عنوان الموضوع : مش مكسوف منه ياقلبك الجامد ! - في الاسلام
مقدم من طرف منتديات الشامل

ن
فترض انك بتحب حد
وانك ضايقت حبيبك وزعلته
طبعا ضميرك هيأنبك
و تقعد تلوم نفسك انا ازاى عملت كده ويمكن متعرفش تنام
وتتخنق وتبكى وتبقى تعبان ومهموم
و تفكر و تحتارو تفكر مليون مرة ازاى تصالحه و تقوله انا آسف!
وتزعل لو ضايقته او لو هو ضايقك وتقول ازاى انا هنت عليه



تعرفوا مين ده اللى انتوا زعلانين على... زعله و ميهونش عليكم زعله؟
ده.. عبد الله او امة الله


وهنا يجى السؤال


يا ترى كام مرة هان عليك ربنا؟
كام مره نمت و انت مش فار ق معاك انك مزعله؟
كام مره نمت و انت فيتك صلاة واجبة؟
كام مره نمت و انت مكلفتش نفسك تقول ... أستغفر الله!
عشان يسامحك


سألت نفسك كام مرة بكيت عشانه ؟
مهانش عليك؟؟!!
طب محسيتش انه حبيب ليك وانت مزعله ونفسك تصالحه؟
محسيتش انك قصرت فى حقه؟؟!!!
متألمتش ومسألتش نفسك وانت فى الموقف الفلانى . يا ترى هو زعلان منك ولا ؟


طب مفكرتش انه هو كمان بيفكر فيك
ليه تخلى ربنا يكون أهون الناظرين ليك
ليه


طب مسألتش نفسك كام مره نمت و انت مزعله؟
طب قلتله أنا آسف متزعلش منى يا رب ؟؟
طب مش نفسك تتكلم معاه؟
هتقولى هتكلم معاه ازاى؟
عن طريق سجدتك و انت بين ايديه ده اقرب ما يكون العبد إلى ربه وهو ساجد..


نفسك يرد عليك يقولك انا سمعك؟
اقرأ القران ايوه اقرأ القران..
إذا أردت أن تكلم الله فعليــك بالصــــلاة
وإذا أردت أن يكلمك الله فاقرأ القرآن ...


طب محسيتش فى مرة انه حبيبك
هو اللى عالم كل اسرارك قبل ما تعلمها


مفكرتش تطلب منه المعونة و يقف جنبك بصلاة استخارة؟
طب محبتش تشكى همومك ليه ؟
طب مسألتش نفسك لو حبيبك سابك
و كل صحابك و جيرانك و اهلك متخانقين معاك
وبقيت لوحدك بتبكى و الدنيا متقفلة فى وشك


هتعمل ايه مين هيسمعك مين هيطبطب عليك
محبتش يكون فيه واحد جنبك يحس بيك وشايف كل حزنك ودموعك,
معاك و بيناديك وبيقويك تنديه
عشان يرد عليك ويقولك
لبيك عبدى لبيك


يا الله


ربنا بيقولك
تعالى انا عايز اسمعلك ..تعالى اسعدك احللك مشاكلك ..
ربنا عايز يريحك وانت مش مريحه ..
للدرجة دى هان عليك ؟
تخيل وانت بتعمل ذنب كبير
ربنا شايفك ومع ذلك بينجينا و يحفظنا
ويبقى مستنينا نرجعله
وبعد ده كله تنام عادى كده ولا همك زعله


مفكرتش ان بأخذة عزيز مقتدر يقبض روحك اللى انت فرحان بيها فى لحظه
و يقولك خلاص آن الأوان
مفكرتش هتقله ايه
هتقله يا رب انا كنت بزعل على زعل حبيبى وانت لا ؟؟!!!
محسيتش فى مرة أنه
الوحيد اللى عنده قدرة رهيبة على المسامحة
و مهما تعمل و ترجعله بيغفر لك عشان بيحبك بجد


وفى الاخر انا هسبكم تفكروا وتسألوا نفسكم
انا ازى هان عليا زعل ربنا ازاى؟؟!!!ـ


يلا كلنا قبل منام نتوب
ونرجع لربنا حبيبنا
ونقله سامحنا يا رب


سامحنـا


أستغفر الله الذى لا اله الا هو الحى القيوم واتوب اليه

منقول للفائده


>>>>> ردود الأعضـــــــــــــــــــاء على الموضوع <<<<<
==================================

**









الله يعطيك الف عافيه
وكتبه بموازين حسناتك ولا حرمك اجره .,
غفر الله لي ولك ولوالدينا وادخلنا فسيح جناته بصحبة رسوله الكريم
تسلم يدينك علىأ الموضوع ربي يحرمها عن النار .,
ويسعدك دنيا واخره ويوفقك
تقبل مروري .,
ودي لك .







.


__________________________________________________ __________
الله يجزاك خير أخوى
ويجعله في ميزان حسناتكــ..

__________________________________________________ __________
الف شكر اخوي في الله

__________________________________________________ __________
جزاك الله خيرا وجعله في ميزان حسناتك

__________________________________________________ __________


شكرا
صلو علي محمد
الزايدي