عنوان الموضوع : DallY ReferencE سود العيون - عصري
مقدم من طرف منتديات الشامل
بسم الله الرحمن الرحيم
شلونكم ....شخباركم
اطرح هالمشاركه بكل سعة صدر وراح تكون كمرجع لخبرتي وكل شي جربته واستفدت منه
وحابه افيد فيه لكل وحده حابه تضيف على معلوماتها معلومه مني او حابه تستفيد مني....
الشغلات اللي راح اطرحها راح تكون ف هالمشاركه مرتين بالاسبوع وراح تكون مرفقه
بالصور للتوضيح....
راح تكون 16 تقريبا وراح ابين لكم شنو هم بالترتيب اللي راح انزلهم فيه....
1-تهيأتي لبشرة الوجه قبل الميك اب
2-مشترياتي من موقع Asos
3-عنايتي لبشرة الوجه بالنهار والليل
4-مشترياتي من موقع Ebay
5-ماسكات الوجه المفتحه والمغذيه والمنظفه
6-مشترياتي من Sephora
7-تطبيق ميك اب حصه اللوغاني
8-مشترياتي من Mac
9-برايمر الوجه العين الشفاه
10-Perfumes
11-العنايه بالأظافر
12-Nail Polish
13-العنايه بالشفاه
14-shadow
15-فرش الميك اب والفاونديشن
16-تطبيقMakeup حليمه بولند
راح نبدأ الحين....
قبل الMake up لازم تهيأ البشره لوضع الميكب من بيس وفاونديشن وبودره وبلاشر وغيره
لكل منا طريقه ف تهيئة البشره
طريقتي تعتمد على هالشغلات :
1-مقشر Stives or Clean & Clear
Stives….
ينظف البشره ويبيضها لكن كثرة استخدامه ممكن يحسس البشره ويجففها ويوسع المسامات لان مو مخصص للاستخدام اليومي يعني مرتين ف الاسبوع بالنسبه لي استخدمه مره وحده بس
Clean & Clear….
ينظف البشره ويتحكم ف الدهون حده حلو وميزته للاستخدام اليومي وبالنسبه لي استخدمه قبل لااحط الميك اب عشان تتنظف البشره كونه يحتوي على حبيبات تساعد ف التنظيف
2-غسول Clean & Clear
هم ينظف البشره واستخدمه مره او مرتين يوميا اول مااصحى الصبح ولما امسح الميك اب المهم ان هو يعتبر ثاني خطوه بعد المقشر ويتحكم حيييل ف الدهون
3-L'oreal Whitening Toner
بعد مااغسل ويهي وينشف تكون هذي الخطوه الثالثه والاخيره لتهيئة البشره قبل وضع الMakeupاحط منه شويه بقطنه وامسح فيها ويهي مع تجنب منطقة العين
ميزته يرطب وينشط ويفتح ويحتوي على فيتامين Cويقاوم عملية انتاج الميلانين
حده حلو ومرتاحه عليه وهم له غسول خاص راح اتكلم عنه ف Step عنايتي بالبشره قريب ان شاء الله
3خطوات بعدها تكون بشرتي متهيئه للخطوات التاليه بخصوص الMakeup
Cute Engineer
سنفرة Stives
حلوه بس لازم تدلكينها عالبشره بنعومه لان حبيبتها خشنه وتخلينها شوي وعقب تمسحينها باسفنجة Body Shop
ماسك الطين للبشره الدهنيه من هملايا حلو هم استخدمه وراح اتكلم عنه بStep الماسكات ان شاء الله
وهذي صوره للاسفنجه حصلتها بغوغل ومعاها ماسك الطين بس اللي بالمشمش
بسم الله نبلش
الMakeup من الانترنت
ولي مواقع معينه اللي ارتاح اشتري عن طريقها وتعودت عليها ويوفرون ماركات مو عندنا
او حتى شغلات مخلصه من المحلات او ممكن تكون ليمتيد....
من هالمواقع...موقع Asos
بفيدكم بشكل مختصر عنه....
عشان تتسوقون فيه لازم تسجلون بياناتكم ومن بينها الاسم والعنوان ورقم الفيزا او الماستر او البطاقه
المعتمده للشراء عن طريق الانترنت يعني على حسب البطاقه اللي عندكم....
بعد هالخطوه تقدرون تبلشون دواره ف الموقع وتختارون اللي تبونه وتضيفونه بسلة المشتريات وتكملون
شوبينغ او توقفون وتممون الدفع...ولاتخافون بيوصلكم ايميل بآخر خطوه بالمشتريات والقيمه وان انخصم
من حسابكم واشقد يبيله ويوصلكم....
تقريبا ياخذون 10 ايام وان طولوا اسبوعين بس حمدلله ماصارت معاي انهم طولوا....
الطلبيه توصل على ارامكس واللي عندها صندوق بارامكس شي حلو واذا البريد امان تقدرون تحطون عنوانكم
البريدي....
وهذي مشترياتي من Asos لحد الحين ....
الصور من الانترنت للتوضيح
Urban Decay Shadow
حلو جربته ف طلعات ومرتين سألوني شنهي ماركات شدوهاتج
اتوقع كان ليمتد بس لقيت منه ف مواقع ثانيه بس اساسا ف Asosماكو منه الحين
Smith's Lip Palm
حده حلو يتفخ الشفايف ويعطي لون طبيعي
هم هو اتوقع ليمتد عندهم لان دورت الحين ماكو منه ف الموقع يمكن تحصلونه ف مواقع ثانيه
Korres Eyeshadow
متوفر منه ف الموقع لون ابيض وبرونزي اما هاللون اللي هو الفضي ماكو يمكن تحصلونه ف موقع ثاني
ودمتــم بـــود
بردودكم تقيم لمجهودي
تقبلو تحياتي
بنت الكويت
سود العيوون
>>>>> ردود الأعضـــــــــــــــــــاء على الموضوع <<<<<
==================================
يعطيـــــــــــــــك العافــيه يالغــلآ،،
مجهووود رـآئــــع وربي
لآعدمتك
__________________________________________________ __________
هلا وغلا سود العيون
شاكره لك ولطرحك الرائع
ومجهودك الجميل والمفيد
تسلم ايدك ومنورة القسم
لاعدمنا ذوقك وتواجدك العسل
يعطيك ربي الف عافيه
تحياتي الخالصه لك
__________________________________________________ __________
يسلموووو على الطرح الرائع ولا تحرمينا
جديدك يالغلا
__________________________________________________ __________
تسلمين على الموضوع
الله يعطيك العافيه
و الله لآ يحرمينا من روعه جديدك
__________________________________________________ __________
الله يعطيك الف عافيه
ع مجهودك المميز
ذووووق×ذووووق
وننتظر جديدك الرائع
ومنها للأعلى يارب
لروحك قلائد من الجوري
((مـــالـــكــه الــقـــلـــوب
تسلمين على الموضوع
وماننحرم من جديدك الرائع
الله يعطيك العافيه
رد مع اقتباس
