>>>> ردود الأعضـــــــــــــــــــاء على الموضوع <<<<<
==================================
صح لسانك ولا هنت
وصدقت يامال العافيه
ودي واحترامي وتقديري
نايف
__________________________________________________ __________
صح لسانك
وبيض الله وجهك
تستاهل لغتنا الغيره
مشكور ولاهنت يا عبد المجيد
__________________________________________________ __________
المشاركة الأصلية كتبت بواسطة من بآدي الوقت
صح لسانك ولا هنت
وصدقت يامال العافيه
ودي واحترامي وتقديري
نايف |
صح بدنك وكلك
و الله يعافيك ويسعد قلبك
لاعدمت تواصلك الراقي و الجميل
كل الود و التقدير
__________________________________________________ __________
صح لسانك عبدالمجيد
والله لغتنا اجمل اللغات وارقاها
وانا بصفتي احد عشاقها
احييك واحي انتمائك للعروبه
الله يكثر من امثالك
بيض الله وجهك لاهنت
لك مني كل الاحترام
__________________________________________________ __________
صح لسااااااانك ياعبدالمجيد ويكفينا فخر ان الله عز وجل جعل لغة القرآن
بلغتنا اللغة العربية ويحق لنا ان نفخر بهذا الشيء اشكرك على هذه الشامخه
وأحيي فيك غيرتك على الاسلام والعروبه يالنشمي وتقبل مرووووري وتحيـــــاتي
صح لساانك }
ويعطيك العافيه
,,