عنوان الموضوع : انت راضى عن ربك..؟- الشامل
مقدم من طرف منتديات الشامل



انت راضى عن ربك..؟

اخوانى واخواتى كما تعودت فى احاديثى معكم اريد ان ادردش معاكم اليوم موضوع قلقنى شويه واراه فى كل من حولى من الاحباب ناهيك عن موضوع القلق الذى سوف اتناوله معكم بالتفصيل فى لقاء قادم ان شاء الله

الموضوع باختصار انت راضى عن ربك ولا لا ؟

حاتقولى ايوه راضى بالثلث كمان

اقولك كداب

تقولى وبعدين حانلغبط اهو..

طب لو ربنا ابتلاك مثلا يعنى بمرض وحش قوى ليك او لاحد اولادك ؟ تبقى راضى عنه ولا تقوله ليه ياربى؟ اشمعن انا ...؟

المهم نتكلم عن الموضوع بالتفصيل

احنا نعرف يااخوانا ان العبادات نوعين ..؟

عبادات جوارح وعبادات قلوب

احيانا تكون عباده القلب اسرع الى الله من عباده الجارحه ..

عباده الجارحه زى ايه زى القيام والصلاه والحج والصوم

وعبادات القلب زى ايه زى التوبه وزى اللى حاتكلم فيها اليوم

عباده من عبادات القلوب وهى اسرع الى الله من عبادات الجوارح لازم نفهم ان عباده الجوارح لها منتهى ولكن عباده القلب ليس لها منتهى

تبقى نايم ويسرى عليك الاجروانت فى عباده

وعباده اليوم عباده الرضا

انت راضى عن الله ولا لا ؟ راضى عن افعال الله سبحانه وتعالى ..؟

اللى رزقه ضيق وحاسس ان فلوسه قليله قلبه جواه مراره وزهقان ؟
هى ليه الناس مش راضيه عن وظايفها كل ما تسال موظف انت مبسوط فى شغلك يقول لك ياعم سيبنى حالى وتلاقى 90 فى الميه مش راضى..

نص المتجوزين مش راضين عن ازواجهم ولا زواجاتهم
اللى ربنا ابتلاه بعاهه من العاهات .زعلان وحزين
واللى راكب سياره قديمه مش عاجباه وعايز يبدلها..

اللى معاه موبيل مش عاجبه لان موديله بطل

واللى اثاث منزله قدم وعايز يغيره ...

انت راضى عن الكليه اللى انت رحتها ارضى بقه

..انت راضى عشان شغلك اللى بعيد عن سكنك وقرفان ومتضايق امتى بقه ربنا يتوب عليا من الشغلانا دى .ارضى ارضى

انت راضى عن رزقك؟

ماهو كل شئ رزق؟ ... الزوجه رزق والاولاد رزق والعربيه رزق والسكن رزق

اه طب اسمع بقه الحديث القدسى ده :

يقول الله سبحانه وتعالى ( عبدى خلقتك لعبادتى فلا تلعب وقسمت لك رزقك فلا تتعب ان قل فلا تحزن وان كثر فلا تفرح ان انت رضيت بما قسمته لك ارحت بدنك وعقلك وكنت عندى محمودا وان لم ترضى بما قسمته لك اتعبت بدنك وعقلك وكنت عندى مذموما وعزتى وجلالى لاسلطن عليك الدنيا تركض فيها ركض الوحوش فى الفلاء ثم لايصيبك منها الا ما كتبته لك)

عبدى افهم انا خلقتك ليه انت مشغول باللى ضمنته لك عن اللى طلبته منك

وقسمت لك رزقك فلا تلعب ؟ يعنى ايه فلا تلعب ؟

يعنى مااقعدش افكر واشيل هم الواد والراتب حايكفى ول لا ؟ وهم السياره اللى بازت ياترى حاقدر اشترى واحده غيرها ولا لا؟
انت مش عملت اللى عليك ليه مهموم ؟ بدل ان تضيع وقتك فى التفكير اقضيه فى صلاه ركعتين قيام ...
البنت اللى جوازها اتاخر عشان مش جميله راضيه ولا لا..؟

الام اللى بنتها ما اتجوزتشلحد ما سنها وصل 29 راضيه ولا لا ..؟

ليه ياجماعه تاعبين نفسيكم لاتتعب..؟

شوف ربنا بيقولك ايه :

فورب السماء والارض انه لحق ...؟ لدرجه ان الاعرابى بيسال احد الصحابه مين اللى اغضب ربنا وخلاه يقسم ؟ انتوا مش مصدقين ؟ فيه حد مش مصدق؟


لو رضيت يحصل لك ثلاث حاجات ريحت بدنك وعقلك كمان وبقيت محمودا عند ربنا ...

طب لومش عايز ترضى ربنا حايسلط عليك الدنيا وما ادراك ما الدنيا ؟

يعنى تبقى عندك فلوس كتير قىو ومشغول ليل ونهار ومش فاضى لاودك او بيتك وشغال فى ساقيه طول اليوم والفلوس عماله تكلر وتكتر بس برضه قرفان ومتضايق وتعبان وكلنا بنشوف الناس دول حولينا ..

طب لسه مش راضى شوف الحديث القدسى ده كمان :
ابن ادم عندك ما يكفيك وتطلب ما يطغيك لا بقليل تقنع ولا بكثير تشبع ان اصبحت معافا فى جسدك امنا فى سربك عندك قوت يومك فقل على الدنيا العفاء

واللقاء القادم اكمل معاكم من هذا الحديث لو اطال الله فى عمرى
قبل ما امشى اسال نفسك انت راضى ولا لسه ؟



اخوكم فى الله الشيخ عادل


>>>>> ردود الأعضـــــــــــــــــــاء على الموضوع <<<<<
==================================

جزاك الله خيررررررررررررررر يا شيخ عادل

__________________________________________________ __________
جــزا ا اكــ...الله ألــف خــيــر

جـ ع ــلــه في مــوا ا ازيــن

أعـــ م ــا ا الــكـ...

__________________________________________________ __________
*** الشيخ عادل ***

رغم كل القسوة التى واجهنا بها انفسنا من خلال طرحك القيم

و الذى وجدنا انفسنا فيه عرايا اما انفسنا و نحن نرى كل اعنراضاتنا

و عدم رضانا رغم اننا نتظاهر بذلك


ارجو ان يكون لنا دائما هذه الوقفات مع النفس


جزاك الله كل الخير

تقبل منى جزيل الشكر

__________________________________________________ __________
اشكرك هاى هاى
على مرورك الطيب

__________________________________________________ __________
اشكرك اخى السامر على تواجدك فى موضوعى