عنوان الموضوع : تعرفون متى تقول البنت (( ياليتني ولد )) ؟!!!
مقدم من طرف منتديات الشامل


متى..؟


لما يكونون معزومين بعزيمة ...والكل مستعد وتجهز....ويطلعون برا وينادوا السواق
وأخيرا يلقوا السواق مو موجود
وبعد جوله على جوالات الاخوان....
ويأس من ظهور السواق
وبعد جملة مافيه روحة ...
تلاقي صرخة تسبق هالجملة وتعبر عن الموقف بقوة
(يا ليتني ولد )









والا بجمعة عائليه ...وتخييم حلو بالربيع
العيال مجتمعين يلعبوا..
وبعضهم معه جمس والا جيب
والباقين يلعبوا بلوت
وضحك وبسطة
والبنات اللي معهم جوالات ويروح رجاها بالهوا
والثانيه واقفة تترجى اخوها ...بدون فايدة
والثالثة بعد مايأست رجعت لسواليف الحريم المملة والكيئبه
مع ان طلباتهم كانت دورة بالجيب بين هالرمال
او
يسمعون شريط بسيارتهم بس ماأحد راضي يعطيها المفتاح
والنهاية
(يا ليتني ولد )








وأحيانا تعزم صديقاتها
وتقولهم بكل الفخر
العشا على ...لا ومن وين من الريف الايطالي ......طلبيه عشان خاطر عيونكم
هم ماعندهم سواق
لأن الاب يقول عندكم 5 اخوان
(حنا مانحتاج سواق البيت كله شباب)
وإذا كانوا هالشباب
واحد مقفل جواله
والثاني بالبر مايوصل له الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية
والعشا يتفركش
والاعذار تتسكت بوجبات( بتوصيل منزلي) من بيتزا هت
واول مايطلعون
تسمع صرخة بالحوش
(يا ليتني ولد )








كل شيء يهون بس اللي مايهون ايام الإجازات
قبل العطلة يمكن بشهر
البنات ..
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر هاالسنة
لا وانا ابوكم هاالسنة مشغول
عندي انتداب عمل
ويمكن عمل اجباري
هالسنة امكم والده
وين ناخذ بزر بالشهور معنا
وأخوكم مهند
توه يمشي
تبونه يشغلنا اذا سافرنا والا يضيع من بين ايدينا
تدرون
تبون جدة والا الشرقيه ...يالله اختاروا ...
والا وش رايكم نروح عند اهلكم في الديره
بنفس هالوقت يدخل فيصل <<إحم إحم
يبه عن إذنك ترا اليوم رحلتي مع محمد وتركي وخالد ولد عمتي
بنسير على مصر ام الدنيا كم يوم ونجي
عاد زي ماقلتلك يمكن نمر شرم الشيخ
هاه يأخواتي ياحلوين تامرون على شيء قبل ماأروح
إيه
سموووو
تبون
ايش
(يا ليتني ولد )






ولما تكونين جالسة على اللاب توب
وتو النت شابك
(تم تسجيل دخولك الى شبكة الاتصال )
وتوك فاتحة على المفضلة تبين تشيكين على الموقع اللي تبي تدخلينه
الا اللي فوق راسك
ومن صار ....نواف ....حبيب البيت ......وبرا البيت
قفلي النت
ليه؟؟؟؟؟
بس بكيفي ....وثاني مرة لعد تشبكينه فاهمة !!!!اوكي
وليه معد أشبكه
اولا أصرف ....ثانيا بنت ....ثالثا وشو له تشبكينه ...وش الفايدة...؟؟؟؟ماله داعي
!!!!
عطيني لاب توبك بفتشه احس فيه شئ......
(يا ليتني ولد )







طبعا صايرة كلمة للعائلات فقط تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هالافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجوا يقارنوها بالبنات .......هنا نوقف شوي
أغلب المجتمعات النسائيه كئيبة ومملة بشكل كبيييييييير
والسواليف أغلبها تقتصر على
لبست...اشترت ...انخطبت ...تزوجت....حملت....سافرت
وتلاقي درجة الغليان عند البنات من هالسواليف توصل 100درجة مئويه
الطلعات برا و مع الصديقات....أغلب العوائل محدودة
والبقيه مابين حريه مطلقة....الى منع مطلق ...فالبيت هو المنتزه الموجود المشترك
وش في هالمنتزه ؟؟؟؟؟؟؟؟؟؟؟؟؟؟؟؟


مثلا تلقون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت
منهي ذي ؟؟؟؟ هذي تغريد....هماك توك شايفتها بالجامعة
قفلي التلفون .....ليه؟؟؟؟؟؟؟بس موب لازم كل ذي الهذرة-
من بتكلمين نهى ...مو لازم بكرة بتشوفينها بالعزيمة
(( هذا اذا لقت احد يوديها ))
ألحين انتظر تليفون من أختك ببريطانيا _
من اللي شاغل التلفون ...والله اني قايلته شوفي سوير ان رفعتيه ثاني مرة لا تلومين الا نفسك..

طيب موب لازم انترنت ولا تلفون لانه امر مفروغ منه ...
بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل
طيب اروح عند التلفزيون ....لا لا لا
مستحيل التلفزيون انقلب الى أداة لترويج المنكر ...كله استعراض للبنات ....
وهو خراب لعقولنا يالبنات
...............
وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافي قدامي غير غرفتي .....تدرون وش ابسوي فيها






-
-
-
-
-
-
(ااذاكر) !!!!!!عرفتوا ليه البنات اشطر من الاولاد ...........استوعبتوا السر ؟؟؟؟
طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
افففففففففففففففففففف
( يا ليتني ولد )






نصل هنا للهدف من الموضوع !!
عندما تقول البنت..

(يا ليتني ولد )
أول شيء اسويه اروح أخذ امي واخوتي وامشيهم بشوراع
ونروح نشرب لنا قهوة من توتي كافيه
ولا نمر على ملك المانجو وناخذ لنا كوكتيل
والا اعشيهم على حسابي
والا أفاجئهم بتذاكر لمكة عشان ناخذ لنا عمرة
والا استنى اي فرصة اشوفهم محتاجين لي فيها عشان اخدمهم

!!
منقول للامانــــــــــــــــــــــــه


>>>>> ردود الأعضـــــــــــــــــــاء على الموضوع <<<<<
==================================

- اشكرك اختي على هذا النقل الرائع 0
- طبعا اختي الغالية لا شك ان هناك مواقف تتمنى الأنثى ان تكون فيها رجل ولكن يبقى للأنثى مكانة خاااااااااصة ورائعة لايمكن بحال من الأحوال الا ان تكون كذلك0

- انها شذى العطر الفواح النرجسية الرومانسية اللطف الجمال الأنوثة الرقة الدلال 0

- بالامكان سد هذه الثغرات في حياة الأسر بوجود البديل يعني يكون الوالد واحد الأخوان مسئولين عن مشاوير الأسرة وعند عدم وجودهما يبحث عن البديل 0

- هناك بعض الشباب من العطالة وقلت ذات اليد يتمنون انهم من ذوات الخدر لاتحملون المسئولية والامانة في هذا الزمن الصعب 0

- تقبلي تحياتي 0


__________________________________________________ __________
آآآآآآآآآآآآآآه

حطيتي الملح عالجرح يا أخية

أنا بهاللحظة أتمنى أكون ولد..

يلييييييييييييييييييييتني ولد

تدرين ليش؟

لأن أعز صديقتي حتسافر الليلة وأناما أقدر أشوفها قبل سفرها بلحظات أو على الأقل بيوم

شفتها من أسبوع يمكن.. ورح أودعها على التلفون وبس!!

لو كنت ولد!! ما كان رح يصير كذا!

كنا سهرنا وجلسنا وتكلمنا وضحكنا ليييين الفجر

ويمكن كنت رحت معاها لين المطار

مو كذا تسوون يا شباب!!

وليش احنا ما نقدر نسوي؟؟ هم أصدقاء واحنا مو صديقات!!!

الله المستعان بس.. نصبر ما عندنا غيره!!

عالعموم.. موضوعك راااائع

وأكثر نقطة أوافقك فيها..انو الشباب يقعدوا يشكوا ان كل الأماكن العامة بس حق العوائل وما يدخلوهم..(( يستاااااااااااااهلو)) والله مقهورة

لو بالنسبة ليهم الحدائق ممنوعة.. احنا لينا كل مكان ممنوع.. حتى أرض ربنا الواسعة.. ما نقدر نتهنى فيها

لا بر ولا بحر ولا شي..وهم زعلانين على حديقة!!



مشكورة أختي على موضوعك الرائع..
أدري انك اتكلمتي عن أشياء أكثر وموضوعك أشمل من كذا..
بس اعذريني هذا الي قدرت أتكلم عنه.. لضييييق الوقت ^_^


أخيتـــــك ^_^

__________________________________________________ __________
هههههههههههههههههههههههههههههه


حلوه



يسلمو موضوعك خيااال



اي والله مواقف تقهر



تسلم هاليدين




تقبلي مروري





ياليتني ولد خخخخخ

__________________________________________________ __________
هههههههههههههههههههههههه
والله احنا مساكين لنا الله:050103hm_prv:
بس يكفي انا بنات انوثه ورقه ونعومه:110103_mad_prv:
ويسلمووووووووو ورده
على الموضوع الروووووعه
angel4:

__________________________________________________ __________
مشكووووووووووووووووورة على الموضوع
بالنسبة للي بتسافر صديقتها
لو أنك ولد كان ما تعرفتي عليها لأنه بنت هههههههههههههههههه

ما أقول إلا:....
الله خلق الذكر والأنثى
ولكل واحد خصوصياته التي ميزه الله بها

فالكل منا رجال ولا مرة يقول بصدق ((الحمد لله))

يسلمووووووووو على الوضوع النايس

بس الله اعطى البنت انوثتها والرجال رجولته

كل واحدوصفاااته

>>صحيح مرات نتمنى نكون ولد بس بالنسبه لي الأنوثه الانسب :35:

انا الحمدلله من ناحيت السفريات اخواني مع ربعهم هذي مو عند اخواني هم مايسافرون إلا معنا وهذا احسن شي