عنوان الموضوع : هنا تووجد مسخرة (ماك تشيكن)
مقدم من طرف منتديات الشامل

السلام عليكم ورحمة الله وبركاتة
اخباررركم آل تعب
السالفة وما فيهااااااا ان صديقتي الي معي في المدرسة ..كانت تكلمني ..
في المسن ..؟! طووويب

وبعديييييين :
قالت لي تعرفين وش معنى ماك تشيكن (طبعا على طووول ) ووجبةمن ماك..!!
لالالالالالالالالالالالا ؟؟؟؟؟!
(طلعت من المسن ).... جاء بكرة
أنا في المدرسة : طيب يلا عاد قوولي لي مارضت
جيت ودوورت في النت شوووفو بالله وووش طللللللع ههههه





هااااااذي الصوورة ماكـ تشيكن ...! هههه


طبعا هو طووويل بس ابيكم تضحكككككككككون هههههههاي




كتبت روابي البناي:
كما تدرون نحن في الكويت (يالله من فضلك) شعب لا يحب التقليد والمظاهر ولا يحب التفلسف أو الهبات والفناتق والصرعات التي لا ندري من أين تطلع علينا كل يوم. الفناتق الغريبة هي التي تلتصق بنا وتقول «غصب أبي أصير فيكم يا شعب الكويت» (تدرون إحنا مميزين).. ومن الهبات المنتشرة هذه الأيام بين الشباب، وأقصد الجنسين، مسميات «ماك تشيكن» mac chicken و«تشيكن ناغت» chicken nugget.
طبعا عزيزي القارئ راح تطقك البوهه عندما تقرأ هذا الكلام وستقول إني أبالغ.
بدأت السالفة عندما كنت أتمشى مع صديقاتي في الأفنيوز، فقالت احداهن: يا حليلها هذي مو لولو! ياحليلها صايرة {ماك تشيكن}.. عدل؟
سألتها: شنو يعني؟
فأجابت: شفيج روابي إنت مو عايشه بالدنيا؟ ما تدرين يعني شنو {ماك تشيكن}؟
قلت لها: خذيني على قد عقلي واشرحي لي شنو يعني يمكن أقتنع وأصير نفسهم؟!
وبعد «حنة ورنة» مع صديقتي شرحت لي المواصفات المطلوبة للجنسين لكي يصبحوا {ماك تشيكن} وأنقلها لكم وهي:
أولا: الشباب الـ {ماك تشيكن}
طبعا الذي يقال عنه أنت {ماك تشيكن} هذا «ياب اليهده»، يعني وصل وصار شيئا عند معشر الهبات والفناتق الكويتية، لكن الذي يصل هذي «المراييل» يجب ان تكون عنده مقومات أساسية يرتكز عليها حتى يصير من حزب {ماك تشيكن}:
- لازم يكون عندك «بلاك بيري بولد»، وطبعا ما تخليه «مفصخ» يعني من دون «كفر» لأن هذا من علامات «الهلاقة»، لازم تحط له «كفر» لونه فوسفوري مميز ويلفت النظر.

- لازم يكون عندك تلفون ثاني ويجب ان يكون من نوع «نوكيا N 71» علشان لما ترتز بالكافيهات تسطرهم جدامك وتتكشخ بهم أمام الذين هم مثلك، يعني من حزبك.
- لازم يكون لك موقع خاص بك على «فيسبوك» تضع فيه صورك وانت «ياهل» وأمك تغير لك الحفاظة، وصورتك قبل أن يرشك النفط وبعد ما رشك وصرت من حزب {ماك تشيكن}.
- لازم تربي شعرك وتصير كأنك من أهل الكهف يعني «كوول» وبعض الأحيان تلبس كاب وتطلع الشعر من ورا.
- لازم تخصص ميزانية، وإذا كنت فقيرا على باب الله، وغصب تبي تصير منهم، عندك حلين يا إنك تفتح حسابا في «أرامكس» علشان تشتغل طلب من أميركا يوصلك الـ«تي شرت» بنص السعر أو مالك إلا سوق «العدساني» وتلبس تقليد ويلصقونلك اللزقة بالأوتي لأن من أساسيات الـ {ماك تشيكن} لبس تي شرتات (بولو، لاكوست، بوجي، أميركان أنجل) وطبعا النصف التحتي لازم يكون شورت أو تريننغ.
- تكرمون الجوتي لازم يكون Puma وألوان علشان لما يسطرون في الكافيه ويحطون رجلا على رجل تميزهم من جواتيهم وتعرف هذا عزوز ولا هذا عبود وغيرهم.
- في الويك إند يجب ان تكون في الشاليه وتاخذ «تان» علشان تصير {ماك تشيكن} أصلي.
- لازم تكون ماخذ رخصة مغاوص من شرم الشيخ. – لازم تكون مطيح في Free Zone خاصة في Rubablic Café وتشرب يا إما Nuttela Shake أو Ferriro Shake.
- لازم يكون عندك نظارة ريبان، طبعا أصلية مو تشتريها من عند الهندي بوجنطة، تبي تصير {ماك تشيكن} قط على عمرك ولا تدور الرخص.
- لازم تعرف تتكلم إنكليزي لأن ربعك «الماك جيكنيات» ما يتكلمون إلا إنكليزي علشان لا تفتشل.
- لازم تعرف تكتب إنكليزي معرب تدري عندك حساب في {فيسبوك} وعندك {بلاكبيري} يعني لازم تشد حيلك.
- لازم تاخذ قرض تكسر فيه ظهر أبوك أو إنك تحط كل معاشك وتشتريلك سيارة سنعة علشان لما تدش البدع وتصفطها جدام ربعك الـ {ماك تشيكن} ما تفتشل ولا تكون بورش او أودي A8 او S8 او Range Rover Sport ، وطبعا لازم يكون عندك سيارة ثانية حق الشاليه، وضروري تكون إما لاند كروزر أو باترول وتحطله تواير عراض علشان يعني إنت راعي شاليهات وراعي أرصفة وما يهمك شي إنت الدمار الشامل ولا تنس تحط بعد «الجيك الأحمر» هذا اللي بخليك توصل القمة في حزب {ماك تشيكن}.
- لازم تكون سيارتك مقيمة وأول ما تقعد بالكافيه مع ربعك تقعد تتشيحط عليهم وتقول «توه دوريه وقفتني علشان التقييم، بس قلت لهم أنا منو خلوني أمشي وخافوا».
- لازم يكون عندك بصمة دخول وخروج في لورانزينو الصالحية ونينيو وسلايدر ستيشن.
ثانيا: البنات الـ {ماك تشيكن}
- لازم حلجج يكون عوي من كثر ما تتكلمين إنكليزي لأن عيب تتكلمين عربي.
- لازم يكون لونك تان Tan على مدار السنة، وإذا ما عندكم شاليه وتبين تصيرين من الربع ما عليه.. طلعي سطح بيتكم وانفرشي وقعدي لما تحرقك الشمس، بعدين قولي حق ربعك إنك كنت بالشاليه ومسويه تان.
- لازم سيارتك تكون G Class ويفضل ان تكون بمواصفات خاصة ولون نادر، أو مزاراتي، وإذا ما قدرت على ميزانية هذه السيارات ما عليه.. تقدرين تسوقين Range Rover Sport يمشي حاله بس تعتبرين مبتدئة في الحزب.
- لازم شعرك طويل وتسوينه إما كيرلي أو Ponytail.
- إذا كنت من حزب الماكياج الأراجوزي فما راح تنجحين بالانضمام الى حزب الـ {ماك تشيكن} لأنهم ضد الماكياج الصارخ والزايد.
- طبعا لازم تتعلمين المصطلحات الغريبة الخاصة بالحزب علشان تقدرين تتعايشين مع الحدث.
- لازم تتخلين عن شفاحتج بالقز يعني لما تشوفين واحد حلو من حزب الـ {ماك تشيكن} مو على طول تروحين وتقطين نفسك عليه لأنه غلط، هذا صديق عادي ويقدر يسولف معاك، بس مو بقصد علاقة وغيرها، يعني لا تبنين أحلام جزاك الله خير.
- طبعا لازم تروحين تدورين نظارة أكبر من وجهك وتلبسينها.
- لازم تكون جنطتج تشيل أغراض فريجكم كله من كبرها، ولازم تكون يا إما {هيرمس} Hermes او {كارتييه} Cartier علشان الهلاقة للحين ماهبوا فيهم.
- لازم تتغدين كل سبت بالأفنيوز علشان تشوفين الشباب من نفس الحزب وتعرفين منو الجديد على الساحة، ويبدي مسلسل الحش لأنه الهلاقة اهم اللي يروحون الأفنيوز بالليل.
- بالعيد لازم تحنين على أبوج وأمج واللي يابوج يسفرونج لندن لأن عيب تقعدون بالكويت بالعيد والهلاقة إنكم تروحون لندن بالصيف.
- لازم تكونين من الإدارية أو جامعة الخليج والحين بادين يدشون تناتيش من الأسترالية.
- طبعا لازم كل يوم تعمين عيون اللي وياج بصبغ أضافر إيدج الفوسفوري

باختصار:
1- انا ولـد فلوس
2- فوني يا بلاك بيري او آي فون
3- نص كلامي عربي و النص الثاني انقلش
4- سيارت سايقنا يا اودي يا مرسيدس
5- انا الي اضبط نص البنات
6- اصرف على ربعي












واخيراا الله لا يبلالالالانا ...
وووشو انا اكلللللة ابي اعرففف وووش القصة الضاهر مستوحااه من دجاااجة ..
امانة لاحد يزعل اذا عندنا احد ماك تشيكن ها هنا في منتدنا
بس اذا انطبقت عليك الوووصوف تككفى لاتسمي>ن
نفسك
ماك تشييييييييييييييييكن

>>>>> ردود الأعضـــــــــــــــــــاء على الموضوع <<<<<
==================================

هههههههههههههههه
يوسفني ان اكون اول من يرد

__________________________________________________ __________
هههههههههههههههههههههههه
انتبهت للسخاااااااااااافة صووح
الله يهديييهم يارب .. يعني اني (حركااات )*

__________________________________________________ __________
انا عن نفسي قريت نص الكلام لاني شفت ما منه فايده فقلت وشوله اقراه واتعب نفسي عالفاضي ..
بس قريت اللي بالاسود وفهمت كل شي .. هههههههههه
اتطمني انا مب ماك تشيكن الحمد لله بس اشك فيك .. >>واذا ما قلت امزح بتصفقيني..؟! ههههههه
ربي يسلمك ويسمنكـ..

__________________________________________________ __________
انا قريت نص الكلام كله فضاوه بس قريت الاسودفهمت كل شي ههههههههههههههههههه


صراحه الكلمه مادري منين مطلعينه مخرفينه (بسلمو ع الموضوع)

__________________________________________________ __________
المشاركة الأصلية كتبت بواسطة ..Ramy..
انا عن نفسي قريت نص الكلام لاني شفت ما منه فايده فقلت وشوله اقراه واتعب نفسي عالفاضي ..
بس قريت اللي بالاسود وفهمت كل شي .. هههههههههه
اتطمني انا مب ماك تشيكن الحمد لله بس اشك فيك .. >>واذا ما قلت امزح بتصفقيني..؟! ههههههه
ربي يسلمك ويسمنكـ..



ههههههههههههه
لا انا عاادي اشتري الي ابي
بس ماا اقول انا ماك تشييييكن ههههههههه
لالا شدعوووة ماراح اصفقك >>لاتصددددق



ههههههههههه ويعطييكم العافية ربببببببي

ههههههههههههههههههههههههههههههههههههههههه

يوووه الكلام طوووووووويل ما قرييت الا بالاسود وشفت صوره ههههههههههه بس عرفت الحيين ايش معنا مااك تشيكن
يسلمووووو