عنوان الموضوع : تلميذ فاشل ..
مقدم من طرف منتديات الشامل

انتهى الدرس الأخير .. وتبقى ياتلميذ .. فاشل=ساقط بكل المراحل في حياتي العاطفية
هذا حظك .. وش تسوي؟ .. وليه يا قلبي تحاول؟=إرضخ لظلم الحقيقه .. وارضا بحظوظي الردية
مافي دنيا الحب رحمه .. لا ولا تشفع مراجل=كل من فيها متشابه .. حاله من حال البقيه
مايفيدك غير حظك .. وانت حظك .. دوم مايل=والله ماتلقى نصيبك .. دام عنك الحظ عيا
المحبه .. خلها لاهل المحبه .. ولا تجادل=ما لمثلك غير همه .. ودور حمال الأسية
ذكرياتي .. والشقا .. وعقلي .. ومجموعة مشاكل=كلهم ضدك .. وانا باخذ براي الأغلبيه
قلبي .. إعذرني .. ترى ماعاد لي قدرة أجامل=طول عمري أسمعك .. والحين .. إسمعني شويه
من عرفتك .. وانت تحلم حلم .. مايطري لعاقل=حلم اتعبني وانا أركض وراه بحسن نية
عاشقين .. وقلب واحد .. وسط تغريد البلابل=لا مشاكل .. لا هموم .. ولا سهر ليل وأذية
التفاهم .. والثقه .. والحب .. واسلوب التعامل=شكلوا برواز حلمك .. في زمان الشاعرية
إصحى يا نايم .. وقلي: وين تلقى انسان كامل ..=..في زمن ناقص .. همومه في كرمها حاتمية
راح وقت الحب .. والشباك .. واشواق الرسايل=ياهني العاشق اول .. إيه والله ياهنيه
مايشابه حلمك الا حلم بعيون .. الأرامل=مستحيل انه يتحقق فالحياة الواقعيه
إصحى وارحمني ترى مليت .. وما أقدر أواصل=إصحى طالع فاللي حولك .. شوف كم راحوا ضحية
وش تبي فالحب؟؟ خله .. عيش .. وتلقالك بدايل=ماكفاك اللي جرى لك؟ واللي لين اليوم فيه؟؟
آخر دروسك يا قلبي إنتهى .. ومازلت فاشل=ساقط بكل المعاني .. في حياتي العاطفية


>>>>> ردود الأعضـــــــــــــــــــاء على الموضوع <<<<<
==================================

أخي مشعل

صح لسانك وسلم بنانك

كلمات رائعة وبوح عذب

تحياتي لك


الهواااوي

__________________________________________________ __________
في الحقيقة أنني أستغرب من مشرفي الشعر عدم
الرد على هذه القصيدة وإهمالها

والرد على القصائد الهزلية التي في أعلى الصفحة وعدم حذفها





الهواااوي

__________________________________________________ __________
مشعل ...

مسائك وردي..!!

الشاعر الجزل الراقي دائماً

مجنونه هذه القصيده ماشاءالله تبارك الله

توهج غير مستغرب في حرفك الرائع..!!

صح لسانك وعلا شانك واعذرني لتأخري

الدائم عنك وعن أحرفك الشهيه ,,,,
مشعل..!!!

تقبل تحياااتي..!!

__________________________________________________ __________
مشكور اخوي الهواوي على شعورك الطيب

( ولو اني أفضل انك ماتدخلني بمشاكل مع الربع )

وبالنسبة للقصيدة فهي موجوده والكل يملك خيار القراءة وإبداء الرأي

مشكور مره ثانيه وآسف إذا طولت عليك

اخوك مشعل المناور

مع التحية ,,,

__________________________________________________ __________
يعطيك العافيه اخوي لذة غرام على هالكلام ( ما أعتقد اني أستحق نصه )

وشاكر لك مرورك ..

أخوك مشعل المناور

مع التحيه ,,,