عنوان الموضوع : صج شبابنا مافيهم خير !! - نقاش حر
مقدم من طرف منتديات الشامل

السلام عليكم ورحمة الله وبركاته

يمكن الكل واغلب شي الشباب بيقومون علي بس يلاا مقبولة

من يومين بقت تنقلب فيني السيارة واروح من جيس اهلي

اخذو السالفه :

كنت امشي سرعه ومرة وحده ينبط علي التاير وتفتر علي السيارة فرر و وقفت في نص الشارع وحاولت قد ماقدر ان اوقفها على صوب ..

والمشكله تلفوني البيل كان مقطوع يعني الحاله عدم .. ومن الروع تميت اتراعد و اصيح !
المهم والله اطلع وادخل السيارة ابي أي احد يوقف لي ولا احد فيه خير او في ويهه فلحه وقف لي !
بس فالحين يوقفون يقطون حجي وميتين على الترقيم ويمشون ..

احمد ربي ان رفيجتي جافتني بالغلط ودقت على اهلي والحمدلله عدت


هاي عيال الديرة الي ينشد فيهم الظهر ؟!

يعني عورني قلبي على روحي ! والله لو انه ريال جان فزعو له والدليل بالليل في نفس المكان الي وقفت فيه ريال مبنجره عليه السيارة وفي 3 سيارات واقفين له ومن ضمنهم الشرطه



لو انت شفت وحده واقفه ومحتاجة مساعده بتطنش او بتحاول انك تساعدها ؟! (( ياريت الجواب يكون بصراحه ))
انتي في هالحاله شنو راح تسوين .. شلون بتتصرفين ؟!
اذا صادفتكم مواقف ياريت تذكرونها ..


انه اكتب الموضوع وانه حدي منقهررررة

وباب النقاش مفتووح

>>>>> ردود الأعضـــــــــــــــــــاء على الموضوع <<<<<
==================================

سلامات ياقلبي انتبهي لنفسك واذا تسوقين علميني اخذ شاص وافحط فيه متهورة هههههههههههه

ترى جد شبابنا ما عاد فيهم خير الا من رحم ربي البنت ما يساعدونها يستغلونها

الحمد لله ما نسوق ومانتعرض لهذي المواقف

__________________________________________________ __________
الحمد لله
نحن في غنى عن التعرض لتلك المواقف """"

اتمنى ان تدوم النعمه
ويكفينا شر البعض """


وفقتي

__________________________________________________ __________
المشاركة الأصلية كتبت بواسطة عنيدة ونظرتي بعيده
سلامات ياقلبي انتبهي لنفسك واذا تسوقين علميني اخذ شاص وافحط فيه متهورة هههههههههههه

ترى جد شبابنا ما عاد فيهم خير الا من رحم ربي البنت ما يساعدونها يستغلونها

الحمد لله ما نسوق ومانتعرض لهذي المواقف

اي والله
الحممدله على كل حال
منورة فديتج

__________________________________________________ __________
المشاركة الأصلية كتبت بواسطة قَدرْ
الحمد لله
نحن في غنى عن التعرض لتلك المواقف """"

اتمنى ان تدوم النعمه
ويكفينا شر البعض """


وفقتي


شكرن لك اخوووي
ليش في غنى !

ساعات الحريم عندكم يطلعون مع السايق وممكن يتعرضون حق هالشي انت بدورك ممكن تساعد او لا ؟

__________________________________________________ __________
بعد السلام والتحيه
الحمدالله على السلامه
ونحمدالله انه قدر ولطف
لاننا هنا لايسمح لنا بالسياقه ولا نرغب بها
لذا لن اتخيل الموقف
وخالقي
اننا في نعمه نحسد عليها
حين جعل لنا حدود لانتعداها
واما بنسبه لشباب ان شاء الله فيهم خير لاننا هنا لانعم
فمنهم من به غيره وشهامه
ومنهم دون ذلك
والله يهدي شبابنا وفتياتنا
لما فيه خير وهدى
والحمدالله على سلامتك وهي غايتنا
اشكرك على طرحك
ارق التحاايا
الزمرديه
لسموك الكريم
وكل عام وانت بخير وصحه

المشاركة الأصلية كتبت بواسطة اسيرة تفاصيلة
شكرن لك اخوووي
ليش في غنى !

ساعات الحريم عندكم يطلعون مع السايق وممكن يتعرضون حق هالشي انت بدورك ممكن تساعد او لا ؟

انا من ال نسوه ياعزيزتي
ليس الجميع يتقبلون السائق ولهم االاسباب والقناعات
والله يصلح الجميع