عنوان الموضوع : سواليف الاطفال - من الشعر
مقدم من طرف منتديات الشامل

عهدي بها قدام تلبس عبايه = وانا بعد قبل ألبس شماغ وعقال
طفلين نتهجى حروف الكتابه = الله يامجمل سواليف الاطـفـال
كانت لنا في كل شارع حكايه = وكنا نقول علوم ماهيب تنقـال
وكنت اتقاسم مامعاها معايه = من عسكريم التوت للعلك ابو ريال
وكانت بعكسي شاطره بالقرايه = تقرا جزء عم وطه والأنـفـال
وأنا لك الله من مواري غبايه = مدري ابونقطه هو الذال او الدال
وكانت لابويه تشتكي من شقايه = وتعلمه كيف اربط الباب بحبال
ياما على ظهري كسر من عصايه = يقول لي:خلك وانا ابوك رجال
وامي تقول ادع لولدك الهدايه = خوفي يصيبه كثرة الضرب بهبال
لاشفتها مع اول الدرب جايه = مدري انا اللي ملت والا الوطا مال
أحس قلبي يرتجف في حشايه = ماكنه الا الضيف لاهـز فنجـال
ياما عن الحصني تخبت ورايه = لا خوفوها فيه ثم شافت ظـلال
تقول خلك يا (,,,,,) معايه = واستانس ألعب عندها دور الابطال
وأغار حتى من عيون أصدقايه = لا طالعوها قلت:تكفون ياعـيـال


>>>>> ردود الأعضـــــــــــــــــــاء على الموضوع <<<<<
==================================

وأغار حتى من عيون أصدقايه
. . . . . لا طالعوها قلت : تكفون ياعـيـال


بجد هالقصيده غييييير
ضحكت من خاطري ساري
ربي يسعدك يارب على هالزين اللي نقراه
تسلم يدينك ويسلم حظورك ويسلم شخصك ....
لك مني ارق التحاياواسماها
امـيـ الورد ـرة

__________________________________________________ __________
ساري ..

قصيدة في قمة الذوق والابداع ..

سلمت يمناك ..

ننتظر جديدك

تحياتي لك ..

__________________________________________________ __________
ساري...

صباح الحب..سيدي....


الله الله الله

ساري نزعتني بروعتك وجميل معناك..!!

غرستني بأراضيك يا هوووه من غير حول لي ولا قوه..!!

يديم عزك يا شيخ ... وصح لسانك مليون ولا يكفون..!!

يا سيدي...

تقبل مني ورود الغلا..!!

__________________________________________________ __________
ســـــــــــــاري

صباح الكلام الحلو ياحلوووو

والله الظاهر انى ابسري بالليل اللى مافيه ضو قمر

يا أنت يا انت يا أنت ... ياشيخ وش سويت بقلبي

وربي ان قلبي قام يخفق يخفق يخفق مدري يارجال وش اللى صابني

تدري شنو بقول لك؟؟؟

الله يديم عليك موهبتك ويحفظها لك

تقبل اجمل وارق الحتايا العطره

نايـــــــــف الغالــــــــــي

__________________________________________________ __________
تسلم يا....ساري.....
يعطيك الف عافيه
ويسلم يدينك لطرحك للموضوع الجذاب وهذا يرجع الى
ذوقك لاختيارك للكلام الرئع

اخي ساري
قلت وابدعت *بصراحه قمة الروعه من اولها لآخرها
وعسى الله مايحرمنا منك

اخوك ابو سلطان