عنوان الموضوع : قصتي أكبر عذاب.روايه روعه لا تفوتكم – قصة خليجية
مقدم من طرف مدونة الشاملهلااااااااااااااااااااا والله وغلاااااااااااااااااااااااليوووم منزله لكم روااااايه رووووعه كاتبتها "الباروووونه" هي صديقتي وأختي وحبيبتي وكل شئ بالهدنيا …………
ان شاء الله كل أسبوع بنزل جزئين..قصــــــــــــــــتي أكبـــــــــــــر عــــــــــــــذااب…
في البدايه أحب ان اقول
(لكل من سيقرأ قصتي بعد رحيلي … اذكرني ببسمة الثغر اذا حزن النظر..)
ابطال القصه
عائلة بو منصور
حمده الام..انسانه طيبه وحنونه لابعد الحدود ومااحد يقدر يعصي لها امر زوجها متوفي من 3 سنين وعندها من الابناء
غزل ..عمرها 19 سنه ايه من الجمال طولها متوسط وشعرها اشقر يوصل لنص ظهرها وعيونها وساااع ومكحله لونهم بني كنهم مرسومين من جمالهم وعندها غمازات تحلي ابتسامتها يعني باختصار الكل يشهد بجمالها انسانه حساسه ورقيقه لابعد الحدود تحب تشوف اهلها مستانسين لو على حسابها وعليها حس يخبل مخطوبه لولد عمها حمد مغصوبين لبعض يعني زواج الاقارب خلصت ثانوي وقعدت بالبيت لان معدلها ماساعدها تدخل الجامعه بس اخذت دورات كمبيوتر وانقليزي…
منصور … عمره 28 سنه شاب عاقل ومؤدب حليوو الكل يحبه لاخلاقه العاليه ولطيبة قلبه وحنيته طموح واايد وعنده شركه خاصه فيه ..
………………………………………….. ………..
عائلة بو حمد
عوشه الام..انسانه كبيره في السن وطيبه وحنونه مغلوبه على امرها تحب الكل وعلى نياتها
مرزوق الاب..انسان له هيبه وشخصيه عكس حرمته كلمته لازم تمشي والكل يتنافض منه بس مع كذا طيب وحنون ومايظلم احد ويعرف الحق من الباطل عنده من الابناء
حمد …عمره 25 سنه خطيب غزل انسان متكبر ومغرور وخطبته من بنت عمه غصبا عنه زادت من عناده وتكبره يشتغل بالمطارطويل وعريض حييل لانه يلعب رياضه شعره نااعم وكثيير عيونه وساااع لونهم سوود مثل شعره له سكسوكه مزيدته حلا
عمر… عمره 22 سنه شاب صايع مهنته الدوران بالاسواق والبنات فاشل بدراسته عشان كذه ابوه شغله بالشركه عنده حلو يشبه حمد شوي بس هو ابيض ..
رهام …عمرها19 كانت تدرس مع غزل في الثانوي واللحين هي بالجامعه انسانه حبووبه جمالها متوسط بس جذاابه وروحها محليتها تموووت في منصور ولد عمها بس هو يعتبرها صغيرههذولي ابطال القصه والباقيين مو اساسيين بنشوفهم ان شالله بنص القصه …
الجــــــــــــــزء الاول…
اليوم هو زواج حمد وغزل والكل مستانس ومبسوط خاصة بو حمد لانه يحس انه ارتاح من مسؤليه كبيره كان شايلها بعد وفاة اخوه الله يرحمه
غزل راحت الكوفيره من الظهر وتحس انها اليوم متضاايقه حييل وكله سرحانه هي مو معارضه وااايد بس ماتتقبله كزوج كانت اربع وعشرين ساعه تصيح بس ماتبين قدام امها واخوها عشان ماتخرب فرحتهم راحت مع رهام بنت عمها الساعه 12 وخلصت ع الساعه 4 العصر طالعه ملكة جماااااال لدرجة رهام قامت تقرى عليها وتبخرها عن الحسد رهام بعد طالعه حلوه بس لانها ماتحب المكياج سوت لها الكوفيره مكياج خفيف ابرز جمالها لابسه فستان تركواز وهي بيضا طلع عليها يهبل
جاهم منصور يوديهم البيت عشان غزل تلبس ويرورحون الصاله ورهام طايره فرحه مين قدها بتشوف حبيب القب
المهم وصل منصور وركبت غزل ورهام ورى
منصور:الله ليش كل هذا كني سواق قاعد بروحي اش دعوه غزل نسينا اخونا؟
ضحكت غزل ع الخفيف لانها مالها خلق اما رهام كعادتها خبله
رهام:اجي اركب معاك؟
منصور طالعها من المرايه وكان يحب يغايضها قال:لا اخاف يجيني ارتجاج بالمخ من شطانتك خليني افرح باختي بالاول
رهام:مالت عليك وعلى اختك من زينكم اثنيناتكم اصلا يحصل لك رهام بنت مرزوق تركب يمك
منصور:افااا اش هالغرور بنت عمي ماهقيتك مغروره ولا انعديتي من اخوك
رهام:عااد اللحين يا دور غزل تدافع عن اخوي
التفتت رهام لغزل شافتها سرحااانه وفي عينها حزن الكل يعرف ان غزل وحمد مايبون بعض حاولوا يقنعون بو حمد بس ياجبل مايهزك ريح من يقدر يوقف بوجهه؟
وصلوا البيت ولبست غزل فستانها اللي جابه لها منصور من باريس هديه بحكم شغله اللي يتطلب انه يسافر بره
كانت طالعه فيه تخببل مكياج عيونها كان اسود غامق مبرز جمال عيونها ولونها يعني كلها كووم وعيونها كووم تسريحتها هاديه كانت ملفلفه شعرها وجايبته على قدام من جهه وحده ومثبته ع الطرف ورده حمرى طبيعيه وحركة الطرحه مع التسريحه كانت شي غريب الكوفيره ابدعت فيها وفستانها كان تصميم انقليزي بحيث ماله اكمام ويجي ضيق ويوسع من تحت وله ذيييل طوييل لونه ابيض نقي طالعه فيه كنها ملاك
بدت الزفه واللي كانت لعبدالله الرويشد (يابنفسج) نزلت غزل بهدوء ومشت من الجسر كانت تحس انها حزييينه ودها تصييح بس ماتقدر طبعا التفتت لامها وابتسمت لها تذكرت ابوها تمنت يكون ابوها معاها اللحين بالهحظه حتى لو كانت مجبوره على الزواج بس يكفي تشوف فرحة امها واخوها هذي تغنيها عن الدنيا ومافيها كانت تمشي بهدوء كنها ملاك بين هالحضور العرس كان زحمه بس القاعه تجنن وكبيييره حييل المهم وصلت غزل الكوشه وبدى التصفيق والرقص جاتها عمتها ورهام ومنال وسلموا عليها وباركوا لها وهي ارتاحت لهم وااايد لانها ماكانت معاهم مرره قبل الزواج فحست انهم اهلها الثانيين وجت امها باركت لها وهني عااد صاحت ماقدرتمسك نفسها بس تعليقات رهام خلتها ترجع تضحك من جديد .. وبعد مافضت الصاله وراحوا المعازيم مابقى غير اهل المعرس والعروس وشوية من اقاربهم دخل حمد ومعاه ابوه ومنصور اما عمر فمنعوه يدخل عشان ياخذون راحتهم حمد كان يمشي بهيبه ووقار كنه امير بالبشت الاسود وصل عند غزل اللي كانت منزله راسها من الحزن بس هم يفكرونه من الخجل باس راسها بسرعه ووقف جنبها لبسها الشبكه والدبله لانهم ماسوو ملكه بس كتب كتاب عقب مايلسوا….جات امه وقالت له
ام حمد: الف مبروك ياعيالي ان شالله افرح في اولادكم واولاد اولادكم قولوا امين
حمد: امين يمه الله يعطيك طولة العمر
ام حمد : عاااد حمد مااوصيك على حبيبتي دير بالك على غزل تراها غاليه علي واايد
حمد:افا يمه لاتوصين غزل بعيوني (طبعا بس عشان يرضي امه)
ام حمد:عفيه عليك ياوليدي..(والتفتت لغزل) وانتي يمه غزل اذا زعلك حمد او ضايقك بشي تعاليني على طول وانا اتصرف ويااه
غزل باحراج من عمتها:ان شالله عمتي
حمد كان مستغرب صوتها يهبببل مخملي ورقيق ماشالله تبارك الله ..!!
حمد يتعمد يحرجها :شنو ان شاالله من اولها هذي ؟
غزل حمر وجهها ونزلت راسها بالارض اما ام حمد ضربت حمد بالخفيف على كتفه وهو ضحك على ردت فعل غزل اللي بدون كذب اعجبته وااايد بس مومعناته يحبها لا والف لا
طلعوا المعاريس وراحوا لبيتهم اللي كان هدية بوحمد لولده وكان عباره عن فله حلوه حجمها مناسب لعائله بسيطه وكان اثاثها راقي واايد
غزل اول مادشت الفله عجبها التصميم والالوان واايد خاصة قسمها كان لونه عنابي على بيج وكان اثاثه واايد حلو دعت لرهام ومنال بخاطرها لانها تدري انه هم اللي تكفلوا بكل شي المهم يوم وصلوا لغرفتهم حست غزل بالخوف خلاص جت اللحظه الحاسمه اللي بتكون فيها حرمة حمد وحليلته خافت ورجف قلبها وبان على وجهها الخوف واللي خلى حمد يقول باستهزاء
حمد:لهدرجه خايفه مني؟
غزل نزلت راسها للارض ومانطقت بشي فتح باب الغرفه وخلاها تدخل قبله دخلت وهي مرتبكه واايد قعدت على السرير لانه كان قريب منها
حمد يبي يحرجها شوي :اووه شكلك مستعجله واايد صبر يابنت الناس خلنا ناخذ نفس عالاقل
عاااااااااااد غزل ذيك الساعه كانت بتموت ياربي شهالانسان ماعنده قلب وبدون شعور دمعت عيونها ونزلتها بحضنها هني حس حمد انه ماله داعي وانه زودها فقرب منها ويلس مقابلها على الكنب وقال بنبره حنونه:اسف موقصدي كنت ابي الهيك عن الخوف
غزل بهمس:ماصار شي
قرب حمد منها اكثر وهي خافت واايد بس المفاجأه كانت يوم قال
حمد:غزل أنا ادري انج ماتبيني وانج مغصوبه علي انا ماابي اقص عليج انا لعد مجبور على هالزواج فحياتنا بتصير صعبه وااايد وصعب نفهم بعض عشان جذي بس يمر على زواجنا سنه راح اطلقج بس عشان حجي الناس اللي مايخلص لازم نصبر سنه …
انصدمت غزل مايبيني يبي يطلقني !!!!! ليه ؟؟ انا صحيح مو راضيه بهالزواج بس مو معناته اني ابي الطلاق انا كنت ابي نعيش بهدوء واحترام حتى لو كان عنصر الحب مو موجود بحياتنا بس حمد مايبيني مجبور علي ويبي يطلقني ليه ياربي ليه هذا من اول يوم يصير جذي الله يعينج ياغزل شكل حياتج بتصير جحيم لايطاق!!!
حمد يغير الموضوع لانه حس بتغير غزل : تعشيتي؟
غزل بعدها مصدومه هزت راسها بلا وهمست: مااشتهي
حمد:انزين غزل انا بروح انام توصين شي؟
غزل هزت راسها انه لا وهي تحس انها مخنووووووقه وتبي تصيييييح
طلع حمد ينام وتمت غزل بافكارها راحت سبحت وحطت راسها على المخده وبدت دموعها تنزل وتلتها نهر من الدموع صارت تشهق من البجي تحاول تكتم صوتها بس تحس انها مخنووقه بتمووتاليوم الثاني قامت غزل على اشعة الشمس الدافئه قامت وهي مستغربه المكان بعدين تذكرت انه هذا بيتها اقصد سجنها المؤبد اللي تنتظر بعده الاعدام حست بحززن بس حاولت تنسى
غسلت وجهها ولبست تنوره سوده كلوش معاها حزام اسود وبلوزه خضره عليها كتابات ذهبيه وحطت غلوس خفيف وكحل لانها مايحتاج تحط شي اهي تهبل من ربي نزلت شعرها على كتوفها وطلعت تشوف حمد صحى ولا بعده؟
نزلت تحت شافته قاعد بالصاله يقرى جريدة اليوم ويشرب شاي استغربت من متى حمد يدخل المطبخ؟ اللي اعرفه من رهام انه مايصلح للمطبخ مو ليه طنشت
غزل بضيق بس مالاحظ حمد: صباح الخير( أي خير ياغزل وانتي من اول يوم يصير فيج جذي)
حمد يرد لها بابتسامه:صباح النور يالكسوله
ابتسمت غزل من ورى قلبها هي وعدت نفسها انها ماتبين له شي وانها تحاول تبعد عنه في هالسنه..
حمد: جهزي شناطج غزل بنسافر باجر
غزل :نسافر!! وين نروح؟
حمد بمكر:مفاجااه
غزل بضيقه :بس انا ماابي اسافر
حمد باستغراب حط الكوب ورمى الجريده :ماتبين تسافرين؟!! ليه؟ خير ان شالله ؟
غزل والدموع بعينها :بس جذي ماابي اترك امي ومنصور والكويت انا بتم هني سافر بروحك اذا تبي
حمد حس انه بدى يعصب :غزل بلا حركات اليهال وقومي جهزي اغراضك
غزل:قلتلك ماابي غصب هو؟؟ بعدين انت منو عشان تامرني؟
عاد هني من جد عصب حمد لدرجة صرخ عليها:غـــــــــــــــزل
ارتجفت غزل خافت منه نزلت راسها بالارض ودموعها مليه عينها تنهد حمد بضيق وراح جلس قريب منها رفع راسها برقه وبنبره حنونه قال
حمد:ماتبين تروحين معاي؟
غزل:لا بس انا مااحب السفر عمري ماسافرت
حمد:بس انا بعودك عليه لاتخافين من شي وانتي معاي
رفعت غزل عيونها وطاحت بعين حمد نزلت عينها لانها ماتبي يلاحظ عليها شي
وخرت ايده وقالت:انزين انا بسافر بس بشرط
حمد وكنه يكلم ياهل:شنو؟
غزل :مانطول ولا نروح بعيد
حمد:انزين بنروح لندن ونقعد شهر حلو جذي؟
غزل :شهر!! حرام عليك تبي تذبحني
حمد يبي يحرجه عشان تسكت الى يقول:اذبح روحي قبل لااذبحك في احد يذبح عمره؟>>>>> ردود الأعضـــــــــــــــــــاء على الموضوع <<<<<
==================================
غزل وردت خدودها وقامت بسرعه راحت غرفتها وقفلت الباب وسندت راسها عليه هذا مينون شقاعد يقول؟ ياربي اذا بيتم جذي بيينني معاه
راحت غزل وجهزت شنطتها وحطت فيها اغراض تكفي لشهر شتسوي لازم تسمع له عشان لايحرجها وهي ترتب اغراضها تذكرت موبايلها راحت فتحته ولقت 5 مسجات من رهام وامها و2 من منصور يبارك لها ويتطمن عليها ابتسمت من خاطرها فديتك اخوي الله لايحرمني منك يارب ..من يوم مات ابو غزل صار منصور هو المسؤل عن البيت صار لغزل الاب والاخ والام وكل شي ولان غزل ماكملت دراستها طبيعي انها مابتكون عندها صديقات فمنصور كان لها كل شي بحياتها وكان هو الوحيد اللي تامن اسرارها له …
المهم خلصت كل شي وحست انها جوعانه لانها امس ماتعشت راحت المطبخ وسوت لها بريد بالجبن مع كوب حليب وجبتها المفضله خلصت اكل وراحت تدور حمد مالقته قالت يمكن طلع مكان حست انها متملله ياربي لو عندي صديقات جان اللحين ادق عليهم ونطلع رباعه انزين ادق على رهام ؟ لالا شنو بتقول ثاني يوم بزواجها تدق علي تقول طفشانه لالا ماتصير هذي اوووووف انزين ياربي شسوي بطق ..
على هالافكار دخل حمد البيت شاف غزلان قاعده بالصاله والتلفزيون مشغل وهي مو معاه ابد
حمد:غزل
انتفضت غزل :بسم الله الرحمن الرحيم
حمد رافع حاجب :شنو شايفتني يني جدامج؟
غزل باحراج: موقصدي بس كنت أفكر
حمد يغمز لها:فيني؟
حمر وجه غزل:لا في اهلي
وقامت طلعت فوق غرفتها هذا لمتى بيتم جذي؟ ياربي يقهرني يتعمد يحرجني مايصير كل ماقالي شي يصيروجهي طماطه لازم اتقبل مزحه ولو انه ثقييل ياشين المتكبرين لاجو يتواضعون هههه انا شقاعده اقول هذا اللحين ريلي عيب علي اوووف وانا غبيه شنو ريلي انا بعد حمد خلاص مايبيج إلا تبين تلزقين روحج فيه …
………………………………………….. …………………………………..بيت بومنصور—الساعه 4 العصر
منصور قاعد يطالع برنامج عطفا على السؤال يموووت بالهبرنامج كان متفاعل مع الحلق واايد ولا يدق التلفون ويقطع حبل تفكيره
منصور:اووووف منو هذا اللي داق هالحزه طيب طيب شهالازعاج
:الو
صوت انوثي يرد عليه :الو السلام عليكم
منصور:وعليكم السلام خير الشيخه مين بغيتي ؟
….: انا ..انا
منصور : خير اختي بغيتي بيت منو؟!!!!!!!
….: انا رهــــــام بنت عمك د
منصور وكنه حد صاب عليه ماي بارد :رهـــــــــــــــــــــــــــــــــــــــــام!!!! !!!!!!!!
رهام: ايه نعم منصور انا رهام
منصور بارتباك مايدري ليه:هلا رهام شلونج؟
رهام:بخير الله يسلمك انت شلونك؟ شلون الوالده ؟
منصور:بخير الحمدلله بغيتي شي؟
رهام وحاز بخاطرها اسلوبه الجاف:أي نعم بغيتك منصور
منصور يحس انه بحلم:أنا!! بغيتيني أنا!!
رهام: منصور ارجوك تسمعني يمكن انا غلط يوم دقيت عليك بس انا مليت واللله مليت من ساعه قاعده افكر ليش انا الوحيده اللي حظي نحس؟ كلهم حبوا وتزوجوا إلا انا انطر حضرتك ليما يحن علي (بدى صوتها يهتز على انها تصيح ) منصور انا ماغلط والله انا احبك وفي النهايه انا بنت وهالشي يضرني (هني عااد بدت تصيح بصوت عاالي ) ابيك والله ابيك توه ابوي مكلمني عن واحد متقدم لي وانا مابي احد إلا انت انت وبس
منصور طول الوقت كان ساكت يعز عليه رهام تصيح خاصة انها كانت غاليه عنده وايد وانه يحس انه يميل لها بس بعدها صغيره كان يسمعها وهي تصيح وقلبه يتقطع عليها
منصور بنبرة حنان: تصيحين رهام؟ وعشان منو؟ عشاني انا؟
رهام بصوت يقطع القلب:ليش انت منو بحياتي انت هواي ونبضي وكل شي انا ..انا ….انا مااقدر اعيش من دونك(قالتها بهمس لدرجه شكت انه سمعها)
منصور حس بحزن شديد على بنت عمه يدري انها تموت فيه بس هو مو قادر يحبها يحسها مثل غزل اخته انا لازم مااخليها تتعلق فيني لازم احاول ابعدها عني حرام اللي تسويه بروحها
منصور: رهام يابنت عمي اطلبك طلب؟
رهام: عيوني لك
منصور: شيليني من بالك ولاتفكرين فيني يابنت عمي انا اعتبرك اختي الثانيه وعلى فكره انا احب زميله لي بالعمل وافكر اتزوجها فلا تربطين نفسك بواحد قلبه على غيرك مع السلامه
وسكر الخط بوجها حتى ماانتظر ردها خلاص رهام لازم تعرف اني اعتبرها مثل اختي صحيح اني اكذب عليها بسالفة زميلة العمل بس لازم اتخذ خطوه حتى لو كنت اكذب بس اهم شي مااعلقها فيني لالا مستحيل اعلقها فيني بس حرام من وين لك قساوة القلب يامنصور من متى وانت تصد الناس وتعاملهم بجفاف؟؟ بس رهام غير رهام اذا ماعاملتها جذي بتم طول عمرها تعلق املها فيني لالا اللي سويته صح ماعلي من احد اهم شي انها تنساني واكيد راح تنساني
وتدخل عليه امه وهي تناديه
ام منصور: منصور يمه قوم روح المسيد الصلاه بتقوم
منصور: حاضر يالغاليه هاذا انا بروح تامرين بشي
ام منصور: سلامتك ياقليبي الله يوفقك ياااررب
منصور: امين …..وباس راس امه وراح المسيدعشان يلحق الصلاه ….__________________________________________________ __________
اليـــــــــــــوم الثــــــــــانيقامت غزل من النوم وتحس نفسها كسلااااااااانه وااااايد ليش انها بتسافر اليوم ومالها خلق راحت الحمام وتغسلت بدلت ملابسها ونزلت الصاله تشوف حمد دخلت الصاله مالقته استغربت سمعت صوت بغرفة الكمبيوتر راحت لها وفتحت الباب لقت حمد قاعد عند الكمبيوتر ولابس نظاره وقاعد يكتب ويقرى وهو مقظب حاجبه جنه متضايق من شي قربت منه
غزل: صباح الخير حمد
حمد من دون مقدمات وقف بعصبيه وهو يصارخ: انتي شلون تدخلين المكتبه دون ماتستاذنين شنو شايفه سبيل حق اللي يسوى واللي مايسوى؟ طلعي بره يالله طلعي بره
غزل… اقصد بقايا غزل كانت واقفه والدموع بعينها كانت تحس بتعب اول ماقامت واللحين يجي حمد يزيدها تراجعت لورى ليما لصقت بالباب طلعت وسكرت الباب وراها وهي مصدومه اش حقه يصارخ علي؟ اش سويت له؟يكفي اني متحملته على الكلام اللي قالي اياه اول يوم
انهارت عند باب الغرفه تصييح ياربي اذا هذا اولها ماينعرف
تاليها تمت تصيييح يمكن ربع ساعه عند الباب وهو مافكر حتى يطلع يشوفها قامت راحت الصاله انسدحت على الكنبه وهي تشهق من الصيااح فجأه تحس باحد يمسكها من كتوفها ويقعدها على الكنبه التفتت الى تشوف حمد قاعد حذالها على الكنبه وموطي راسه وكنه حاله عليه مصيبه ولان بطبيعة غزل حساسه وناعمه ولاتحب تشوف احد متضايق حتى لو عدوها يحز بخاطرها
حطت ايدها على فخذه برقه وهمست باسمه :حمد
رفع راسه وطاحت عيونه بعيونها للحظه توقف كل شي غزل تحس نفسها في موجه من الافكار ياربي هالانسان يهبل عيونه تسحر كل شي فيه يجذبني ……………..وحمد كان سرحان بهالملاك اللي بين يده يتأملها جنه اول مره يشوفها قعد يسبح الله في خاطره على جمالها ياربي اشقد انا محظوظ عندي ملاك تسوى الدنيا ومافيها فـــــــــــجـــــــــأه ….
وقف حمد ونزلت غزل راسها حسوا انهم ميانين يالسين يطالعون بعض كنهم بهايم
حمد: زهبي روحج نطلع المطار الساعه 3
غزل: ان شالله… ووقفت… تامرني بشي؟
حمد : سلامتج
طلعت غزل ودخلت حجرتها اخذت شاور سريع وبدلت ملابسها ونزلت تحت تتريا حمد عشان يطلعون المطار كانت خايفه لانها اول مره تركب طياره اهلها كلهم سافروا فيها إلا هي لانها تكون صغيره ومايخذونها معاهم بس بعد كانت تبي تعرف ويت رايحين عندها فضول في نفس الوقت
تذكرت امها آآآآآآآه فديتج يالغاليه من زمان عنج خن ادق عليهم راحت عند تلفون البيت وضغطت رقم بيتهم دق كم مره وردت امها وهي تنافخ من التعب
غزل : السلام عليكم الغاليه شلونج؟
ام منصور: منو؟!! غزل ؟!! فديتج يمه فديت منطوقك وينج ماتنشافين لهدرجه الزواج حلو ؟
غزل (الله يايمه لو تدرين بحالي جان ماقلتي جذي) :هههه شدعوه الغاليه انشغلت تعرفين بيت يديد وسفر
ام منصور: سفر!!!!! بتسافرين يمه (وبدى صوتها يهتز) ليش جذي ليه تسافرين خليج يمه انا مااقدر اعيش بالكويت من دونج
غزل بضيق: يمه انا بخير كلها جم اسبوع وراده بعديت معاي حمد لاتخافين
ام منصور: إلا صح يمه نسيت نساج الموت شلونه ريلج وياج؟
غزل: الحمدلله يارب شلون منصور ان شالله بخير
ام منصور :الحمدلله مايشكي باس ديري بالج على نفسج يمه وهالله هالله بالسنع سمعي كلام ريلج ولا تعصين له امر واللي يسلمج يابنيتي خليج مطيعه ريلج يحبج !!
غزل : ان شالله يمه توصين شي؟
ام منصور: سلامت قلبج الغاليه فمان الله سلمي ع ريلج
غزل: يوصل يمه انتي سلمي ع منصور فديته
ام منصور: يوصل ان شالله مع السلامه
سكرت غزل عن امها وراحت المطبخ سوت لها كوب شاي ويلست تشربه تمت تفكر اش فيه اليوم حمد موطبيعي كلش اكيد في شي من الشغل ولا من البيت؟!! ياربي وانا شكو صج ملقووفه على هالحال دخل حمد بيته شاف غزل قاعده في المطبخ وتحرك الشغاب ع الكوب بسرحان انكسر خاطره اكيد زعلت مني اليوم بس والله هالشغل ذابحني مينني دخل عندها وسحب الكرسي اللي مقابلها وقعد عليه … غزل انتبهت له بس ماحبت تبين ع اساس انها زعلانه يالله وش وراي خليني اشوفه اش بيسوي لازعلت بس كلللش الزعل مو لابق عليها
حمد: جاهزه غزل؟
غزل من طرف خشمها:ايه
حمد:عيل جهزي لي الاكل وبعدها نحرك
غزل:انزين
وقامت تجهز له الاكل وحمد قاعد يناظرها مستغرب اول مره تزعل اراضيها ولالا؟ بس حرام انا غلط لالا شنو غلط هي خلها تترك القافه بالاول ايه انا ماغلط وانت من متى تغلط ياحمد انت كفو تحمد ربها فيك…
يات غزل وحطت الاكل قدامه وراحت بتطلع من المطبخ إلا يفاجأها بقوله
حمد:ترى مابنسافر!!
غزل التفتت له:شنو؟!!1
حمد:اقول لو مابطلتي حركات اليهال مابنسافر ترى
غزل ماادري من وين يتني الجرأه وقلتله: احسن اصلا انا ماابي اسافر وياك وع
حمد رمى الملعقه من ايده بعصبيه ووقف بوجهها:شنو قلتي؟
غزل بخوف وارتباك: م…مــ..ا.ماقلت شي
حمد بصراخ: اقولج عيدي اللي قلتيه
غزل والدموع بعينها :اسفه مو قصدي زلت لسان
تنهد حمد وطنشها راح عند الطاوله يكمل اكل لكن بس وقف عندها التفت لغزل فجأه وبصراخ: سديتي نفسي الله يسد نفسج
وتركها وراح طلع غرفته وغزل واقفه بنص المطبخ مستغربه منه اش فيه هذا؟ مينون؟ اشك صراحه احسسن اصلا موضوع السفره كله مو داش راسي طلعت فوق بغرفتها غيرت ملابسها وانسدحت ع بالها هون عالسفر بس سمعت دق عالباب عرفت انه حمد راحت فتحتله الباب
غزل:نعم؟
حمد بطرف خشمه: تجهزي ماباقي شي ع الرحله
غزل رفعت حاجب: توك تقول مومسافر اش غير رايك؟
حمد يناظرها من فوق لتحت بكبرياء: انا لما اقول كلمه مومتعود احد يردها فاهمه؟
ناظرته غزل باستغراب وبعدين هزت راسها ودخلت لبست وتعدلت عالخفيف وطلعت
من عادة غزل ماتتغطى بس تتحجب
………………………………………….. …………………………__________________________________________________ __________
فــــــي المــــــطار
حمد وغزل ومنصور رايحين صوب الطياره بعد مانادوا على اسمائهم سلموا على منصور وراحوا وغزل تحس انها ميته خوف وهالدلخ اللي حذالها ماتكرم ينطق بكلمه من يوم ركبنا الطياره كانت تحس انها بتموت قعدوا باماكنهم اهي جنب الشباك وحمد حذالها المهم اعلن الكابتن عن اقلاع الطائره وبدى خوف غزل يزيد حست انها تبي تصييح بس لاالمكان ولاالوقت يسمح بس اقلعت الطائره وبحركه لااراديه تمسك ايد حمد وترص عليها وتغمض عيونها بقووه جنها متروعه من شي قدامها هني حمد تفاجأ معقوله غزل تخاف من الطياره!!!!! وليش استغرب اهي عمرها ماسافرت مكان ابتسم لها يطمنها وبدوره رص على ايدها يوم هدت الطائره بالجو فتحت عيونها بخوف بس حست براحه يوم هدت حركة الطائره التفتت لحمد شافته يناظرها باستهزاء
حمد حب يحرجها: شنو بتمين ماسكه ايدي طول الوقت ؟!!
هني غزل راحت فيها حمر وجها وبعدت ايدها عنه بسرعه وقالت بهمس: اسفه
ابتسم حمد باستهزاء يالله ياعزل صج انج ياهل الله يعيني عليج….بيـــت بوحمــد … الساعه 5 المغرب
رهام بغرفتها حابسه نفسها من ذاك اليوم مو راضيه تاكل اوتطلع مكان تحس انها مخنووقه شلون منصور طلع يحب غيري؟؟ وانا ..انا اللي مستعده ابيع الدنيا عشانه شلون يسوي فيني جذي ؟ وليش؟؟ …….نزلت دموعها على هالافكار وهذا هو حالها من قالها منصور انه مايبيها
شوي إلا تسمع دق على الباب ….
رهام: منو؟!!
ام حمد : فتحي رهام يايبه وياي اكل حقج
رهام: ومن قالكم اني ابي اكل؟ هدوني بروحي مالكم خص فيني (وبدت تصيح بصوت عالي)
ام حمد : اش فيج يمه ؟ اش صاير؟ طمنيني من يوم زواج اخوج وانتي هذا حالج ؟؟ حد قالج شي زعلانه من شي؟
رهام وهي تصارخ : قلتلج ماابي شي مابيكم هدوني بروحي خلاااااااصراحت ام حمد المطبخ ترجع الاكل وقلبها يتقطع على بنتها اللي ماتدري اش بلاها؟ وهذا هي حالتها كل يوم جذي الكل حاول يعرف اش فيها بس هي موراضيه تفتح لاحد مجال يتكلم معاها
حطت ام حمد الاكل بالمطبخ وقعدت بالصاله مع ابو حمد
ام حمد: ماادري اش فيها هالبنت كله قافله على روحها الباب وماتفتح لاحد لااكل ولاشرب حتى القعده ماقامنا نشوفها مثل اول خانت حيلي مادري اش فيها؟؟
ابوحمد اللي مدلع بناته ويموووووت فيهم : خليها على راحتها لاتضايقينها انا بطلع اشوفها
راح غرفة رهام اللي هي اقرب وحده لقلبه من عياله دق الباب مره ثنتين ماكو رد الظاهر انها نايمه اييها وقت ثاني …….
من جهة ثانيه رهام مقطعه عمرها صياااااااح ودها تعرف مين هذي اللي اخذت منصور مني منو اهي ؟؟ والله لاذبحها والله مااخليهم بتهنون هين يامنصور …..اتمنى تعجبكم الروااااااااايه ولا تحرمووووني من ردودكم..
والجزء الثاني نزله يوم السبت ان شاااااااااااااء الله ..
__________________________________________________ __________
القصة رائعة ويعطيك العافية يالغالية علي المجهود بس لا تطولي علينا الله يخليك__________________________________________________ __________
تسلميييييييييييييييييين ياقلبي
اتمنى انها صدق أعجبتكولا يهمك ان شاااااء الله بنزلها يووم الخمييس لعيووونك..
تحيااااااااااااااااااااااااتي لك..
في بــــــــــــــــــــيـــــــــت بو حمـــــد
عمر كان متردد يفتح هالموضوع مع ابوه كانوا قاعدين يتغدون كلهم لما قال عمر…..
عمر: يبه
بوحمد: نعم
عمر: يبه… انــ….ا انا ….انا ابي اشتغل
الكل توجهت انظاره لعمر مستغربين شلون يبي يشتغل ويطلع من شركة ابوه العوده
بوحمد رمى الملعقه ورفع راسه يناظر ولده: تشتغل!!!!!! ينيت انت والشركه
عمر: يبه انا بشتغل مع منصور ولد عمي ضاري
بس قال عمر منصور.. رفعت رهام راسها تطالع اخوها ؟!! يبي يشتغل عند منصور؟؟!!
!! يالله شهالحظ هذي فرصتك يارهاام فديتك عموور انا مستعده اساعدك اول مره تحس انها مستانسه بعد ذاك اليوم المشؤؤم بالنسبه لها ..بس اصلا هي قررت تنساه اهلها استغربوا في البدايه شلون طلعت من غرفتها ورجعت مثل ماكانت بس بعدين استانسوا لراحتها…
بوحمد: انت شقاعد تقول؟ تبي تطلع من شركة ابوك وتروح شركه ثانيه؟!!! وين نسمعها هذي؟!! يامينون انت صاحب الحلال انت يدي اليمين اذا طلعت منو بيمسكالشركه من بعد عيني؟
رهام متحمسه للموضوع: بعد عمر طويل يبه .. بس اش فيها اذا عمر حب يتوظف مع ولد عمه ويساعده ؟!! بالعكس راح تقوى العلاقه بيننا ويمكن في المستقبل ترتبط شركتك مع شركة منصور وتصيرون من اقوى الاسماء بالسوق..
استانس عمر انه في حد معااه والكل انظاره متوجهه صوب بوحمد ينتظرون الحكم هل موافق ولا لا؟!!
بوحمد: يصير خير
عمر: بس انا رحت اليوم عند منصور وكلمته وقالي شوف راي الوالد بالاول
بوحمد باستهزاء: ماشاالله مجهز لكل شي اشوف
عمر: مو قصدي يبه بس شفت نفسي قريب منه قلت خليني اكلمه بالمره
بوحمد: اسمعني وانا ابوك أي كان القرار اللي بتخذه ابيك تراعي حلالك وحلال خواتك انا مودايم لكم ياولدي وابي اضمن لكم مستقبل آمن..
عمر قام وحب راس ابوه: بعد عمر طويل الغالي ..
………………………………………….. ………………………………………….. …………في افخم قصور حي الجهراء يسكن خليفه اهم رجال الاعمال في الدوله والمنافس الكبير لشركة منصور القبيسي عمره 30 سنه ارمل وعنده بنت عمرها 5سنين يموت فيها وهي الوحيده اللي بقت له من مرته الاولى انسان غامض انطوائي ابتسامته تخفي وراها حزن عظيييم مااحد قدر يفهم اش فيه حتى امه الوحيده ماقدرت تفهمه طويل وعريض بشرته حنطيه وشعره اشقراني شوي وعيونه عسلي كبااار يلعب رياضه حمل الاثقال وهذا اللي مخلي له عضلاات بارزه واايد ومعطيته قوه وهيبه…
كان قاعد في حديقة قصره يشرب كوفي وماسك الجريده بايده يتصفحها .. طلعت له الخدامه تعطي رغد بنته..
خليفه: فديتها رغودي الحلوه … تريقت؟
رولا: أي نعم استاز
خليفه: انزين روحي لبسيها بوديها بيت ماما كبير
رولا: بتامر امر استاز
راحت رولا ولبست رغد وكشختها وودتها لابوها اللي كان دايما ياخذها بيت امه اذا جا بيروح الشغل …..
وصل البيت نزل يسلم على امه دق الباب ويت الخدامه فتحت له…
خليفه: وين ماما؟
سيتي: ماما فوق في صلي
راح خليفه لغرفة امه دق الباب وسمع صوتها الحنون :تفضل
خليفه: هلا بالغاليه هلا(ويحب راس امه)
ام خليفه: ياهلا بولدي حشاشة يوفي فديتك ابويه وينك من زماان عنك؟
خليفه: اعذريني الشيخه تعرفين اشغاال انتي شلونج ان شاالله بخير؟
ام خليفه: بخير يوم اني اشوف ويهك ياوليدي
خليفه: يعلي ماانحرم منج تامريني شي امي انا رايح الشركه
ام خليفه: سلامتك الغالي في حفظ الله ..
ام خليفه… انسانه طيبه وحنووونه قلبهاااا كبيييييير ووجها يوحي لك بالراحه والطمانينه تتمنى تشوف خليفه معرس بس هو راسه يابس مايبي ياخذ وحده بعد عبير زوجته الله يرحمها…
………………………………………….. ..لــــــــــــندن..
غزل قاعده مع حمد بالصاله يطالعون فيلم على mbc 2 فيلم اكشن وغزل واايد متحمسه معااه اما حمد كان يفكر بغزل يحس انها بدت تاخذ حيز من تفكيره .. لالا شتقول انت مينون؟؟ انت تحب غزل؟ هذي ياهل توها بزره … قطع افكاره صوت باب الشقه…
غزل: منو ياي بهالوقت؟
حمد: مادري خن اروح اشوف
راح حمد بطل الباب شاف الفلبيني راعي الاستقبال وفي ايده بوكيه ورد عوود لونه احمر طبيعي
الفلبيني: بابا حمد هدا ورد مال انته سوى مدام في يجي قبل شهر قول اعطي بعد تلات يوم حق انته
حمد متفاجأ: حقي انا؟!!! من منو؟؟
الفلبيني: مافي معلوم بابا
حمد : انزين انزين هاته ……………أخذه من عند الفلبيني وسكر الباب شاف بطاقه معلقه بالطرف قراها واستانس وااااااااايد قال خن اروح اوريه غزل ..
..
دش الصاله وفي ايده البوكيه
غزل: منو عند البـــ….. واسكتت لسانها مو قادر يتكلم متفاجأه
ضحك حمدعلى ردة فعلها ومد لها البطاقه: هاج شوفي اش مكتوب
غزل تاخذ البطاقه باندهاش وتقرى بصوت عالي: (الف مبروك يااحلى معاريس الله يوفقكم ويرزقكم بالذريه الصالحه- ابوكم:مرزوق عيضه القبيسي-
صرخت غزل: واااااي عمي فديتك يعلي ماانحرم منك (ودمعت عيونها)
حمد متفاجا: تصيحين اش حقه؟
غزل بتأثر: مستانسه حمد ياربي لاتحرمني منه يارب
حمد:اميييين يارب الصراحه ماكنت متوقع ابدا
غزل ترد تطالع البوكيه: ولاانا الله يخليك لنا عمي
فجأه قرب حمد من غزل مسكها من كتوفها وخلاها تقابله وبنبره حنوووونه وهاديه قال
حمد بهمس: مستانسه؟
غزل متفاجأه من الموقف اول مره يمسكها جذي باحراااج ردت: وااايد عمي قلبه كبير الله يخليه لنا
حمد بابتسامه تذبح: لاأقصد مستانسه معاي؟
فتحت غزل عيونها ماكانت تتوقع يقول لها جذي نزلت راسهابالارض من الخجل
قرب حمد ويهه منها واايد لدرجة اربكتها
حمد بصوت واطي: غزل رفعي راسج طالعيني
رفعت غزل عيونها وطاحت عينها بعينه لاول مره تحس بمشاعر غريبه تجتاحها تحس بالامان والحنان وهي بين ايده
اما حمد خلااااص حس انها بدت تغزو قلبه وفكره مايدري يحس باحاسيس غريبه نفس غزل
تموا دقايق على هالحال عيونهم تتكلم عن اللي في قلوبهم
وبحركه مفاجاه قرب حمد من غزل اكثر وحضنها …………………………….أغراب في رحلة ليالي العمر ..أغراب في دنيا العيون السمر ..أغراب والفرحة حوالينا
أغراب والدمعة في عنينا …ماشيين في سكة الآحباب …ماشيين وف كل خطوة عذاب