عنوان الموضوع : امنتك القلب الذي في حناياك.. - من الشعر
مقدم من طرف منتديات الشامل

القصيده هذي نظمتها اليوم أتمنى انها تعجبكم



حالي تغيّر يالغلا عقب فرقاك...................... جسمي نحل والراس صار اكثره شيب


اهواك احبك واتنفس خلاياك...................... قربك جروح القلب تنزال وتطيب


تخطي واسامح واتناسى خطاياك ........................ عشان لا شفتك تذكّرني بطيب


لاتقول لي انساك لا واللي سواك................. مانساك لين ارحل عن الدنيا واغيب


قلبي الى منّه تذكّر حلاياك............................ يصيح من بين الضلوع المحاديب


ياعلّتي ودواي انا ماقدر انساك.......................... روّح فمان الله ماني لك مجيب


درب السعاده فالك الله ياقاك...................................من كل شرٍ ياقليل العذاريب


وامنتك القلب الذي في حناياك.................... لا يدخله غيري من اجل المواجيب


وليا طرالك ترجع لقلب يهواك............................ ابشر لك بقلبٍ يكثّر تراحيب

وسلامتكم أخوكم جعد السهلي


>>>>> ردود الأعضـــــــــــــــــــاء على الموضوع <<<<<
==================================

حالي تغيّر يالغلا عقب فرقاك= جسمي نحل والراس صار اكثره شيب

جعد السهلي

صح لسانك وبيض الله وجهك

رائعة من رائع

استمتعت بما قرأت

لاهنت

تقديري واحترامي

__________________________________________________ __________
جعد السهلي

صح لسانك يالقرم

ابداع وامتاع

لك مني كل الاحترام

__________________________________________________ __________
جعد السهلي
سلمت وصح للسـآنك يالنشمي
قصيده جزلـه ورآئعـه لاعدمتك
ينطيك العـآفيـه
ودي وآحتـرآمـي
تحيـآتي

__________________________________________________ __________
صح السانك اخوي

في انتظار جديدك بشوق

وهذا تصميم بسيط



__________________________________________________ __________
جعد السهلى
سلمت وسلم بوحك الرائع هذا
كروعتك ادامك الله ودام قلمك
مع تقديرى واحترامى لشخصك
ودمت بخير


الفــــارس




وليا طرالك ترجع لقلب يهواك ............................ ابشر لك بقلبٍ يكثّر تراحيب

جعد السهلي

ابيات غاايه فالروعه ,, حروفها تنبع وفى

مليون صح الله لسانك

ودي

اختكـ: إحساســـ جليــد ـــي ,,