حنين آلـــــــــــروح قصة حقيقية

عنوان الموضوع : حنين آلـــــــــــروح قصة حقيقية
مقدم من طرف مدونة الشامل

السلام عليكم ورحمة الله وبركاته

هذي القصة للكاتبة : اللج الروحي

================

البداية:
نور كانت يالسه لحالها بغرفتها و تطالع صورة فهد تذكرت الكلام اللي

قاله لها قبل لا يموت:نور..تزوجي يا نور…الذكرى ما راح تزيدج الا

هموم…نور ان كنتي صج تحبيني تزوجي يانور…و ان كنتي تبين

رضاي بالاخره تزوجي و عيشي حياتج…انتي بنت…و البنت بحاجه للي
يسندها يا نور…

نزلت دمعه من عين نور على حظها العاثر في هالدنيا…

سمعت نور صوت ابوها:نوووور

مسحت نور دمعتها و حطت صورة فهد بالكبت و فتحت باب الغرفه و نزلت:سم يبه…

ابواحمد:بسم الله بدنج انتي و اخوج…

نور عمرها24سنة…وهي وايد حلوه و جميله…خطيبها فهد ولد عمها مات بيوم الملكة…ونور لين الحين مو مصدقه ان حبيبها فهد الغالي مات…

فهد كان عمره25لما خطبها…و كانوا وايد يحبون بعض…لكن بواحمد ما وافق من البداية لانه كان بمشاكل مع اخوه…بعد اقناع من فهد و اخوه خالد وافق…وصار له من مات5سنين..

اخوها احمد…شاب بعز شبابه…مريض بس ما يعرفون بالضبط شنو مرضه…20سنة..بس وسيم مره و رغم تعبه الا انه مرح جداً:

ام نور مطلقه من17سنه يوم كان عمر نور7سنين و عمر احمد3 سنين..وهي وايد طيبه و

حنونة..عندها بنت وحده من ريلها الثاني و اسمها اللولو و عمرها16سنة…اللولو و ابوها وايد

طيبين…و اللي محزنهم هو حالة ام نور لما تذكر عيالها اللي ما شافتهم من17سنه… بسبب ابوهم

المتسلط…وهي ماتدري عنهم بأي شي لان ابوهم غير عنوان البيت…
نور تشتغل بالبنك براتب عالي…و تصرف على احمد اخوها اللي تييه فترات ما يحس باللي يصير حوله…كل ما ودته المستشفى يقولون ما فيه شي…

بواحمد:نووور…شلي هالخبل عني..لا بركتن فييج لا انتي ولا اخووج.. من اشوفكم ما اشوف الا

الغم و الهم حسبي الله عليج انتي وياه…يا علكم السم اللي يهري بدنكم…بره البيت انتي

وياه…شلي كل اغراضج و اغراض هالتيس اخووج و طلعي وياه دبروا لكم مكان ثاني تعيشون فيه يا عيال العقربه…

احمد كان يتألم مكانه و يتلوى من الالم…نور نزلت دموعها ورا بعض..

نور:اصبر يا احمد…الصبر وايد حلو يا خوي…

ركبت نور الدري و راحت لدارها و رتبت اغراضها و الاغراض اللي عطاها اياها فهد…ما بقى شي

بالغرفه ما شالته نور وياها..بعدها طلعت من غرفتها و راحت غرفة احمد و حطت اغراضه له و رتبت

كل شي.. دخلت غرفة ابوها بشويش و خذت جوازها هي و احمد و اوراقهم

الثبوتيه و طلعت من الغرفة…

نادت الخدامة و شالت وياها الاغراض…نادت السايق و شال احمد لسيارتها..

بيت عمهم كان لاصق فبيتهم(ابوفهد(:

انتبه لها خالد اخو فهد:نور…

نور بدون نفس:خير…

خالد استغرب:وين رايحين؟

نور بقهر:شنو يخصكم بعيااااال العقربه؟

خالد:نور شهالكلام؟؟؟من متى و حنا انقول لج هالكلمة…

نور ركبت السيارة:باي…سلم لي على ساره و مها…

خالد حزن على حال بنت عمه و حبيبته الازليه…انتبه لاحمد اللي كان بالسيارة وياها و تعبان…تنهد بحزن:

فالطريق:
احمد:نور..وين بنروح؟؟!!

نور:بروح اسحب فلوس من البنك و نستأجر لنا شقه…

احمد دمعت عينه:ياليتني اقدر اساعدج يا نور…

نور طالعته بحزن:احمد حبيبي انتا تقدر…و انا اقدر…و كلنا نقدر..لا تقووول انك ما تقدر…حرام عليييك..

نزلت نور البنك و خذت 400دينار…خذت إجازه مدت شهر…

نزلوا الشقه اللي استأجرتها نور:

نزل احمد بتعب:…..نور…انا ميت يوع…

نور بحنان:ان شاءالله…بس بوصلك الشقه و بروح المطعم اييب غدا..

دخل احمد وياها و ودته غرفته و نام على ما يوصل الغدا…

نزلت نور و ركبت سيارتها و راحت المطعم…طول الطريق وهي خاطرها تتلاقا ويا امها…بس

المشكله ما يعرفون وين هي ساكنه…
بالشقه عند احمد:
بغرفته:
احمد:آآآآآآآه…نووووووور…بمووووت..آآآآه يااااااااااا نور..آآآآآه…

قام احمد من مكانه و الالم يعتصره و هو يسمع صوت امه تناديه…يتذكر صوتها(حمودي حبيبي—

حبيب ماما)الكلمة اللي ما نساها احمد من امه…وصل لباب الصاله…زاد الالم و اغمى عليه:

بهالوقت نور كانت راكبة اللفت…نغزها قلبها على اخوها و تندمت انها تركته بروحه بالشقه…

نور وهي بتبجي:لا احمد ما فيه شي…بس هذا وسواس…احمد ماااافيه الا الخير…

نزلت نور من اللفت للطابق اللي هم فيه:

ركضت للشقه و اول ما فتحت الباب صرخت:

نور:احمـــــــــد…
صرختها سببت صدى بالمكان…حاولت معاه يقوم بدون فايدة…الناس تيمعت حولهم و المكان ربشه و طلبوا لهم الاسعاف:

فبيت بوفهد:
ام فهد:خالد حبيبي شفيييك؟

خالد:والله مادري يا يمه…جاسره خاطري نور هي واحمد..

ام فهد بحزن:الله يكون بعونها…والله انها طيبة…والله لو كانت بنتي كان ما حد قرب منها…لكنها بنت هالثعلب عمك…انسان بليا احساس…

خالد:شفتها اليوم الصبح شايله جناطها هي و احمد و السايق يحطهم بالسياره…سألتها قالت ما يخصكم في عيال العقربه…ابوها عقدها من ذا المسمى..
.
ام فهد:امها لا عقربه ولا شي…والله ان الكل يشهد بطيبة اصلها…لكن عمك الجاحد هو

العقرب…الغنى و الفلوس اللي عنده كلها حلالها هي و عيالها…لكنه النذل سجلهم بأسمه و طلقها و حرمها من عيالها…

خالد:الله يعينهم…والله اني من موت فهد الله يرحمه وانا احاتي نور… نور يا يمه غير عن الكل…نور مثال للصبر…صامده…ما يهزها عود.. لكنها من داخل مثل الريشه…تبين القوه جدام الكل و خصوصاً احمد… الله يشفيه ان شالله…
ام فهد:ان شاء الله
.
دخلت ساره:يمااااااااااا لحقييييي..

ام فهد:شفيج يا الهبله؟
ساره وهي تبجي:عمي…عمي عبدالرزاق طرد نور و احمد من البيت…

خالد انصدم…على باله نور و احمد مسافرين…ما توقع انهم ينطردون مره وحده من بيتهم و حلالهم:
خالد عصب:يمه عمي هذا ما ينسكت عليييييييه…شهالقلب اللي علييييييييييه…ما

يحس…والله لا اوريه…يطرد نور و احمد و حنا عيال عمهم موجوديييييين؟(قام بيطلع لبيت عمه)

ام فهد سحبته بخوف:لا يا ولدي…لا…عمك لو قتل عادي عنده…زين منه ما ذبحهم يا ولدي…

خالد:والله لو فهد هنييييي جااااان ماااا انهااااااااانت نور وانطردت من البيت…اسمعي يا يمه…ماني

رااد البيت الا و نور و احمد وياي..ساره لبسي عباتج بسرعه..
ساره:ان شاء الله

>>>>> ردود الأعضـــــــــــــــــــاء على الموضوع <<<<<
==================================
ياناس ردوا على القصة

__________________________________________________ __________
سلاام
لموسة الننوسة
احس ان القصه مررره حلوه والمقدمه تشجع
بلييييييز علشان خاطري كمليها واذا هي كامله تكفين نزليها كلها
لاني تعبت وانا اقرى قصص ناقصه وانا معاك للاخر لين ماتكملينها
…….اختك………
منطوق قلبي…..

__________________________________________________ __________
اعود اليكم بجزء جديد من رواية حنين الروح
اتمنى انه يعجبكم
بيت بوفهد:
ساره عمرها23سنه…و مها عمرها20..و خالد بعمر نور وهو كان يحبها قبل لا يخطبها فهد…و لما درى انهار و حس بجبال فوق راسه… و بعدين فهد خطيب نور…
و بعدين متعب و عمره5سنين:
في المستشفى:
نور في غرفة الانتظار و متوتره…تبجي على حال اخوها..:انا السبب.. انا اللي تركته لحاله بالشقه…اناااااااااااا…
كانت دكتوره ماره من عند المكان اللي فيه نور و سمعت الكلام:
الدكتوره تمت تدقق بملامح نور تحسها مو غريبه عليها…تحس بشوق يجذبها للأنسانه هذي…دق قلبها بالقوه…قطع حبل تفكيرها صوت الباب اللي انفتح:
طلع الدكتور اللي كان عند احمد:
نور ركضت له:دكتوووور…دخيلك الله خبرني…اخوووي شفييييييه؟
الدكتور:ما يشكيش من أي حاجه…
نور:شلوووون ماااا فييييييييه شي…اعنبوه انتو دكااااااتره ما تعرفوون شفيه؟؟؟اخوووي دايم يتألم و يمرض…يطيح بغيبوبة بالاخييير ما فييه شيييييي؟
نور صرخت و ركضت لاخوها داخل:احمد…احمد انا نور…حمووودي اناااا اختتكككك نور…انا امك نور…قوم الله يخليييك…احمد انا احتاجك …
حزنت الدكتوره على حال نور…طلعت من القسم و راحت عيادتها و خذت اغراضها و الملفات و طلعت كانوا زوجها و بنتها ينطرونها:
راحوا البيت:
بالبيت:
لميا:تصدق عبدالله…
عبدالله:شنو؟؟
لميا بحزن:شفت حاله اليوم اثرت فيني لاول مره زيادجه كبيره.. كانت بنت موجوده هناك ويا اخوها…تقريباً كان عمرها24…دايم اخوها مريض و يغمى عليه و الدكاتره يقولون لها انه ما فيه شي…
عبدالله استغرب:شلون؟
لميا:هذا اللي ما اعرفه…بس لما شفت البنيه حسيت بقلبي يدق بقوه… تشبه نور بنتي وايد…
عبدالله:تلقين كثير يا لميا يتشابهون…بس ان شالله بتشوفين بنتج قريب يا ام احمد..
ام احمد:ان شالله..
دخلت اللولو:يمه…انا رايحه ويا شهد بيت يدتي…
ام احمد:انتبهي لنفسج حبيبتي…و سلمي عليها..
اللولو:يوصل ان شالله…
اول ما طلعت اللولو انفجرت ام احمد من البجي:وييييينج يااااااااا نور ويييييينج ياااااااا بنتي يا ظنااااااااي…شسوا فيج انتي و احمد حسبي الله عليييييييييه…حسبي الله علييييييييييييه…وين خذكم من حظني…وين ودااااااكم…شلووون تعيشوووون الحيييين…احمد اشتقت له…نور اشتقت لها…وييييين اختفوااااا عياااالي…
عبدالله لمها بقوه و قلبه ينعصر على حالها:حبيبتي لموي…ام حمودي.. بدون هالدموع…ان شالله احمد و نور بخير…انا متأكد…نور الحين حرمه كبيره…تقدر تدبر عمرها…مو ياهل ام7سنين زي ما تركتيها… الحين اكيد عمرها24…يمكن متزوجه و يمكن لاء…و احمد ريال ما شالله عليه…20سنه و بيرفع راسج…لا تنسين يا ام احمد اني انا ابواحمد بعد…نور و احمد عيالي…لا تنسين مي الله يرحمها كانت مرضعه نور…يعني نور انا ابوها…زي ما انتي ولهانه عليهم حتى انا… انا ابوها يا ام احمد…
ام احمد وهي متمسكه بزوجها:الله يخليييييك لييييي يااااا عبدالله…
عبدالله كان متزوج من بنت ييرانهم و لما ولدت رضعت نور…و ماتت بنتها بحادث…وهي كانت مريضه بالكلى…ولما درت بوفاة بنتها ماتت… و عبدالله يصير ولد خال ام احمد…حبها و تزوجها…و يابت له اللولو..
الحال عند نور بالمستشفى:
احمد لين الحين مغمى عليه…نور يودت القرآن و قرت عليه سورة البقرة…
سمعت صوت الباب:السلام عليكم…
نور التفتت:و عليكم السلام…منو؟؟
:…انا ناديه…انا عمتج..
نور فرحت:عمتي ناديه…من زمان عنج..5شهور يا عمتي..
نادية طالعت احمد بحزن:شخبار احمد؟
نور بحزن:الله كريم يا نادية…انتي شلون عرفتي ان احمد هني؟
ناديه بحزن:كنت ياية هني ازور وحده من رفيجاتي…شفتج وانتي رايحه تصلين المغرب…
نور:آآآآآآآه…
ناديه خافت:نور شفيييييييج؟
نور وهي ميوده راسها:ناديه…راسي يعورني…بموووت..
ناديه خافت:بسم الله عليييج من الموت…((طلعت ناديه تنادي الدكتور))
خذ نور و فحص عليها وقاس الضغط طلع مرتفع عندها ولازم ترتاح…
نور:لا ما ابي ارتااااح…احمد بروحه…
ناديه:يا نور انا ويااااه…لا تعبين عمرج حبيبتي..
نور وهي تبجي:ناديه…اخوووووي…اخوووووووي..
ناديه انفجعت:نور…نوووور…نووور؟؟
نور ما ترد:
يا الدكتور:
ناديه:دكتور نور شنو فيها؟
الدكتور:ال……لله بس انهيار عصبي…كانت تمر بضغوطات نفسيه…
فبيت ام احمد:
اللولو:يمه…يمه…يماااااه…
ام احمد سرحانه:………..
عبدالله:ام احمد…لميا…
ام احمد رفعت عينها اللي تلمع بالدموع:هلا…
اللولو بحزن:يمه يا الغاليه شفيج والله قلبي يتقطع على حالج…
ام احمد بجت بحزن كبير…:ابي احمد و نوور…ا اب…ابي عيالي…ما اتحمل يا عبدالله… اللولو… ووييينهم نور و احمد…17سنه مادري عنهم…17سنة…
اللولو بحزن:يمه…خلاص عاد…اكيد نور و احمد بخير يا يمه…
عند ساره و خالد:
خالد:ما لقيتيها؟؟؟
ساره:لا والله…بس الحين ليش ما نروح البنك اللي تشتغل فيه؟
خالد:أي والله فكره حلوه…يلا سرينااااا…
راحوا البنك…
دخلت ساره:
ساره:اختي لو سمحتي…
ندى رفيجة نور:هلا اختي…
ساره:ممكن اسألج…نور عبدالرزاق تشتغل هني صح؟
ندى:منو انتي بالضبط؟؟
ساره:انا بنت عمها..و ابغى استفسر…متى داومت؟
ندى:آهاه…انتي ساره؟
ساره:ايوا انا ساره…
ندى:والله اليوم الصبح يات نور و خذت اجازة مدة شهر…
ساره حست بإحباط:طيب عندج رقم مبايلها الثاني؟؟؟لان الاول ما ترد عليه…
ندى عطتها الرقم و طلعت ساره من البنك و ركبت سيارة خالد:ها يا ساره…
ساره بحزن:خذت اجازه مدة شهر…
خالد:انا لله و انا اليه راجعون…بتصل على ناديه..
اتصل خالد:ندوي…وينج انتي؟
ناديه:انا عند احمد و نور بالمستشفى…
خالد تخرع:مستشفى؟؟؟عسى ما شر؟
ناديه بحزن:نور ارتفع عليها الضغط…و تعبت…و احمد مسكين تعب و يوم كشفوا عليه كالعادة نفس الجواب…ما فيه شي…و الحين مغمى عليه…
خالد بحزن:انتو بأي مستشفى؟يايكم الحين مع ساره…
ناديه:زين بس لا تقول لعبدالرزاق…
خالد:اذا كنت ما اعز نور و احمد بخبر الاستاذ اخوج…
سكر خالد من ناديه:سوير…نور و احمد بالمستشفى…
قال خالد كل شي لساره اللي فتحتها عزا بالسيارة…
ام احمد كانت طالعه من بيتها هي و عبدالله و اللولو رايحين المستشفى عند اخت ام احمد لانها والد:
طول الطريق ام احمد تفكر فالبنت اللي شافتها بالمستشفى اللي ماهي الا بنتها نور…
وصلوا المستشفى مع وصول خالد…ركن خالد سيارته ورا سيارة عبدالله و نزل بسرعه قبل ساره:
ساره:خالد استنى…احمد و نور مو طايرين؟
عبدالله و ام احمد فز قلبهم:
ام احمد:عبدالله…هذا يشبه عبدالرزاق…ياربي صار لي كااابوس..
عبدالله بحنان:هدي بالج يا لميا…
لميا:ان شاء الله…
دخلوا المستشفى شافوا خالد و ساره عند الريسبشن:
خالد:اخوي ممكن رقم غرفة المريض احمد عبدالرزاق…
ام احمد التفتت بسرعه على خالد:
الموظف:احمد عبدالرزاق في الغرفة رقم22الدور الثالث…
خالد:مشكور اخوي..
اللولو:يمه…شفييج اكيد يدتي تنطرنا الحين؟؟؟
راحوا خالد و ساره عند نور و احمد اما اللولو و امها راحوا عند خالتها…
فبيت عبدالرزاق((بواحمد((:
مريم زوجته:ال……لله افتكينا من عذاب البيت و غمه…لا احمد ولا نوير..
عبدالرزاق بصوت واطي:ان شالله افتج منج انتي الثانيه…بلعب عليج مثل ما لعبت على ام احمد…بسحب البيزات و بسجلها بأسمي…بعدها ما يصير لج شي عندي…
مريم:عبدالرزاق..اليوم شرايك نسافر نغير جو؟
عبدالرزاق:وين تبييينننا نروووح انتي بعد؟؟
مريم:خاطري باريس…دايم نروح لها انا و اهلي…
عبدالرزاق:انتي بس آمري حبيبتي و قولي متى تبيننا نسافر و انا حاظر حبيبة قلبي…
مريم فرحت:والله..
عبدالرزاق:ايوا الله..
اما عند نور و احمد و ناديه بالمستشفى:
نور صحت من اغماءتها وشافت ناديه جالسه و تدعي:ناديه…
ناديه بفرح:عيون ناديه…قلب ناديه يا نور…
نور:ناديه…وديني عند احمد…ابي اشوف احمد…
ناديه:نواري حبيبتي احمد بخير…خالد عنده…
نور وهي تبجي:ناديه…انا ابي امي…ما اتحمل…قلبي يوجعني يا ناديه من الفرااق…
ناديه حزنت:بحاول ان شالله اخلي حمدان(زوجها(يدور عليها…
اما عند احمد:
خالد كان عنده…:
خالد حط يده على يبهة احمد و يلس يقرى عليه…دموع احمد بدت تنزل…
خالد خاف:احمد…
احمد بطل عينه بتعب:خ.ا.ل.د..
خالد بفرح:هلا احمد…
احمد بحزن:وين نور..ابي نور…انا اعرف شنو دواي يا خالد…
خالد باهتمام كبير:شنووو؟
احمد:امي…امي هي اللي تعبت عشانها يا خالد…من اوتعيت على هالدنيا و حسيت…تذكرت انها بعيده عني..اللي معذبني اكثر ان ما عندي صورة لامي…خالد…خاااااالد روح عند ابوي…اكيد يعرف اهيا وين ساكنه…
رد التعب لاحمد مره ثانيه و رد نام…طلع خالد من عنده وهو مصر انه يطلع ام احمد و نور من تحت الارض…
بعد مرور اسبوع كامل…
نور و لميا كل يوم يتلاقون بالمستشفى:
فعيادة لميا:
كانت تحاجي عبدالله بالتلفون…
لميا:صدقني يا عبدالله انا مصره انها نور…
عبدالله:اذا تبين تعرفين سألي عن اسم اخوها بالريسبشن…
لميا:أي والله يابواللولو…بس انا خايفه يا عبدالله…اخاف يكون عبدالرزاق موجود…
عبدالله:خلاص لا تتصرفين انا بيي الحين اوكي…
لميا:اوكيك…باي..
سكرت لميا من عبدالله وهي تدعي…
طلعت من مكتبها لقت نور واقفه عند الباب:
نور منزله راسها:دكتوره لميا…
لميا ارتبكت:هلا نور…
نور:دكتوره…انا محتاجتج…انتي الوحيده اللي حسيت بالامان صوبها.. صدقيني يا دكتوره…انا بمشكله كبيره…
لميا ابتسمت:قولي يا الغاليه…
نور ابتسمت بخجل و حزن:دكتوره…ابيج توقفين وياي ضد ابوي…
لميا استغربت:لييش؟
نور:ابوي ما يدري اني اشتغل…انا اشتغل بالبنك عشان بس الاقي فرصه اني اشوف امي…اللي انحرمت من حظنها من17سنه…يوم كان عمري7سنين…و لما درى اني اشتغل هددني ياخذ كل فلوسي و يعذب امي…انا ما اعرف شي عن امي ولا حتى شكلها…دكتوره انا ابغى اساعد احمد اخوي…ارجوج ساعديني…
يا خالد من بعيد:نور..
نور:نعم…
خالد:شتسوين هني…
نور:دكتوره لميا…هذا خالد ولد عمي…اخو خطيبي المرحوم..
لميا تفاجأت:هلا خالد…
خالد:هلا فيج.."و التفت على نور"نور…عمي يبيج فبيتنا…ناديه و ساره عند احمد لا تخافين…
نور خافت:ابوووي…
خالد:اييه ابوج…
نور تمسكت بلميا:ما اطلع الا و الدكتوره لميا وياي..دكتوره لميا دخيلج ..لا ترديني…
لميا بحنان:لا تخافين يا نور…بس بتصل على ريلي و بقول له..
عبدالله من وراها:ماله داعي يا لميا…ماله داعي…انا بروح معاكم..
ابتسمت نور:مشكوره دكتور لميا…ما راح انساها لج…
طلعوا لميا و عبدالله و خالد من المستشفى معاهم نور متجهين لمصير نور و اخوها احمد..(عبدالرزاق)…
وصلوا البيت:
لميا كانت مترددة لكن نور اصرت انها ما تدخل الا و هي وياها…
عبدالرزاق شاف نور و وياها وحده متغشيه…:نوور…منو يايبه لنا من الشارع

__________________________________________________ __________
لموسة الننوسة
ايوا كذا تعجبيني بس بليييييز كمليها كلها اذا ما عليك امر وشكرا على البارت الجديد
….. منطوق قلبي….

__________________________________________________ __________
مشكوررر منطوق قلبي على الرد على القصة

عبدالرزاق بعصبيه:مريموه حلي عن سماااااااي لا اخلي الليله ليلتج… مو متفيق لج انتي و تدليلج الماصخ…
مريم بعصبيه:انتا علمني شفيييييك علييييي؟؟ماكله حلالك و انا مادري؟
عبدالرزاق رفع يده و صفعها:جاااااااااااب…
تمت مريم تطالع عبدالرزاق و شرارات النار تتطاير من عينها و كلها نظرات الحقد و الكره توجهت صوب هالانسان اللي ماله احساس…
عبدالرزاق:لما احاجيج لا اتمين تطالعييييييينييييي…تطالعييين بالارض فاهمه؟؟
مريم نزلت دموعها:عبدالرزاق آنا شسويت؟؟
عبدالرزاق عصب:مريوووم…لا تخليييينيييييييييي اسوي شييي تندمين علييييييه؟
مريم بصوت عالي:يلا شنو اللي بندم عليه يا ولد ابراهيم؟؟
عبدالرزاق طفح الكيل عنده:مريم انتي طالق…طااااااااااالق طااااااااالق…
مريم صرخت:لاااااااااااااااااااااااااااااء…
عبدالرزاق بعصبيه:مثل ما انطردوا نور و احمد و امهم انتي بعد طلعي …مالج شي بهالبيت…املاكج كلها سجلتهااااااااا باسمي…بصمتج و انتي ما تدرين…كنتي ناااايمه لما خذت البصمه…غبيه يا مريم…يلا بره…بره لا بارك الله فيييج من حرمه…حرمت علييييييج الدنيا…بس صدقينيي يا مريم…ان علمتي احد ان انا خذت فلوسج… والله يا بنت ظاحي…لا اسوي فييييج سواياااااااااااا ماااااااايسويها احد..و ترى انااااااااااااااا لا قلت الشي مااااااااااا اتنااااازل عنه…حتى لو شفتي راسج ممسوح فيه البلاط…عادي عندي…و ان وصل الموضوع للمحكه صدقيني لا اشرب من دمج يا مريم…يلاه…الباب يوسع يمل…يلااااا… النجاسه مالها مكاااااااانه بهالبيت…
مريم تمت منصدمه و منصعقه بنفس الوقت…فجأة قلب عليها مره وحده؟هذا يزاها انها كانت تبي تطيب خاطره يوم شافته مهموم؟؟لكن هين يا عبدالرزاق…
قامت مريم:ماني طالعه من هالبيت يا عبدالرزاق…و سو اللي تبيه..مريم بنت ظاحي ما ينلعب عليها بكل سهوله زي ما تتوقع…
عبدالرزاق:مريم تعوذي من ابليس و طلعي بره…
مريم وهي تصارخ:ماني طالعه فاهم؟؟؟لو كان البيت بيتك تكلم…لا يا عبدالرزاق…انا مو مريم الياهل اللي تزوجتها…انا مريم اللي بتطلع لك العقارب من تحت الارض…والله لا ادمر حياتك…
عبدالرزاق تجدم صوب مريم و يودها من شعرها:ردي لواقعج يا مريم …انتي مطلقه…و فقيره…مالج مكان تروحيييين له الحين…يلا بره..يلاااااا…
سحبها عبدالرزاق بقوه بدون رحمه و بوحشيه و فتح الباب بعز المطر و البرد رماها…و قال للسايق يروح و ما يوديها مكان عشان يعلمها منو عبدالرزاق ولد ابراهيم و منو مريم بنت ظاحي…
مريم شابه في مقتبل العمر…بعمر نور…كانت رفيجتها الروح بالروح.. بعدين خطبها عبدالرزاق صارت تكره نور و تصب كل جبروتها عليها… وهي يتيمه بليا ام ولا اب…اخوانها يحبونها بس هي من ماتت امها ابتعدت عن الكل..ورثت كل ثروة ابوها و امها…و هالثروه كلها خذها عبدالرزاق:
تمت مريم تطالع العالم حواليها…ما عليها شي يسترها الا جلابيتها… شعرها نزل على ويهها و منظرها كان مره يقطع..تتراجف من البرد و الخوف:
مريم وهي تبجي:وينج يا نور…آنا آسفه…نور…ابوج سرقني يا نور…سااااااااامحيييييينييييييي يااااانور…ويييينج…
بهالوقت طلعت مها اخت خالد و ساره من بيتهم…شافت جسم مرمي عند بيت عمها…خافت:
دخلت مره ثانيه للصاله اللي كان فيها امها وابوها و عمتها ناديه:
سعود(بوفهد(::مها حبيبتي شفييييييييج؟؟؟
مها:يبه…فيه وحده مرميه عند باب بيت عمي..
ناديه:عند بيت عبدالرزاق؟
مها بخوف:ايه…منظرها يقطع القلب…
طلعت ناديه و اخوها سعود و ساره و ام فهد يشوفون شسالفه:
ناديه شهقت:هههههههههه هذي مريم…
مها:مريوم؟
راحت ناديه لمريم وهي خايفه صج عليها:مريم…شفيييج؟؟؟
مريم اول ما شافت ناديه ارتمت بحظنها تبجي بخوف:لا تخليني يااا ناديه…
ناديه يودتها من جتوفها:مهوووي تعالي ساعديني…شكلها مو قادره توقف…
راحت مها لعمتها ناديه وهي خايفه و ساعدتها على مريم…
راحوا بيت بوفهد ومعهم مريم و مستغربين من اللي صاير…
اول ما دخلوا كان خالد نازل الصاله و لابس بدلة رياضيه…
خالد شاف مريم منهاره استغرب:شفيها ذي؟
ناديه:ما ندري يا خالد…مها كانت بتطلع شافتها مرميه عند الباب…
كانت مريم تبجي الندم بعينه على رفيجتها اللي ظيعتها عشان حفنة فلوس…
ناديه:مريم…شفييييج؟؟؟
مريم وهي تبجي:ناديه…ودييييييينييييي لنووووور..ودي اعتذر منها تكفين يا ناديه…
سعود:يا مريم شفيييج؟
مريم:عبدالرزاق خذ كل حلالي بدون ما دري…بصمني و انا نايمه…و طلقني…طلقني بعد ما كتب كل حلالي باسمه…انا ندمانه على اللي سويته بنور…
خالد بعصبيه:الحين ندمتي يا مريم…وانتي تخونين اعز رفيجاتج…ما كفاج تزوجتي ابوها…و تخلينه يعذبها جدامج وانتي من قبل ما تتحملين تشوفين دموعها…نور دايم تقول انها تتمنى انج تردين مريم الحنونه الطيبه…اللي قلبها صافي صفاء السما يا مريم…
مريم غطت ويهها بيدها و بجت:انا آآآآسفه يااااانور…سامحييينيييي…
خالد طالع مريم بإحتقار كبير…لكن نظرة ناديه و ابوه يبسته مكانه:
خالد:يبه انا و مشعل ولد عمي طالعين النادي اليوم عندنا تدريب…
ناديه طالعت مريم بحنان…هالبنت المفروض تكون بعمر بنتها او ولدها …لان ناديه حملت ويا لميا وهي حامل بنور لكنها سقطت…و من بعدها الدكاتره قالوا انها ما تقدر تحمل مره ثانيه…وهم يسمونها ناديه لانها ما تحب احد يناديها عمتي…
ناديه:مريم حبيبتي…لا تبجين…
مريم وهي تبجي بحزن و خوف:نور…ناديه ابي نور…ابي اشوف نور…ابي اعتذر عن كل اللي سويته فيها…
ناديه:ان شالله يا عمري…بس صبري شوي و بتكون نور عندج…
ابتسمت مريم بفرح:
اما عند نور و احمد فبيت لميا:
اللولو:ماني قادره اصدق يا نور…ما تتخيلين شكثر انا فرحانه…
نور وهي وسط امها و عبدالله و يمين عبدالله اللولو و جنب لميا كان احمد:والله حتى انا يا اللولو…
عبدالله:الله يخليكم لي يا عيالي…
نور دمعت عينها:و يخليك لنا يا يبه…
احمد اللي ردت له حيويته:ها يبه…وين ناوي تودينا اليوم؟؟؟المفروض نسوي احتفال بهالمناسبه الحلوه…
لميا ابتسمت:بنروح بيت يدتكم…خوالكم كلهم هناك…يبون يشوفونكم يا نور انتي و احمد…
نور:هم كم واحد؟
لميا:5…عبدالعزيز و نواف و فواز و راشد و حمد…
احمد:و خالاتي؟
لميا:4…مي و ريم و ميسا روان…
اللولو:رشود كبر نور…وهو واحد هادي…و حمد كبر احمد..ونواف عمره26سنه…عبدالعزيز و و فواز هم الكبار بس…حتى روان هي اصغر وحده و عمرها18سنه…
رن تلفون نور:
نور شافت الرقم فرحت:
لميا:منو؟
نور:ندوي…
نور:الو
ناديه:هلا نوري…انتي الحين ويا امج صح؟
نور:أي ويا امي…ليش صاير شي؟؟
ناديه بحزن:مريم…
نور تغيرت ملامحها:شفيها؟
ناديه:تعبانه و تبي تشوفج يا نور…ابوج طلقها عقب ما سرق فلوسها..
نور انصدمت:مريم تطلقت؟؟؟سرقها ابووووي؟
ناديه:أي يا نور…وهي منهاره و متندمه على اللي كانت تسويه…
نور:شنو ينفع الندم الحين يا ناديه…
ناديه وهي تبجي:نور…مريم ردت لعقلها…خيانة ابوج لها وعتها من حلمها…نور…مريم كانت تبي أي شي ينسيها امها و ابوها…اللي ماتوا بالحادث…
نور بضيج:مادري شقولج يا ناديه…مريم ما عادت رفيجتي…خلاص يا ناديه…
ناديه:نوري عشان خاطري…ان كان لي خاطر عندج؟
نور:ان شالله ناديه…بحاول قد ما اقدر اسامحها…
سكرت نور من ناديه وهي متضايقه حيل:
لميا بخوف:نور حبيبتي علامج؟
نور خبرتهم بكل شي…و هم اصروا عليها الا تروح…
نور:يمه ما اقدر اسامحها…ماقدر يا يمه…هذي ينطبق عليها المثل
(خاويني و اخاويج و آخذ ابوج و اخليج(
احمد ضحك:مليون بالميه يا نور…
لميا بحنان:عشرة عمر يا نور…خلج احسن عنها بوايد و روحي راضيها…هي يتيمه…و اكيد بغت شي ينسيها بعد امها وابوها عنها…و ما لقت الا الزواج…
نور:ان شالله…
يات نور بتطلع:اللولو…
اللولو بابتسامه:هلا؟
نور:تيين وياي؟؟
اللولو:اوكي حبيبتي…
طلعوا اللولو و نور لبيت بوفهد…
بأحد القصور الفخمة:
فبيت عبدالرحمن بوفراس عم نور و خالد:
مشعل:مشااااااااااااااري؟
مشاري:هلا مشعلاني؟
مشعل:يلا بنتأخر عن خالد…
مشاري:اذيتنا يا بوك انتا و هالخالد اللي وياك؟
مشعل:اقول عن الغلط؟؟؟لا تغلط على ولد العم…
مشاري:اقول…مالت علييييييك انتا و ولد عمك اللي تعرفه…
مشاري و مشعل…عمرهم24سنه…وهم مره طيبين و يدخلون القلب بسرعه..بس استفزازيين…وهم يتشابهون بكل شي…تفكيرهم واحد في كل شي…
فراس…عمره30سنه و متزوج بنت خالة خالد و اسمها فرح…و عنده ولد واحد و اسمه جراح…و عمره11سنه..و بنت اسمها شيخه و عمرها6سنين…
اروى…و عمرها19سنه…وهي تحب احمد اخو نور…وهي مره دلوعه…
فجر…23سنه…تدرس بجامعة الكويت…وهي مره طيبه…و خبله حبتين و تموت على سوالف روح البيت مشاري و مشعل…
لميس..هذي البنت مره متعلقه بفجر و نسخة مصغره منها..و عمرها 5سنين..
ام فراس انسانه وايد طيبه و تحب الكل و تهتم بعيالها…
بوفراس…يحب سوالف الشباب امثال عياله التوم مشعل و مشاري…
وهو غني ماشاء الله عليه و معروف عند الكل…
مشعل يتكلم فصحى:ميشو حبيبي تعااااااال إليَّ يا اخي العزيز؟
مشاري:مشعلاني ايها الغالي…لقد اشتقت لك…اقول اقلب ويهك ويا هالراس تأخرنا على ولد عمك المصون..
مشعل:الشرهه مو علييييك علي آنا اللي متوله عليك يا البقره السوده…
ام فراس:ههههههههه انتا وياه ما تيوزون؟
فجر:ههههههههههههههههههه ما يكونون مشاعري ان يازوا يا يمه…
مشعل و مشاري:شنو هاذي بعد مشاعري؟
فجر:هههههههههههههههههههه shorteningمشعل و مشاري ههههههه…
مشاري:تدرين انج سخيفه يا فجروه؟
فجر:ادري من زمان…طالعه عليك…
رن مبايل الشيخ مشعل:اوووووووه الشيخ خلّود معصب…كله منج انتي و رااااسج…
مشاري سحب مشعل من رقبته و طلعوا:يلا تشاو تشاو مام…سلمي على دادي…
فجر:هههههههههههههههههههههههههههههه…
ام فراس:والله هذول التوم مادري شقصتهم؟؟؟
اروى:يمه…بروح المكتبه الحين…
ام فراس:ليش حبيبتي؟
اروى:بشتري ادوات رسم…
ام فراس:فجر حبيبتي روحي وياها…وصليها بسيارتج…
فبيت بوفهد:
مريم تعبها زاد فجأة لازم تعتذر من نور على اللي صار لها:
بهاللحظه دخلوا نور واللولو:
ناديه وهي تبجي:نور…نوووووور لحقي على مريم…مريم بتموت يا نور الله يخليج لا تخلينها ترووووح…
نور نست كل الغل و الحقد بقلبها على مريم و ركضت لها و كانت مريم مرميه مثل الميته على الكنب…
نور يلست على الارض عند مريم:مريماني…الريم حبيبتي؟؟انا نور بطلي عيونج راح تشوفيني يااااااامريم…
مريم وهي تتنفس بصعوبه:نور…انا آسفه يا نور…آآآآآآسفه على اللي سوييييييته فيييج و في اخوووج…انتي اللي كنتي لي بمثابة الاخت…الام القلب الكبير…جذي ايازيج بالنهايه…والله اني متندمه…
نور وهي تبجي:لا يا مريم…انتي كنتي و ما زلتي اعز رفيجاتي…مع كل اللي سويتيه الا انه لج مكانه خاصه بقلبي يا مريم…مريم انا بحياتي ما حقدت على احد…صدقيني…
ارتمت مريم بحظن نور وهي تبجي:آنا آسفه يا نور…ادري ان هالكلمه ما بترد ربع الكرامه اللي فقدتيها بس لازم احاول…لازم يا نور…نواري انا احبببببج…
نور حظنت مريم و بجت وياها…اللولو هَم بجت وياهم و خالد على ويهه ابتسامة رضى لان العلاقات ردت مثل قبل بين نور و مريم:
اما عند لميا و احمد:

ايش تتوقعون الاحداث اللي ممكن تصير؟؟ابي توقعاتكم لووووو سمحتووا…و آراءكم بالشخصيات؟؟