عنوان الموضوع : ادلع نفسي ؟ للنقاش
مقدم من طرف منتديات الشامل

,,السلام عليكم ورحمه الله وبركاته ,,

اشلونكم ,,؟؟

شخباركم ,,؟؟

حيــــــــاكم ,,



روووقوا وانتوا تقروون الموووضووع ,,

طبعا ,, شعااري ,, لايـأس مع الحذف ,,

عن جد تعبت من كثر ماتنحذف مواضيعي ,, وتضيييع ,,

المهم ,,

كنت اسوالف مع شخص ,, عن الراحه ,,

وان احنا انحب انتعب رووحنا ,,

طبعا صدمني ,, وقااال : اايه لازم اصلاً ((خلق الانساان في كبـــد)) ,,!!

قلت لهـ ,,: لحظه لحظه ,, عشاان استووعب الكلاام ,,

اندووور الشقي ,,؟؟ لييييش ,,؟؟

قـال : لاني ريااال ,, ولان الدنيا مو لرااحه ,,!!

قلت له : لالالا بلييييز لاتقنعدني بهالشي ,, بالعكس الانساان اللي عنده ليش مايدلع نفسه ,,

قــال : يعني ليش الواحد ايب له سااايق وهو يعرف يسوووق ,,؟؟ وليش ايب لهله طبااخ وهله يعرفون يطبخوون ,,؟؟ وليش يااخذ له ((صبي )) يشيل الاغراااض في المجمع ,, هاااي تكبر واستعلاااء ,,!!

طبعا ماوصلت معااه لحد ,,

**يمكن لاني ماكنت ابي افهم منه شي ,, او لاني كنت تحت تاثير الصدمه ,,

عن جد ,, شنو هالمنطق الغريييب ,,؟؟

وشدخل التكبر والاستعلاااء في الرااحه ,,؟؟

وانت شنو رايكـ ,,؟؟

تحياتي ,, قطريه غير ,,


>>>>> ردود الأعضـــــــــــــــــــاء على الموضوع <<<<<
==================================

بالنسبه للقهوه
ما عليش صايمة
وزيها للفطور
ههههه

والله اللي عنده
المفروض يدلع نفسه
بعد الله سبحانه وتعالى يقول(وأما بنعمة ربك فحدث)
واللي ما عنده يمد رجوله ع قد لحافه
وش يسوي بعد ما عنده
وهذي سنة الحياة
ان الناس مستويات وطبقات

والتكبر غير اظهار النعمة
يا ما ناس ما عندهم شي ورازين خشومهم على ويش ما ادري
وياما ناس عندهم خير بس كأنك تعرفه من زمان

مجرد وجهة نظر
اشكرك

__________________________________________________ __________
انا براي انه كلامه 50%صح و50%غلط
ما قلنا انه الواحد لما يكون عنده فلوس وخير وربي منعم عليه
انه ما يدلع نفسه
بس اللي يدلع نفسة كثير بيوصل طبيعي لدرجة الفسقنة
يعطيك الف عافية على الموضوع ....

__________________________________________________ __________
الكِبر داء والراحة دواء ..

الكِبر والتعالي على الناس محرم مذموم
والراحة هي مطلب الإنسان بشرط الا تكون على حساب واجباته وحقوقه
لخالقه اولا وللآخرين ثانياً ..

فالخوف من الراحة ان تكون تربية للكسل والخمول والتهاون في اداء الواجبات ..


اما من انعم الله عليه بتوفير من يقوم على راحته دون ان يظلمهم حقوقهم
او يبخسُهم شيء من كرامتهم بعيدا عن التعالي والكِبر معهم فذلك من اقل حقوقه ..



تحياتي ..

__________________________________________________ __________
هلا والله بهاالطله

شوفي حبيبتي مو عيب الواحد يدلع نفسه بكل شي يشوف فيه رااحته بسس

بحدوود يعني مايطغى على نعمة ربه ومايحقر خلق الله ولايهظمهم حقوقهم

ويااازين الواحد إذا أجتمعت فيه دين ودنيا كما قال صلى الله عليه وسلم...

(أحدثكم حديثا فاحفظوه .. إنما الدنيا لأربعة نفر ،، عبد رزقه الله مالآ وعلمآ فهو يتقي فيه ربه ويصل فيه رحمه

ويعلم لله فيه حقآ فهذا بأفضل المنازل ......الخ الحديث ) رواه الترمذي

يعطيك العافيه ع الطرح الرائع

لكي أحترااامي ودمتي بحفظ الله

__________________________________________________ __________
بعيداً عن الفشخرة وَ الإسرآف و قريياَ
لِلإعتدآل وَالوسطية مآالمآنع أن يستمتع
بمآ عِنده ِمن رزق رزقه الله لهُ ..!!
و يجلب سروره وَرآحته ويُرى أثر النعمة عليه
من مآأعطآه الله..!!
لكن ربمآ يريد ذلك زُهداً في الدنيآ وَخدمةً نفسه بنفسة..!
وَالتوآضع والبسآطة مِن صفآت العظمآء..,



شكراً لك قطرية غير.,,
ودي ..,




الأخت قطريه غيرر..


بالفعل الانسان اللي مقتدر والله منعم عليه او خلينا نقول "ثري" من ابسط حقوقه يستمتع ويعيش حياته ويعيش الترف بكل معناه ...
والمال زينه الحياه الدنيا لانه قادر علي تحقيق الامن والطمانينه بأذن الله ..
الراحه تجي بالايمان ومن بعده المال ..
السعاده لها مفاتيح والمال كل مفاتيحها بأذن الله..
الانسان اللي علي قد حاله وحياته سلف ودين ووظيفه بند الاجور مثلا برضو يدلع نفسه بس بعقل..!!!
بالحالتين عيش حياتك واظهر نعمه ربك عليك لاكن بعقل ..!!
لاتصل الي حد الاسراف والبذخ بل رفاهيه علي قد فلوسك..!!


شكرا لك