عنوان الموضوع : وداعة الله يا روح الشعر والف لا باس - من الشعر
مقدم من طرف منتديات الشامل

وداعة الله يا حبر القلم والقراطيس=وداعة الله يا روح الشعر والف لا باس
وداعة الله يا بحر العقول المفاليس=مادام مالك مع اضدادك تشابه ومقياس
اليوم تعلن حدادك بين كل النواميس=واتأمل الغد يرثي غيبتك شبل نوماس
قد كنت في ما مضى يابحر نور الفوانيس=كم واحد ظل دربه وأنت لهداه مقباس
ما جف عذبك ومن عذبك سقيت الغطاطيس=كفك نديه وكف البخل يا بحر مفلاس
من قاعك اتفجرت يابحر كل المحابيس=ماعاد به حول شطك ورد وأغصان يباس
لكن اشوف اعتلا نجم النفوس المتاعيس=والكاهن الضال اشوفه حط للباب حراس
وأصبحت أنا المتهم والكل حولي جواسيس=والله يرى خاينات العين إذا كنت دلاس
لو كان بعض الاوادم يدحرون الوساويس=ما شفت بصدور خلق الله وسواس خناس
ياكثر ما شفت فالدنيا وجوها معابيس=وانا مع الناس صادق قلب واحترت فالناس
إن خضت في عالمي ما شفت غير الاباليس=ما تُدرك الغاية اللي صاحبة عذب الانفاس
لوكان لرضاة بابٍ حط دونه متاريس=ما يدري إني بدون اقفال مرهف وحساس
اهل الهوا قالو إني كتلةٍ من أحاسيس=لكن حبيبي يقول إني بلا قلب وإحساس
ازريت اساير عقول يبخصون المقاييس=ما شفت في رفقة الأيام من يضمد الرأس
الله يعين الذي مثلي حياته كوابيس=يعيش يومه وفي جسمة اثر ضربة الفاس
لوكان لي قصةٍ تكتب ببطن الكراريس=ما شفت فالمكتبات اليوم ينباع كراس
اكيد يوجد معي فالحب ثلة مهاويس = لكن بلا شك أنا اللي دوم فالحب منحاس
اصارع الوجد وآطى فوق رؤس الدبابيس = كني عليلاً يعانق بالمرض قمة اليأس
حصدت الأحزان واشعلت الضلوع المقابيس=حتى امتلا من همومي بالكدر خالي الكاس
ما طاعني هاجسٍ يرسم طموحي تضاريس=وش ينفع اللي بناء للمجد قمة بلا ساس
من كذبة ابريل كم شفنا عقولا ملاحيس =وانأ بعد صرت كذبة في صدر كل مجلاس
ليت العيون الذي تبكي فراقي نواعيس=واقول فواز ينعي بعده اليوم نعاس
لكن ارى حول نعشي من يدق المروايس=حتى صديق العمر يحمل في اليد مراوس
ليت الزمن ينطوي واعيد وقت المشاكيس=وسل سيفي ليا دقت على الحرب الاجراس
لكن وقتي خذلني فالرجال الاشاويس=ما عاد به في زمان الشح رجال نبراس

فواز المالكي

>>>>> ردود الأعضـــــــــــــــــــاء على الموضوع <<<<<
==================================

صح لسااااااااانك


ويعطيك العافيه علي الابيات الجميله والمميزه



تقبل مرررررررررررررررروري المتواضع

__________________________________________________ __________
صح لسانك

اخوي الشاعر

فواز المالكي

يامبدع الحرف ومصخر القوافي

رائعة ومتميزه,,, ايها الشاعر الجزل,,

راقت لي واعجبتني حيييل هذه الوداعية الموجعه,,

تحياتي لشخصك الكريم واجمل سلامي

دمت من الله بكل الخير,,

__________________________________________________ __________
صح لسانك مشاكس وعلا شانك

ابيات موجعه مليئه بالشجن

راقت لي كثيرا

بس عندي ملاحظه

لكن وقتي خذلني في فالرجـال الاشاويـس


اعتقد ان في زايده ولا لا؟؟

مجرد ملاحظه قابله للنقض

لك مني كل الاحترام


__________________________________________________ __________
فوااز المالكي


شاعر رآئع و فوق الوصف ..

ذو نفس طويل و رآآئع أنت بكل ما تحويه الكلمه من معنى ,,


صح الله لسانك و لا هنت مبدع في كل حالاتك


عساك ع القوة و لا عدمناك

__________________________________________________ __________
المشاركة الأصلية كتبت بواسطة اسير زماني
صح لسااااااااانك


ويعطيك العافيه علي الابيات الجميله والمميزه



تقبل مرررررررررررررررروري المتواضع

اسير سررت بتواجدك لاهنت

مشااااكس

صح السانك ايها الشاعر المبدع
المتألق فى كل ما تطرحه هنا ولا شك
انك نجم من نجوم هذا المنتدى
لك منى خالص التقدير والاحترام
ودمت بخير


الفـــــــــارس