عنوان الموضوع : سنين العمر - من الشعر
مقدم من طرف منتديات الشامل

السلام عليكم ورحمة الله وبركاته

أسعد الله صباحكم بكل خير

هذي قصيده مجاراه لقصيدة لما .. اتمني انها تروي ذائقتكم الشعريه لاتبخلون علينا بالردود والنصيحه...

ما أطول عليكم .. يقــول

تمضي سنين العمر والشوق يدفعني
00000000000000000000000 وقتٍ مضى لي ماهو زورٍ وبهتاني

الحب والكره ..واقع!! لاتراجعني
0000000000000000000000 لملم شتات الغلا وأرجع تمناني

بكتب لك حروف نبضي بس شجعني
0000000000000000000000 بقطف لك الورد من زرعي وبستاني

وبجيب لك كل حرفٍ فيك متعني
000000000000000000000 حبك بوسط الحشا وأسمك على لسـاني

أنا تحديت نفسي وانت موجعني
000000000000000000000 لسمه من كفوف يدك لو على شــانـي

غرقت وسط المحيط أرجوك طلعني
00000000000000000000 زاد الهجر بالخفوق وزاد نسـيـانـي

عمري لياراح لايمكن ترجعني
0000000000000000000 أرحم عيونٍ يطاولها السهـر ثـانــي

رجع كلام الغلا والحب سمعـني
0000000000000000000 نبض المشاعر ليا جتني تغرشـانــي

يسج معها الشعور ودوم تتبعني
0000000000000000000 احلام ليلي... عليك القلب ولـهـاني

برجوك برجوك لا لا... لاتقاطعني
0000000000000000000 هذي مشاعر وهذا نبض وجــدانـــي

من شعري وكتاباتي

وسلامتكم وتعيشون

مع اجمل التحايا من القلب لي القلب

نايـــــــف الغالـــــــــي


>>>>> ردود الأعضـــــــــــــــــــاء على الموضوع <<<<<
==================================

الله يخلييك للمنتدى عزيزي

نااايف الغالي ... وانت غالي ..

والله احساسك جميييييييل والقصيده

ينزل منها الاحسااااس .. ويتدفق ..

لكن اسمح لي ان اتفلسف شوي .. ههههه

حبيبي ..

انا لحنت القصيده وحسيت فيه بيت مكسووور..

وهو ..

الحب والكره شي واقع لاتراجعني

مامشى مع الموسيقى الشعريه ..

وهناااك كلمه في البيت الثامن ..

وهي تغرشاني ..بس ودي اعرف معناها ..

بس احس انك مستعجل حتى اسمك غلطت فيه

اخر القصيده ههههه

الله يعطيك العافيه ...

بس والله القصيده عسل على قلبي .

بس لاتزعل مني حبيبي

__________________________________________________ __________
هلا بك زود

خالي البال

أولاً // اشكر لك تفضلك وزيارتك الغاليه على صفحتي وبصراحه يعجبني شعورك بالقصيده

ثانياً// انا لحنت القصيده على لحني انا واللحن يختلف من شاعر الى اخر

ثالثاً // معنى كلمة تغرشاني ... يعني عمق الشعور والأحساس فيه

واخر شي الأسم صححته وفعلاُ انا كنت مستعجل لاني كتبتها وانا بالدوام ولازلت حتى كتابت هذا الرد وانا بالعمل

((اشكرك على ملاحظتك وعلى تنبيهك فعلا البيت كان مكسور ))

لك نبع من المشاعر الفياضه لعذوبة حضورك وتعليقك على القصيده

ارق التحايا القلبيه من

لأخــــوك

نايـــــــف الغالــــــي

__________________________________________________ __________
الحب والكره واقع ، لا تراجعني . . . لملم شتات الغلا وإرجع تمناني

نـايــف الـغــالـي . . .

صـحّ لـســانـكـ ، ولـســان لـمــا


أنا أغبط أمشاج الحرف التي تتخلق بين يديك ... فإذا هي حيّة تسعى .


سـلاسـة وعـذوبـه وبـسـاطـة ومـعـنــى وقـوة وجـزالـة

لا تـجـتـمـع فـي نـص إلا لـنــايـف .


صح بوحك إلى الأبد وسجل إعجابي بما كتبت .

__________________________________________________ __________
برجوك برجوك لا لا... لاتقاطعني
0000
هذي مشاعر وهذا نبض وجــدانـــي

يسلمووو ومنها الى الاعلى

يعطيك العافيه

عبير غامد

__________________________________________________ __________


نااااااااااااااااايف الغاااالي صح لسااانك يا شيخ ع المجااره الحلوه ..


وقصيده موزووونه اصلا ... لان عرف البحر حقها ... وتسلم يمينك يا غالي


* خالي البااال فديتك ...

ترى اللحن شي فرعي ... يجب عليك اولا معرفت بحر القصيده ..

وتفعيلتها ... وبعدها بتعرف اللحن ... صح كلام يا نايف وإلا لا ؟



وجة نظررر حلوووه ؟؟ بس انا مختلف عنك ...


عمووووما على قوولت شكلنا بنقلبها شاعر المليون

هخهخهخهخ