عنوان الموضوع : ذكّرتني ياجارح وهاضت اشجان .. كلام جميل
مقدم من طرف منتديات الشامل

السلام عليكم ورحمة الله وبركاته
هذه احدث قصائدي واللي دعاني لكتابتها قصيدة الأخ العزيز جارح الدمعة
اتمنى ان ترتقي ولو لنصف مستوى قصيدة اخوي الرائع بجزالته


ابدى بذكر الرب رزّاق الانسان = ربٍ كريمٍ يفرح ابعبد تايب
سبحانه اللي منشي ابحور واكوان = ربٍ خلق حورٍ حسانٍ كعايب
ومن عقب ذكر الرب سطّرت قيفان = فيها معاني واضحة للبايب
حي الذي نادى بصوته ياصدقان = يبغى المشوره يوم شاف العجايب
امفارق الخلان يا شيخ نوعان = نوعٍ و نوعٍ مختلف بالتعايب
فيه الذي ترجيه في كل الاحيان = لازال باقي فوق نبت الشعايب
هذا تجوّد فالامل لازم ايبان = لابد مايظهر وتنسى العقايب
والنوع الاخر مايعوّد وفنيان = في وسط لحدٍ فوق قبره نصايب
مايرجع ابدنياك لو كان ماكان = ولو احرقت خدك دموعٍ سكايب
ماله ياغير الصبر والصبر الايمان = اصبر على المكتوب وارج الثوايب
وفي عالم الاحباب ملزوم الاحزان = لابد مايرحل احدهم وغايب
كم واحدٍ عايش بدنياه ضيمان = على خليلٍ صار تحت الترايب
ذكّرتني ياجارح وهاضت اشجان = والجاش جوفه مشتعل باللهايب
ذكّرتني شخصٍ عزيزٍ وسمحان = فؤاده ابيض حاز زين النجايب
ذكّرتني وقتٍ صفا لي ابخلان = من قبل ما اشوف العجب والغرايب
من قبل مايرحل سلايل كحيلان = رفيقي اللي مامشى فالمعايب
نويت بالقيفان نظمٍ ورثيان = الصاحب اللي فقدته لي نحايب
واليوم انا في بحر عيني وغرقان = اغرقني كثر الدمع والقلب هايب
ومالوم عينٍ تصطفق دمعها بان = ومالوم نفسي لو غديت ابدبايب
انا الحزين اللي من الحظ مرضان =ماعمر حظي لي صفا من شوايب
انا وحظي والمتاعب لنا شان =راضي وقانع بالقدر والكتايب
وياجارح اليا شفت حظك تعيبان = اضرب تاهتيه الخطر لا تهايب
قطع البحور اخير من ذل شجعان = واخير من عيش العنا والعقايب
وياللي نخيتوا صوتكم صرت سمعان = لاباس يا جارح وللجرح طايب
ادع الكريم اللي جمع شمّل الاثنان = يعقوب ويوسف عقب وقت النشايب
ادعه يرد اللي غدا راح لهيان = ادعه يكافيكم فجيع المصايب
ادعه عسى غيمتك تمطر من امزان = ويجعل ديارك خضر عقب الصبايب
ويصبح بها وردٍ عطورٍ وريحان = ويلاعبك بالوصل طير الرعايب
وادعه عسى حظك بعد شين يزدان =و لازان حظك شفت منه الكسايب
هذي بيوتٍ من ضميري و نقيان= نقيتها من هاجسي جيت جايب
وياجارح ابغى اقول بالفمّ مليان = والنعم فيكم ياعطاب الضرايب
واختامها صلوا عدد إنس ٍ وجان = على النبي قاهر ظروف النوايب
واعداد من صلى وبا لبيت طوفان = واعداد ماهبت نسايم هبايب



>>>>> ردود الأعضـــــــــــــــــــاء على الموضوع <<<<<
==================================

صعوط


ايها الشاعر الرائع



اسمح لي ان إلقبك (( شاعر المجاراه ))



لانك ما شاء الله عليك تجعل الفكره متماسكه لاخر القصيده



استمر كما انت


تحيتي لك


شاعر الانثى

__________________________________________________ __________
صح لسانك اخوي وصديقي المبدع والمتالق


صعوط

بيض الله وجهك ولا هنت ولا هان بوحك ونعم بحالك

نعم هنا فقط وفي مثل هذه الاحوال يظهر لنا المعدن الاصيل

تظهر لنا الشاعريه


اقسم بمن جمعنا بدون موعد انك شاعر

اسأل الله ان يجمعك بمن فقدت

ان لم يكن الدنيا ففي الجنان



لك فائق احترامي


جارح

__________________________________________________ __________
انا وحظي والمتاعـب لنـا شـان
راضي وقانـع بالقـدر والكتايـب

صعوط


صحـ لسانكـ اخويـ ..

جتـ فيـ وقتها .. واعلنتـ ثورة الاحزانـ


كسيتـ الابياتـ .. وكلـ زوايا صفحتكـ بلونـ الالمـ


لكـ وديـ واحتراميـ

اختكـ : إحساســـ جليــد ـــي ,,

__________________________________________________ __________


,,

الشاعر القدير/ صعوط المجانين

صح لسانك الف على كل حرف

ابدعت

وامتعت

قصيدة رائعة من شاعر مبدع

يعطيك العافية عليها

ودام عطر حروفك

تحياتي وتقديري لك

,,

__________________________________________________ __________
صح لسانك
عسى احد ما يفقد احد عزييز عليه يا رب امين
ادعوا لي بالصحه عشان ما افقد اهلى قولوا امين
تقبلوا مروري الظريف من احلى بنت في الكون ويا بخت الجمال فيهااااااااا

المشاركة الأصلية كتبت بواسطة جارح الدمعه
صح لسانك اخوي وصديقي المبدع والمتالق


صعوط

بيض الله وجهك ولا هنت ولا هان بوحك ونعم بحالك

نعم هنا فقط وفي مثل هذه الاحوال يظهر لنا المعدن الاصيل

تظهر لنا الشاعريه


اقسم بمن جمعنا بدون موعد انك شاعر

اسأل الله ان يجمعك بمن فقدت

ان لم يكن الدنيا ففي الجنان



لك فائق احترامي


جارح

هلا ومرحبابأخي جارح الدمعة
اشكرك على مرورك وتعليقكـ الجميل
لاهنت يالنشمي
لكـ كل التقدير والاحترام (الخاص )
دمت بخير