عنوان الموضوع : قالت علامك شعر رائع
مقدم من طرف منتديات الشامل
اضع بين ايديكم هذه القصيدة المتواضعة واتمنى ان ترتقي الى ذائقة الجميع
حقيقة انا احترت في اختيار عنوان لهذه القصيده فوضعت هذا العنوان
اتمنى كل من يمر من هنا يختار لي عنوان للقصيدة على ذوقة
وافضل عنوان مناسب للقصيدة يتم اعتماده
اترككم مع القصيدة
/
/
/
/
/
قالت علامك دايم الدوم سرحــــان
قلت الزمن يمشي على غير مصلوح
قالت عسى قلبك تهنى بخــــلان
قلت الصراحة ماتهنى بــه جروح
قالت دخيلك لا تخــــليه ينهـــان
خله عزيز ولا تمشيه مجــروح
قلت ابشري دمعي حبستة على شان
تصبح همومه داخل القلب والروح
قامت تحسب من قديم ٍ الى الآن
ما للفرح عندك مقاييس وصروح
دايم تفكر والزمن خايـــن وخان
ذي حالة الدنيا واالايــــام بتروح
يادنيتي .. تكفى انا مثلك انسان
لا لا تطول خاطرك ممتلي بوح
قلي وش اللي متعبك ياكحيـــلان
يمكن اعاون او ادور لك طروح
يمكن كلامي يشعل النور ويبان
وجة الحقيقة دايم ٍ خافت الضوح
دامك كذا .... حبي دفنتة من ازمان
يوم انطعنت ومنها صرت مطروح
يالله دخيلك طاري الطيب ينهان
فعل المراجل ماتحرك بهم روح
صاروا حجر وقلوبهم مابها احسان
يالله عسى من ظلم الايام والنوح
قالت دخيلك لا تكمل وش احزان
جرحك قديم وماتوفي به جروح
وسلامتكم
بـقــ مشاري بن جدلان ــلــم
>>>>> ردود الأعضـــــــــــــــــــاء على الموضوع <<<<<
==================================
صح لسانك وبيض الله وجهك ولاهنت قصيده رائعه, وبالنسبه للعنوان أعتقد (( يالله دخيلك )) وأن كان عنوانك أيضا مناسب0
أختكم:يالطيف اللحشى0
__________________________________________________ __________
حيآآآآك الله اخوي مشاري ..
وبيض الله وجهك ولا هنت
تحيتي
__________________________________________________ __________
القدير
مشاري بن جدلان
صح لسانك مليون ولا يسدون
تسلم يمناك على هذا البوح الرائع
ووجوداسمك فقط يكفي عنوان للقصيده
تقبل مروري
ولاتقاطعنا هناااك:35:
__________________________________________________ __________
صاروا حجر وقلوبهم مابها احسان
صح السانك
هذااصل المعناة ليس بالقصيده فقط ولكن بكل الحياة
واعتقد انه انسب عنوان ...لك كل التقدير لهذه المشاركه
وبارك الله فيك
سـولآفـ
__________________________________________________ __________
,,
الشاعر/ مشاري
الف مليووون صح لسانك وعلا شانك
قصيدة أكثر من رائعة من شاعر مبدع وجزل
يعطيك العافية عليها
ودمت بود
,,
عدنان
الله يعطيك العافية
اسعدني مرورك
واالابداع مرورك
رد مع اقتباس
