عنوان الموضوع : رواية - خلف قضبان الندم - بقلمي رواية جديدة
مقدم من طرف منتديات الشامل

السلام عليكم ورحمة الله

هلابكم .. حبيت انزل اول روايه لي بهالمنتدى واتمنى اشوف حماسكم
عشان اتحمس واكملها

روايــة

. .{ خلف قضبان الندم } . .

بقلمــي
:::: ( آوتارالرحيل ) ::::



البآرت " 1 "

خرج بكسرة خاطر ماتوقع عمره يطرده في يوم من الايام جاء بيركب سيارته وجاه سلمان
سلمان : ثامر . . . ثامر وين رايح
ثامر :مالي مكان بهالبيت
سلمان : ثامر وش هالكلام وانا عمك هذا بيتنا كلنا الي عشت فيه وتربيت فيه
ثامر : صحيح إني عشت فيه وتربيت فيه ويكفي احلى ايامي الي كانت بقربك يالغالي لكن الحين تغير الحال
سلمان : وش فيه تكلم عبدالعزيز قايل لك شي
ثامر : اه عبدالعزيز اسم غالي علي ومهما كان بيننا شي يظل عمي الي ما انساه . . مشى وخله
دخل سلمان وهو بقمة الغضب
لجين : شفيك . . .
سلمان : ابوك وينه
لجين : بمكتبه بس ليه وش صاير
سلمان : مالك شغل في شي
لجين،مستغربه من تصرف عمها

نتعرف عليهم
* ثامر 25 ولد اخو عبدالعزيز وسلمان رباه عبدالعزيز بعد وفاة اخوه وزوجته ثامر غامض بقوة جماله حاد جذا
* عبدالعزيز 59 من التجار الكبار بالرياض عصبي جدا لكن قلبه طيب
*،زوجته آريج 50 فيه كبر ماتهتم في بيتها ابد
عيالهم :
_ غالية 33 متزوجه وعندها خمس عيال نايف وفهد وفيصل وفراس ورانيه
_ بدرية 29 متزوجه وعندها ثلاث بنات ريما ريتال ونور
_ هديل 26 متزوجه وعندها بلسيان وافنان
_ العنواد 23 اخر سنه بالجامعه تحب المغامره والهبال عنيده جدا جمالها ناعم جدا جذابه
_ خلود 20 اول جامعه هاديه حبوبه تحب ثامر ملامحها ناعسه مملوحه
_ لجين 18 ثالث ثنوي عربجيه بس جميلله حيييييل
_ نورة 14 ثاني متوسط

* سلمان اخو عبدالعزيز 35 مطلق وعايش مع اخوه


دخل عليه : ليه ياعبدالعزيز سويت كذا
عبدالعزيز : خير إن شاء الله اشوفك داخل تنافخ وبدون إستاذان
سلمان : ليه استاذن اخوي وعادي
عبدالعزيز : اخوي يتعلم الاحترام كيف
سلمان : لا تجادل ليه طردت ثامر من البيت بدون علمي
عبدالعزيز :،ههههههه وبعد تبي اجي واستاذن منك ياشيخ سلمان
سلمان : ياعبدالعزيز تعرف السمعه راح الناس تتكلم فيك وهذا ولد اخوك امانه عندك
عبدالعزيز : طيب هو ماقالك السبب ليه طردته
سلمان : لا
عبدالعزيز : طيب خلاص روح اساله واذا قالك انا مستعد ارجعه
سلمان طلع وخلاه
في بيت ابو جاسر
جاسر : رنوش رنوش رنوش،
رنا : خير،وش فيه
جاسر : وش فيك كذا معصبه
رنا : جايه ابي انام طيرت عيوني حسبي الله على بليسك
جاسر : تنومين . . احد ينوم بهالوقت
رنا : ونت وش عليك
جاسر : مايهم يلله روحي البسي بنروح لمشوار انتي تحبينه كثير كثير
رنا : يوه يا جاسر وربي انك فاضي،
جاسر : بسرعه لا تاخرينا يلله
رنا : طيب قول لا تلعب بعصابي
جاسر : البس واذا ركبتي السيارة خبرتك
رنا : اوكي طيب . . بس ماما وينها
جاسر : امي عندي ام صالح خبرتها يلله تعالي
رنا : اوكي


نتعرف عليهم :
* ابو جاسر متوفي من خمس سنوات
ام جاسر مريم 46 طيبه
* جاسر 26 وسيم لبعد درجه طيب ويموت بخته رنا يشتغل مع خاله بشركته
* رنا 20 صديقة خلود الروح بالروح دفشه اجتماعية وحساسه مره قلبها طيب جمالها حلو وناعمه جدا كيوته

في بيت عبدالعزيز
خلود : وش تقولين انتي من جدك
لجين : وربي كنت تحت وسمعت كل الكلام
العنواد : وانتي شكو وش هاللقافه الي عامية عيونك
لجين : على فكرة كلن يحسدني على لقافتي ياماما إحم إحم
العنواد : لاعبه على نفسك انتي وخشتك
لجين : هي هي وين انتي رايحه
خلود : مالك شغل
لجين : الحمدلله رب العالمين
العنواد : من سبتك اذا صار،لها شي
لجين : ماسويت شي غلط
العنواد : كل هذا وما سويتي شي انتي تعرفين مقدار الحب في قلبها على ثامر وتعرفين اختك تستعجل في الامور قبل ان تفهم حلها
لجين بتريقه :،وبعدين . . . وبعدين
العنواد : وبعدين ذلفي وجهك عني وفكيني من شرك ياتبن
لجين :،انا بطلع مو لسواد عيونك انا بطلع عشان لسانك اقرفني
العنواد ترمي عليها المخده : فارقي يا تبن ولا تردين لي لا بغيتي حاجتك


في بيت بعيد عن المدينه
ملاك : اممممم
نوف : وشفيك
ملاك : ابوي حالته صعبه شوي ويبي له عمليه والعمليه تبغى عشر الف ريال ومن فين نجيب عشان نعالج ابوي
نوف بحزن : اممممم عمي راشد ماراح يقصر،معنا بشي
ملاك : نوف كم مرة قلت لك العائلة ما ابيها تتدخل فينا كل المشاكل ما نلقاها الا عندهم
نوف : ملاك . . انتي ليه كذا مهما كان هذا عمي هذا اخوه لازم يجي ويساعده
ملاك : يساعده بعد عشرين سنه ما شاف اخوه يجي عشان مساعده وين عقلك انتي وين . .
نوف : ايه لما يموت ابوي قدامنا ماراح ينفعنا سكوتنا هذا
ملاك : الله يطول بعمره لا تخافين وبإذن الله راح ندبرها
نوف : ايه نشوف . . * ملاك 20 تاركه ماكملت دراستها عشان ظروفهم لكن ملكة جمال . .
* نوف 19 ايضا ما تدرس جمالها راقي وناعم لكن دايم متسرعه

في المطار
طلال : آنت من جدك خلاص بتمشي
ثامر : ليه شايفني استهبل مثلا
طلال : بس يا ثامر كيف بتحمل عشر سنوات كثيرة وربي
ثامر : ارحم لي من ديرة مالي احد فيها
طلال : هي انت وش تقول ترانا ربعك فاهم
ثامر : ونعم والله لكن لعل إن شاء الله ترتاح نفسيتي هناك شوي وإن شاء الله بزوركم ماراح اتركم
طلال وهو يضم رفيق عمره : بشتاق لك ياوحش
ثامر : وانا آكثر وربي
طلال : يلله توصل بالسلامه إن شاء الله
ثامر : يسلمك ربي يالغالي


في السيارة
رنا : ودي افهم وين رايح له انت
جاسر : رنوش ليه انتي،مستعجله كل شي بوقته حلو تصبري
رنا : جاسر آنت تعرفت مانمت زين ومالي خلق لـ آشياء تافها
جاسر : لا تخافين بيعجبك،كثيررر ويلله انزل
رنا : بيت امي فاطمة وليه
جاسر : امي فاطمة مشتاقه لك كثيررر بسرعه يلله انزلي
نزلوا ودخلوا
رنا : هلا يمه كفيك اخبارك
فاطمة (الجدة ) : هلا برنو بخير حبيبتي شخبارك واخبار امك
رنا : بخير جعلك تسلمين
فاطمة (الجدة ) : روحي بالصاله الداخليه فيه ناس يبغونك هناك
رنا : ناس اممممم اوكي من عيوني
تمشي وهي،مستغربه من يكون دخلت الصاله ولقت بنات خوالها كلهم فيه وخالتها جايه من البعثه وحولهم الكيكات
رنا بصراخ : منووووووووووشة
منار: رنوووووووش
رنا : يالحيوانه ياتبنين وش هالمفاجاة الجميلة
منار : ههههههه اعجبك صح
رنا : مالت بس كيفك والحمدلله على سلاماتكم
منار : تمام الله يسلمك
رنا : حقيررة امس اكلمك واقولك اشتقت لك وتقولين هانت باقي،اسبوع وارجع كش عليك
منار: ههههههه عشان تكون هديه احسن مما اشتريلك صح
رنا : هع هع مع نفسك روحي اجل ابي هديه مابيك اصلن ليه جيتي
منار: ماجيت لسواد عيونك جيت عشان امي بسسسسس
رنا : صدقتك . . صدقتك الى ريفال وينها ماشوفها
هياء : بالطريق جايه
رنا : اممم منو عيد ميلاده اليوم
منار: يالخبله آنتي
رنا: هههه اما عاد
امل : رنوش وشفيك اليوم منتي صاحيه
رنا : خخخخ مانمت عشاني
هياء : بعذرك صايرة محششه


* منار 22 اخر سنه بالجامعه مبتعثه بكندا وتوها ترجع لها اربع سنوات توها متزوجه ولد عمت ابوها اسمه فيصل
*هياء بنت خال رنا 19 باولى جامعه كيوته اجتماعيه
*امل بنت خالها 20 بثاني جامعه ناعمه وحساسه ملامحها طفوليه تحب جاسر بس محد يدري وجاسر يحبها
ريفال بنت خالتها 20 توام روحها جمالها جذاب وناعم اجتماعيه تحب الوناسه

في بيت عبدالعزيز
عبدالعزيز : وين امك يالعنواد
العنواد : عند ام خالد
عبدالعزيز : زين إذا جت خبريها بكره معزومين بشاليه مع عيال ابو سعود
العنواد : آوك آبشر
جت لجين وهي مطفوقه : عنود عنود عنود
العنواد : خير وش فيك
عبدالعزيز : وش بك كنك مروعه
لجين حمر وجهه : هاه لا بس كنت ابي استهبل معاها شوي
عبدالعزيز : خلي عنك هالحركات تراك كبيرة منتي بزر
لجين بتحطيمه : آوك إن شاء الله
طلع عبدالعزيز
العنواد : خير وش فيه
لجين : قومي بسرعه بسرعه تعالي شوفي خدوش وشفيها
العنواد بروعه : من جدك


في بيت ابو ملاك
نوف : ملاك وين رايحه
ملاك : بروح ادبر فلوس عشان ابوي
نوف : اممممم تدبرين فلوس طيب دقايق اصبري
ملاك : وش عندك
نوف : نوف وش هذي
ملاك : هاه
نوف : نوف تكلمي وش هالقاذورة الي موزيتها ببيتنا
ملاك بصراخ : وانتي وش دخلك تفتشين بخصوصياتي
نوف : ملاك لا تضيعين بالكلام وش هذا من وين لك
ملاك : يصير خير . . وطلعت من البيت

إنتــهى البآآرت الآول


ثامر وعبدالعزيز ليه خرجه من البيت ؟؟
خلودددد وش فيها ؟؟
ملاك ونوف وش راح يصير بينهم ؟؟

كل ذلك واكثر بالاجزاء القادمة وإذا
شفت تفاعل ماراح اتاخر بتنزيل البارات

>>>>> ردود الأعضـــــــــــــــــــاء على الموضوع <<<<<
==================================

حللوة انا متابع معك
استمرري بس يا ريت تستخدمي الفااصلة بين الجمل لانو اكثر من جملة اتلخبطت فيهم
موفقة باذن الله
استمرري

__________________________________________________ __________
الروايه قمه في الروعه والإبداع كبدايه
تقبلي مروري وفي انتظار التكمله *_^

__________________________________________________ __________
يعطيكم العافيه ابشرو بنزل البارات
دلوع دلوعتي / اوك ابشر واشكرك على التنبيه

__________________________________________________ __________
الــبارت " 2 "

العنواد : خدوش . . خدوش اصحي شفيك
لجين بخوف : عنود خلينى نوديها للمستشفى آحسن
العنواد : بــس
لجين : لا بس ولا غيره بروح اجيب العبايات وابتصل على السواق يطلع السيارة
العنواد : آوك بسررررررعه
راحت لجين وفتحت عيونها خلود،
العنواد : خدوش تناظريني
خلود : وش فيه
العنواد : انتي وش فيك لقيناك طايحه هنا
خلود : اممممم مدري وانا امشي وقعت مدري وش صار لي
لجين جت : خدوش ولعنه يازفت خرعتينا وش فيك
خلود تناظرها بصمت


بآمريكــا
ثامر وهو يكلم : اسمع ياخالد من اليوم ابيك تضبط هنا اموري بالشركه لاني خلاص انتقلت عن الرياض
خالد : لكن يا استاز تامر ماينفعش هيك
ثامر : لا تكثر كلامك والى بفصلك
خالد : بس . .انا
ثامر : لا تخاف حقك بيجيك سو الي قلتك عليه وانتهينا
خالد : حاطر يا آستاز
ثامر : يعطيك العافيـة
فهاد : انت من جدك بتحول الشركه هنا
ثامر : ليه شايفني مجنون مثلا
فهاد : بس الاملاك كلها حقت عمك
ثامر : هه و من لاعب عليك انت بعد هذي كلها حقات ابوي وتبي تشوف الاثبات ماعندي مشكله
فهاد : بس احسك استعجلت بزياده
ثامر : بالعكس وصلت للي كان براسي من زمان ويلله خلنى نطلع بس نغير جو من هنا


في الاستراحة
ملاك : ياوجدان والله صعبه علي اخلي ابوي واختي واخاف ابوي يموت وانا ما شفته
وجدان: انتي ما تبين تعالجين ابوك ما تبين فلوس تعيشك بحسن حال
وجدان : بس اسافر لكندا ذي صعبه شوي علي
ملاك : بالعكس كلها اسبوع وترجعين وتنحل كل مشاكلك بعد معك الشباب والبنات ماعليك اي خوف إن شاء الله
ملاك : امممم اوك بفكر ورد لك
وجدان : واسمعي يا ملاك لو احد درى بالي بيننا وبينك رقبتك بتروح انتبهي على نفسك زين ولا تخبرين احد
ملاك بخوف : اوك طيب


في قصر العم راشــد
فهد : إحم ذا وش اسمه يبــه
آبو سعود : هــلآ
فهد :ودي اصارحك بشي بس اخاف تزعل او تهاوشني
آبو سعود : قل ماراح اهاوشك
فهد : توعدني
آبو سعود : اح بتقول والى اطلع برا
فهد : لا طيب بس تراي متزوج وزوجتي على وشك الولاده فحبيت اصارحك بهذا الشي
آبو سعود وقف بصدمة : وش تقول وش تقول ؟؟؟
فهد بنظرة كبرياء : قلت الي فيه الخير
آبوسعود : تتزوج وتغبي عن اهلك بعد كل هذا وتربيتي لك تغبي علي
فهد : يبه مو حرام اني غبيت تراه زواج مو شي ثاني
آبوسعود : اسمع يافهد انت سويت شي ما يرضيني وبدون علمي تطلقها سامع فهد : كيف اطلقا يبه وهي حامل
آبوسعود : ماهي قضيتي . . يا انك تطلع ولا عاد اشوفك والى انك تطلقها
فهد : بس يبه
آبوسعود قاطعه : لا تكلم سو الي قلته عليك والى تراي متبري منك ليوم الدين
طلع فهد وهو بقمة غضبه

نتعرف عليهم
آبو سعود صديق قديم لعبدالعزيز يشتغلون مع بعض ودايم مع بعض
بخيل على عياله جدا
زوجته متوفيه ومتزوج وحده لبنانية سناء نذله درجة اولى ماجابت الا بنت وحده منه اسمها ريم
عياله :
سعود 29 لسه ماتزوج طيب جدا ملامحه عاديه جدا يشتغل مع ابوه
فهد 27 دكتور وسيييم لبعد درجة عيونه زايغه وشوي عصبي صعب يعجبه شي
عهود 24 توها متزوجه
وعد 20 ثاني جامعه قسم حاسب جمالها هادي وناعس لسانها يشتكي منها ماتترك احد في حاله
ريم 18 ثالث ثنوي علمي جمييلة جدا وجذابه ملامحها طفولية طيبه وحساسه

في الصالة
سناء (آم ريم ): لك شو هاي الي بتعملوه آنتي
وعد : والليل وانتي وش فيك علي اسوي الي ابيه انتي مالك شغل فيني
سناء (آم ريم ): لك هيك بتتكلمي معاي وانا بمقام إمك
وعد : اسمعي ياماما مثل امي محد يجي بمكانها وانتي خليك بنفسك وخليك لبنتك لا تتدخلي بشي مايخصك
سناء (آم ريم ) بخبث : آوك مآآشي ياوعد مآآشي الحال
وعد : روحي بس وفكينا من شرك
جاء ابوها : وش جالسه تقولين يابنت
وعد بروعه : يبه
آبوسعود : لا آبو الجيران اشوفك صايره تمدين لسانك بطول
وعد : اممممم يبه هي الي اجبرتني تتدخل بشي مايعنيها
آبوسعود : وحتى ولو هذي بمقام امك ولا تنسين إنها هي الي مربيتك
وعد بصراخ : يكفي يبه امي راحت وماعاد بها الدنيا مثل روحها . . روح قلبها ماعاد فيه
راحت لغرفتها تبكي
آبوسعود : لا حول ولا قوة الا بلله

وصلت لبيتهم باخر الليل
نوف راحت تستقبلها : ماشاء الله ماشاء الله وينك توك تجيني من العصر وين كنتي فيه
ملاك : يامطولك يارووح
نوف : ملاك جاوبيني احد يجي بهالوقت
ملاك : نوف ماتلاحظين إنك صايره تتامرين وتنافخين وتتحكمين بالي اكبر منك
نوف بصوت عالي : لان اختي الكبيرة صارت ماتهتم بآي احد وصارت كنها صغيرة بدل ماتحرص علي وعلى ابوي صرت انا الي احرص عليها
ملاك : قصري صوتك وصل لخر الشارع
نوف : ايه انتي ماهمك الى الفصايح ياحظي
ملاك : نوف إلى هنا وكفايه مالك اي شغل فيني سامعه
نوف تمسكها مع كتوفها : ملاك انا مالي،شغل بختي ياحقيرة خايفه عليك تراك بنت مو ولد افهميني ياحيوانه
ملاك حست بشعور اختها جت بتمشي لكن وقفها
نوف : على فكرة البلوه الي جايبتها لبيتنا تراي سلمتها للشرطه
ملاك كانت،معطيتها ظهرها والتفت عليها بروعه
نوف : خيــر وش هالنظرة
ملاك :،نوف ليش نوف ليش،كذا
نوف : خير ؟؟،
ملاك،تقرب وتعطيها كف : انتي تبين اختك تموت بآي لحظة
نوف ماهي مستوعبه الكف : ملاك ملاك وش هذا ! تموتين كيف ياحيوانه وش جالسه تتكلمين انتي
ملاك جالسه تبكي وهي تتكلم : انا دخلت بها الشغله عشان اجيب فلوس نعالج ابوي يانوف والشلة ذول ممكن،تقتلني لو درت انك سلمتيها للشرطه
نوف بستحقار : ملاك مجنونه مجنونه انتي
ملاك : وربي يانوف ما اكذب عشان كذا ليه اجي اخر الليل اجلس ابيع اجمع فلوس والله صدق والله
نوف بدون استيعاب : لا ملاك لا انتي شيطان مو اختي لا ملاك لا
ملاك جالسه تبكي : انا شيطان وذوليك شياطين بس لجل ابوي مايموت ابي فلوس له من اي مكان
نوف تعطيها كف : بالحلال يا حيوانه . . بالحلال . . ماقلت لك روحي لعمي،ونطلب منه مساعده،ماقلت لك والى بكره وش تبين الناس تقول عنا ملاك بنت سلطان آكبر تاجره للمخدرات تبين تموتين ابوك انتي
ملاك : ...........


في بيت الجده
ريفال : ههههههههه اشك ان عيالك بيطلعون عاقلين
رنا : لا بيطلعون علي احم احم والى
منار : لا بيطلعون علي،وش حلالتي احسن منكم
ريفال : مالت بس اقول فكونا من بياختكم وقومو البسو عبايتكم بنروح لمكان رهيبببب من زمان عنه
رنا : يلله يلله مشينى
منار : يابنت اثقلي شوي مستعجله على روحه،
ريفال : مناروه اقول شفيك جيتي من كندا ومسويه محترمة
رنا : من جد هاتي النعال افقع خشتها
منار : بدري عليك ترا عندي محامي ياماما
ريفال : اقول تراك ازعجتينى فيه يلله بس


في آمريكــا
فهاد : طيب بسيطه ورا ماتتزوج وترتاح
ثامر : امس افكر بها الفكره بس
فهاد : بس ايش بخلي امي تدور لك امي تعرف بنات بخليها تنقيلك وحده
ثامر : لا لا لا
فهاد : خير وش !!
ثامر : سعوديه مستحيييييييل اتزوجها
فهاد : الله الله ليه ؟
ثامر : كــذا وولا عمري قد شفت سعوديه تفتح النفس
فهاد : وش دعوة يا ثامر والله فيه بنات ياخذون العقل
ثامر : اقول فكنا انا براسي لبنانية
فهاد : ثامر لا تستعجل وتتهور صدقني بتلقى بنت الحلال وبتاخذ عقلك
ثامر : هههه ايه في الآحلام
فهاد : تستهتر فيني
ثامر : اندري عنك


في بيت عبدالعزيز
سلمان : اممممم والله مدري وش اقولك يخوي لكن حبيت اخبرك ان ثامر وصل لمريكا
عبدالعزيز : بسلامته وبعدين لا عاد تجيب لي طاريه
سلمان : ممكن افهم وش الصاير بينكم
عبدالعزيز : الي راح راح مايحتاج نعيد الماضي من جديد
سلمان : آمم على راحتك لكن حبيت اخبرك جاني انتداب بالشرقيه لمدة اسبوع
عبدالعزيز : الله يحفظك ويوفقك
سلمان : امم وابشرك جتني ترقيه بعد
عبدالعزيز : ماشاء الله مبرووك اي مرتبه
سلمان : الله يبارك بعمرك الثاني عشر
عبدالعزيز جميل بالتوفيق يارب
لجين دخلت عليهم : يبه يبه يبه
عبدالعزيز : نعم شفيك
سلمان : على فكرة بنتك هذي ولد مو بنت ربي عوضك عن الولد فيها
عبدالعزيز : ههههههههه
لجين : لا والله وش شايفني
سلمان : انا اخبر البنت نعومة هاديه انتي لا غير غير ابد كنك عزام صديقي
لجين بتكشيره : اممممم جرحت مشاعري قطعت قلبي خلاص بطلع ماعاد ابي شي
سلمان : هههههههآآآآي الله اكبر ياهالمشاعر الحساسه
لجين :مشكلتك دايم تستخف فيني
عبدالعزيز : اقول خلصي وش عندك
لجين : لا خلاص بطلت
سلمان :،وهي لعبه ههههههههه
لجين : يبه خله يسكت
عبدالعزيز : سلمان خلاص اسكت
لجين تدلع لسانها على سلمان : حره
عبدالعزيز بصرخه : تكلمي
لجين بروعه : طيب طيب خلاص نسيت
سلمان : ههههههههههههههههههههه
لجين :خـــيــر
عبدالعزيز : لجين برااااااااا
لجين : لا خلاص بقول اممممم ذا وش اسمه بروح للمول ممكن ؟؟
عبدالعزيز : غير ممكن
سلمان : ههههههههههههههههههههه
لجين : سخافه
عبدالعزيز حب يعاند سلمان : خلاص روحي
لجين بفرحه : يس حره حره لك تسلملي يا احلى اب بالدنيا
عبدالعزيز : بس شوفي لا تطولين
لجين : من عنوني ابشر
سلمان : هي لحظة لحظة
لجين : وش تبي آنت ؟
سلمان : بوديك وش آبي يعني
لجين : ثانكس السواق موجود
سلمان : اقول تعالي بس انا اصلن بروح للمول على الطريق
لجين : اممممم طيب عادي تمر وحده من البنات
سلمان : منو
لجين : اروج صاحبتي
سلمان : اروج اوك يلله خلصيني
لجين : شويات واجيك

__________________________________________________ __________
في قصر العم راشد
سعود : فهد فهد وش فيك
فهد : ياشيخ خلني بروحي يرحم والديك
ريم : اممممم من يوم طلع من عند ابوي وهو معصب شكله مدري وش فيه
فهد : لو سمحتي ابلعي لسانك والى اطلع افضل واخلي المكان لك بكبره
سعود : فهد . .فهد
سناء (آم ريم) : يالله العشاء مابدكم
سعود : مشكوورة ياخاله حدي شبعان
سناء (آم ريم ) : وانتي ريمو ووعد وينها
ريم : فوق عندها صاحبتها
سناء (آم ريم ): آهــا


بالمطعــم
رنا : واو رفول وش هالمفجاة الحلوة
منار: اكشخ وربي انك ذووق طالعه على خالتك بسم الله عليك
ريفال : آقول لا يكثر بس انا طول عمري ذوق
امل : بدينا بالثقه
هياء : واثق الخطا يمشي ملكا
ريفال : يحقلي صح رنوش
رنا : يحقق لك وزياده بعد
ريفال : كفو والله
رنا : كفوك الطيب
منار: طيب والى عطر
ريفال : هههه كلها سوى
امل : سوى والى موبايلي
ريفال :هههه سامجه
امل : مثلك
رنا : تراكم زودتوها عاد
هياء : احلفي عاد
ريفال : اصلن انتو وش تبون ليه ملاحقيني بكل مكان
رنا : انتي الي ساحبتنا معك
منار: عشانك تحبينا وماتقوين على فرقانا
ريفال : إيــه مــرة



فـي الـمول
لجين : عمو يرحم امك خلنى ناخذ راحتنا بلاش احراجات
سلمان : ليه حرام يعني لو مشيت معكم
لجين: عمو موالمسالة كذا لكن البنت تستحي ماتقدر تشتري شي
سلمان : ياعيني ياعيني
لجين : انت روح وبخلي جورد يرجعنا
سلمان : لا لا انا بعد لسه ماخلصت
لجين تضحك : ko خلك بعيد منا
سلمان : انتو امشو ويصير خير


بآمريكــا
فهاد : ثامر وين كنت رايح
ثامر : هاه رحت لمشوار قصير ورجعت
فهاد : عارف إنك رحت لمشوار لكن وين رحت
ثامر : هاه وانت وش عليك مني
فهاد : ثامر حنى مو اتفقنا اي واحد يسوي شي لازم يعلم الثاني
ثامر : ايه بس رحت اشرب زقارة
فهاد : تشرب زقارة عذرا اقبح من ذنب
ثامر بصراخ : فهاد انا اتفقنا اي عمل مو اذا رحت ابي اروق تدخل فيني
فهاد : المشكله احساسي مايصدقك ولا فيك ريحة زقارة اصلن
ثامر : مشكلتك هذي ماطقيتك على يدك وقلت لك صدقني
فهاد : Ko يصير خيــر يصير خيــر ياثامـر


في ابو ملاك
صحت ومالقتها حصلت ورقة محطوطه فتحتها وانصدمت من الكلام الي فيها
( نوف ديري بالك على ابوي زين انا بسافر اسبوع وبرد تكفين تكفين ديري على بالك لا تقلقين علي اعرف كيف ادبر عمري زين )
نوف بقهر: الحيوانه الحقيرة راحت بدون ماتقول كيف بس اقول لبوي كيف حسبي الله ونعم الوكيل راحت عند ابوها وشافت التنفس عنده ضعيف جدا اتصلت على المستشفى وجو خذوه دخلوه بالعناية داخل بغيبوبه


في بيت عبدالعزيز
العنواد : هابنات شرايكم بلبسي
لجين : اممممم هادي
العنواد بكشرة : يعني مو حلو
لجين : لا حلو بس هادي حيل
العنواد : خليد شفيك وش هاللبس
خلود : مالك شغل فيني خليك بحالك
لجين : من يوم راح ثامر والاخت صايرة إكس
العنواد : إكس والى سمول
لجين : بايخه
العنواد : ماكلمتك
< العنواد لابسه فستان تفاحي ناعم تحت الركبه ماسك من فوق وحاطه مك آب هادي طالعه كيوت
> خلود لابسه تنورة ميدي سودا وتي شرت موف طالعه ملامحها هاديه ماحطت شي بوجهها
< لجين بنطلون سكيني اسود وقميص احمر طالعه ناعمه



في بيت ام جاسر
جاسر : هاه بشري وش قالت
رنا : وش
جاسر : رنابلا استهبال
رنا : ههههههههه ايه نسيت اقولها
جاسريطالعها بنص عين : ايه بكره بتروح مني بسبتك انتي
رنا : لا تخاف ترا رفول ماتبي غيرك ميته عليك على فكره
جاسر: قل اعوذ برب الفلق . . قل اعوذ برب الفلق
رنا : خير شنو قايله انا
جاسر : لا سلاماتك
رنا: اقول وش رايك تقول لمي تخطبها لك من الحين
جاسر : والله فكرة ممتازة بس ظنك امي بتوافق
رنا : اكيد وبتفرح بعد
جاسر : الله يسمع منك
رنا : بروح اقولها
جاسر بضحكه : كنك استعجلتي
رنا : مسوي يعني إني مستحي روح فيذاك بس



في المطار
ملاك : الرحلة لمريكا حنا ما اتفقنا على امريكا انتو قلتو كنداكيف ذا
حمد: مو شغلي انا . . هم حجزوا وعطوني التذاكر
ملاك : اممممم
سمر : يابنت الحلال كندا امريكا كلها سوى وشفيك انتي
ملاك بعصبيه : طيب ليه داعي هالكذب
حمد : ياليل آنتي شكلك مطولة مشينى اذا وصلنى هناك نتفاهم زين
ملاك : ko نشوف نهايتكم وش تصير ومشت








آنتهـى الــبآآرت الثانــي




توقعاتكــم ؟؟؟

بالشاليه
العنواد : هههههههههههه طيحه حلوه
وعد : يحقلك تضحكين علي اقول انتو دارين انكم بنات عمي
لجين : بنات عمك كيف ذا
وعد : ههههه ابوي وابوكم اخوان من الرضاعه
العنواد : من جدك انتي
وعد : لا استهبل والله
لجين : يعني انتي بنت عمي
وعد : لا بنت الجيران
لجين : هههههههه اخص حركات والله
وعد : عشان كذا يلله كوه نسلم على الرجاجيل ونطلب منهم اننا نروح للشاليه الي جمبنا
لجين : وليش
وعد : الي جنبنا كلهم بنات ورقص خلونا نطقطق عليهم شوي ونتونس
لجين : الله يلله يلله كوه
العنواد : من جدكم يالمهبل تروحون لناس ماتدرون مين
لجين : اخر من يتكلم انتي يوم نروح السوق خاشه عرض مع الداخل والطالع ويوم جت هاالحزه ..وتقلدها >> من جدكم يالمهبل تروحون لناس ماتدرون مين
وعد وريم : ههههههههههههههه
لجين : اقول امشو بس شكل عندهم فله مو مثلكم ميتين
وعد : بنات طيب خدوش وينها
لجين : اممممم اي والله صح ماشفتها
العنواد : آكيد عند الحريم يلله بس مشينا



في الدمــام
جاء بيركب سيارته وحصل ورقه مكتوب فيها
" السلام عليكم ورحمة الله
عزيزي سلمان اامل ان تحول على الرصيد التالي ................ مليون ونص ريال والى راح تخسرآشياء
طول حياتك ..... K. A ,,
واذكرك لك اشياء مفقوده إذا حاب ترجع حول المبلغ لي ......... "

سلمان : آحول المبلغ له طيب من يكون هذا !!



في بيت ام جاسر
وهي تكلم : والله ماودي احرجك لكن انتي شوفي ابوكم وردي علي ..... إن شاء الله إن شاء الله .... في آمان الله
ام جاسر : رنا رنا رنا وصمخ
رنا : هلآ يمه
ام جاسر لي ساعه احاكيك شفيك انتي
رنا : لا مافيني شي يالغاليه اطمإني
ام جاسر : طيب ترا بكره خالاتك كلهم بيجون جهزي حالك
رنا : إن شاء الله
ام جاسر : شفيك تعبانه
رنا : لا يمه بس لو تسمحيلي اطلع للسوق
ام جاسر : بهالوقت
رنا : ايه تونا الساعه 8
ام جاسر : بس يابنتي خطر عليك
رنا : لا تخافين يمه ربع ساعه وراده لا تقلقين
ام جاسر : الله يحفظك يارب


عند الرجال
ابو سعود : سعود سعود
سعود : سم يبه
ابو سعود : كلمت فهد
سعود : يبه لي ساعه اتصل ومايرد علي
ابوسعود : الله يستر حاول حاول اتصل
سعود : ابشر يبه
الوليد : هه مارد الى فهد عاد
ماجد : ها الوالد لو يتكسر جواله قدامه مايرد
الوليد : نفسيه يمكن
عبدالعزيز : اقول عاد فهد رجال مو مثل ماتقولون عنه
اسكتو
لجين : يوه بنات المجلس مليان كله رجال لو اموت ما ادخل
العنواد : حتى انا
ريم : اقول خلونى نروح بدون استاذان ممكن مايعجبنا الوضع ونرد بسرعه
لجين : فكره حلو
وعد : يلله مشينا
توهم بيطلعون الى صوت وراهم
عبدالعزيز : على وين إن شاء الله
العنواد : يبــه
لجين : هاه آبوي
وعد بصوت واطي لريم: هذي فكرتك هذي فكرتك انتي ووجهك
ريم : خلاص اسكتي عاد




إنتهــى البآآرت الثالــث

توقعاتكــم !!