عنوان الموضوع : قصتي يوم طردني ابوي من البيت - قصة خليجية
مقدم من طرف منتديات الشامل

السلام عليكم ورحمة الله وبركاته
حياكم اخواني واخواتي
اليوم بحكي لكم قصه حقيقيه صارت لي تمنيت احط موثرات صوتيه واهات مع القصه
في احد الايام اشترى ابي الله يطول بعمره ددتسن
على شان نشيل عليه الذبايح والاسطوانه وكذلك العزايم نشيل فيه صحون المطعم
المهم اول ماوقف السياره جاني وسلمني المفتاح وقالي انت المسئول عن السياره
لاتعطيها احد وكل مقاضي البيت انت تجيبها كنوع من العقاب لاني كنت مزعله
المهم استلمت المفتاح وحسيت اني صرت صاحب مسئوليه وفرحت
وكنت دايم اروح اودي الاسطوانه (انبوبة البوتوجاز)واجيب كل الاغراض المطلوبه وكنت مخلص ومتفاني ولاقلت لاحد لا
وفي يوم من الايام كان عندي مباراه نهائيه في حي يبعد عن حينا كثير ورحت على الوانيت ومعي اخوي الاصغر ويوم قربقنا من الملعب قالي اخوي تكفى ابغا السياره بروح لاصحابي المباراه طفش
قلت يابن ىالحلال اصبر وتفرج في ابداع اخوك في الملعب
رد بكلام احرجني وحطم معنوياتي قال ياليتهم اصلا يلعبونك وبدا الخوف يتسرب الى قلبي
مدربنا ماهومقتنع في لعبي حسيتها في عيونه
المهم يوم قربنا من الملعب قلت على شان ماانحرج قدام اخوي اذا مالعبني المدرب وافتكيت وعطيته مفتاخ الونيت
ولعبت المباراه وسجلت هاترك وصرت نجم المباراه وفريقي يحتفل فيني
وانتهت المباراه واخذنا الكاس وكنت انتظر اخوي بقوله اني سجلت هاترك
وفجاه شفته من بعيد معاه 2 جايين علي وكان وجهه معفوس وحسيت ان فيه شي
قلت اش فيه قال انقلبت بلونيت قلت جاك شي لا الحمدلله بس الونيت راح وطي
قلت ياشيخ ولايهمك ورحت ناديت واحد من اصحابي واخذت سيارته واخذت اخوي ورحنا سحبناها للتشليح ماعاد تسوى شي
ورجعت انا واخوي على سيارة صديقي لوحدنا وجلس يبكي قلت اش فيك قال خايف ابوي يضربني
قلت لاياشيخ اصلا انا بتكفخ معك لكن تدري دامني متكفخ متكفخ بقول لابوي انا الي انقلبت بلونيت
ولاتعلم احد قال طيب
ورحنا البيت وكان ابوي يتقهوى في الجلس
قلت له السلام عليكم وسلمت على خشمه واخذت الدله واصب له قلت يابوي انقلبت بلونيت بس الحمدلله سلمت وابشرك طيب
قال ايش والونيت وش صار فيه قلت صراحه ماعاد يسوى ووديته التشليح
فغضب ابي وضربني وطردني من البيت والمشكله اني اكتشفت ان جارنا جاه قبلها وقاله انه شافني وانا افحط وانقلبت
اثاري اخوي الله يهديه كان يفحط وماقالي اه منه وتثبتت التهمه عليه
في حينا كان ساكن معي ولد خالي وكان عنده غرفه في السطح مفروشه جاهزه كنت دوم اروح اسهر عنده المهم معي مفتاحها ورحت ونمت واليوم الثاني كان يوم خميس
جاني اخوي الصغير ومعاه فطورمسويته امي الله يرحمها
ويقولي سامحني ياخويه انا الي ورطتك ويبكي
وانا اطبطب عليه واقوله عادي كلنا نغلط بس اعم شي نتعلم
قلت انا جاني خبر انك انقلبت لانك تفحط بس ماراح اتكلم
في هذا الموضوع لاني متاكد انك حسيت بغلطتك
خلاص روح وانا اخوك واذا احد سال عني قولهم مرتاح وفاقدكم
ثاني يوم ولد خالي طلبني ننزل جده على مايهدى ابوي
ونرجع واكيد قلبه بيحن
وارسلت لامي وقلت لها تدعي لي
كانت في قمة حزنها بس مافي يدها شي
ورحنا جده وولد خالي يحاول يطلعني من جوالكئابه الي انا فيه ماقدر
وكل شوي ناس يجون يكلمون ابوي مارضي
حتى شيخنا جاه مارضي
قالي اخوي الكبير خلك في جده وانا بحاول فيه لين يوافق
وجتني احلى رساله وانا في البيتزا هت من اخوي الكبير
يقول ابوي يقول يبات في فراشه الليله
وطلبت من ولد خالي سرعة التوجه للطايف
والحمدلله رجعت البيت وكان نفسي اعرف السبب الي خلا ابوي يوافق
واكتشفت ان اخوي راح واعترف له وانضرب ههه
انقهرت على التضحيه راحت بلاش
النهايه


>>>>> ردود الأعضـــــــــــــــــــاء على الموضوع <<<<<
==================================

الله يهديه ^^
الله يعطيك العافيه ع ماقدمت
ودي ,.

__________________________________________________ __________
يعطيك العافيه كان اخوك انضرب من اولها وخلصنا وكان كانت القصه قصيره مش طويله ههههههههههه

__________________________________________________ __________
هههه
أحلى شيء حبك لاخوك وتضحيتك عشانه
وياحليله اخوك قلبه عليك
ربي يسعدك ويعافيك اخ ثامر

__________________________________________________ __________
قصه ررررررررررررررررروعه

__________________________________________________ __________
هههه اهم شئ رضى أبوك عنك ورجعت

يعطيك العافيه



رائعة من رائع و مثالي في الأخلاق و الكرم و الشجاعة و الرياضة و الهاتريك و الدداسن و الفداء

... أخووووك بارك الله فيك بجد قصة رائعة من نوادر القصص التي أستمر في قراءتها حتى النهاية

لا أنسى رحم الله والدتك رحمة واسعة و أسكنها فسيح جناته

تحياتي و تقديري لك