وجا بكره اللي منى تنتظر فيه بيادربفارغ الصبرولاكن انتظارها كان مثل كل يوم وتروح تدورها بفصلها وماتلقاها وماتلقى الاخوله ونظراتها اللي تنرفز منى .
ومرت الايام ومنى الافكار لعبت فيها لعب وراسها مصدع على طول من كثر التفكير والاسئله شي يخطر على البال وشي مايخطر
وصارت منى كئيبه بعد ماعرفت الحقيقه وكانت الحقيقه موجوده مع أقرب وحده من صاحبات منى اللي هي زهره اللي منى كل يوم تقابلها وتجلس معاها من الصباح الااخر اليوم وماكانت زهره تدري ان اللي شاغل تفكير منى انه هالكلمه وألاكان قالت لها من اول بس منى بطبعها كتومه وماتحب تتكلم بأي شي يخصها مره وماكانت منى تتوقع انها راح تلقى الاجابه لهذي الاسئله كلها عند زهره...
طبعا منى لما سمعت الخبر ومن هول الصدمه
عقدت حواجبها وفتحت عيونها وجلست تناظر في طالبات الفصل اللي كانت تتمنى انهم يختفون كلهم وماتشوف قدامها الابيادر وتسلم عليها وتقولها :أمانه يابيادر سامحيني انا اسفه وتبتسم في وجهها بيادر وتقول ياعمري يامنى مسامحتك وانتي بعد سامحيني وتسلم عليها وتروح .هذا كله جاء في بال منى فجأه وناظرت منى ولقت نفسها تحلم
وان هذا ماصار خلصت الحصه ومنى مافتحت فمها بكلمه ولانطقت بحرف طلعت منى ووقفت عند الباب وثبتت عينها في فصل
بيادر وتمنت لوأنها تطلع وتشوفها بس ماعاد فيه أمل بعد اللي سمعته،
وجات الابله ودخلو الطالبات وكانت منى اخر من دخل للفصل لان خطواتها كانت ثقيله من ثقل همها ورجولها ماهي شايلتها،أنتهت الحصه وانتهى اليوم كله ومنى ماهي في هالدنيا كلها
وراحت منى للبيت ومانامت الاساعه وصحت على اذان العصر وقامت صلت واستغربت امها منهى انهى صحت بدري ومن غير ماأحد يصحيهاوجلست مع أهلهاعلى قهوة العصروكانت منى ملتزمه الصمت طول الوقت ظنت أمها أنها تعبانه وقالت لها:منى وش فيك أذا تعبانه روحي نامي ألين تشبعين نوم ماراح نصحيك ولانزعجك ابد.
قالت العنود بلقافه :أصلا هاذي مرضانه من يوم يومها.
وقالت أمها:أص أنتي محد كلمك.
ومنى مانطقت ولا بكلمه لانها ماهي فايقه لهم ولالسخافات اختها العنود وقامت منى وراحت لغرفتها والغريب من منى أنها مانزلت من عينها دمعه وحده،
وكان هذا يوم الأربعاء وظلت منى صاحيه في الليل ألاالساعه ثلاثه ونص طبعا سهرانه مع أختها العنود اللي كانت طول الليل من فلم لفلم وماهي داريه عن منى تحسبها مندمجه معاها في الفلم،
وراحت منى بتنام لانها هلكانه النوم ذابحها بس التفكيرغالب على النوم ودها ترتاح لوساعه والحمد لله بعد معاناه قدرت منى تنام بس المصيبه أنها نامت الساعه ثلاثه ونص وصحت خمسه وكان وقت صلاة الفجر يعني نومها كله ساعه ونص وكانوا أهلها كلهم نايمين ألاأمها كانت تصلي بغرفتها وبعدين نامت ،
ووضت منى وصلت الفجر ورجعت تنام لاكن ماجاها نوم وراحت الافكار تودي وتجيب في بيادر اللي كانت أعز وحده من صاحباتها
ولازالت وماحست منى ألاصوت أذان وطلع صلاة الظهر أنصدمت منى وقالت مستحيل هذا الوقت كله مر وأنا ماحسيت أأه ياراسي من هالتفكير،وقامت منى صلت الظهروبعد ماخلصت صلاه قالت انا بنام واكيد النوم بيغلبني لاكن للاسف قعدت تفكر شوي الا العصر يأذن وأنهبلت منى مستحيل خلاص ياربي أبغى أنام اذاضليت كذا أكيد بنجن لامستحيل بصلي العصر وبأجبر نفسي انام خلاص ماعاد أبغى أفكر في شي خلاااااااااااااص يارب أرحمني،وظلت منى تفكر شوي بعدماصلت العصرألاصوت الاذان وكانت صلاة المغرب وكانت منى ماتقدر تفتح عيونها من كثر النوم بس جبرت نفسها وقامت صلت ورجعت لمحاولات النوم المستعصيه و للأسف مانامت الابعد صلاةالعشاء والحمد لله أنها نامت بس بعد أيش......................................
ترقبوا الجزء السادس لتعرفواماذا حدث لبيادر ليجعل هذا الخبر معاناة منى تمتد لسنوات ولاتنسون أنها قصه حقيقيه وأنتظر آرآئكم بكل ترحيب وأتمنى ان هذه الأجزاء عجبتكم
رد مع اقتباس
