عنوان الموضوع : كيف الحريم يسولفن وعندهن بزارين..؟ - نكت خليجية
مقدم من طرف منتديات الشامل

السلام عليكم ورحمة الله وبركاته...

كلاً خلق على طبيعته .. فسبحان الله
قبل ندخل باللغة العربية وبلاويها..

عندي كلمة بس أبقولها

أولاً أحمد الله الذي منّا علي بنعمة وصرت ولد
تخيلوا عاد لو إني بنت .. أنواع الكسل والحباط

كل شوي ماسكن خشتي واحد بودر (يعني روج)

وانا هالحين ماكد لمست خشتي أبد إلا عند الوضو .. يعني غصب


المهم ..
انا عندي خوات .. لكن ممرجلهن
ماعندي خرابيط .. سوليف وخرابيط .. وفلانه بالعرس انكب عليه فيمتوا .. وعلانه اخذت عبات نوير السعد

لالا

كلام سياسه مثلاً وقال اوباما ورد عليه محمد هنيدي .. كذا يعني

ماكنت أعرف عن المرأه أي حاجة .. حتى جاء ذاك اليوم المرعب



المرة الحرمة الست الآنسة ==>>> اللي تبون

المرأة مخلوق عجيب عجيب جداً والله ماكنت أعرف أنه لهذه الدرجة.. من الصبر

طبعاً محسوبكم .. مايعرف ينتبه للي حوله

يعني أن المرأة في الإجتماع أو عزيمة أو حتى بالبيت..
تستطيع أن تدير شؤنها وهي جالسة

مثال../

المكونات

ولد بالمهاد
الشغالة تطبخ
الأب يتقهوى
الأخت موصيتها أمها لشغل..
هاتف يرن


الطبخة

الأم تمهد الولد الصغير
وبنفس الوقت تكلم والسماعة بإذنها
والشغالة تصارخ ماما كم يبغا دجاجة سوي ==>>> أبوك ياللغة
الأب ماد أيده لحرمته علشان تصبله..
الأخت تقول مالقيت المقطع حق فارس يا ماما..
في هذه اللحظة لنضغط على زر



طبعاً متأثر بفيلم (هيروز)


الآن في هذا الموقف
والصورة متوقفة

لو كنت مكان هذي المرأة ماذا ستفعل..؟ ===>>> كان أصرخ بأعلى صوتي أنقذني ياحليب السعودية



المرأة بسهوله.. تصب للأب
وتقول لـ زليخة ====>>> أسم الشغالة
حطي دجاجيتن
خلصت ممهده الولد

طيب ووالدولاب من يبي ياخذه .... عيالي عندهم اختبارات
كزي ولدك يأخذهن ===>>> تكلم بالتلفون





يعني شي خيالي..



سوف اسرد لكم على عجل ماذا رأيت باختصار التفصيل..



كنت معزوم عند خالي ابراهيم ذاك اليوم..

عزيمة حريم فقط.. وأنا جيت أسلم على جدتي لأنها توه جاية من الرياض..

أول مادخلت البيت ..

واسمع
دوب طراق
دوووم ==>>> حقت ميكي ماوس
طقطووم

واناظر الحمد لله ماهنا شي..
وبزر يسوق سيكل وصدم الرف اللي بالسيب وطاح عليه


الثاني منحاش .. وطلع مع الباب الخارجي شوي واشوف زبوريه على راسه .. ., برضه عديناها

المهم


ياولد .. اهنا أحد ===>>> عاد مامن غطا أنا

وادخل المجلس. ولا هالوالدة تصلي وخالتي بجنبة تصلي
والبزر منبطح على ظهره قدام السجادة حقت امه (بموضع السجود) ومسند رجلينه على سيقان أمه ===>>> تخيل المشهد بس ههههههه

إذا جت تسجد أمه (انا توقعت أنه تبي تعطيه طراق تنثر مخه) لكن يوم سجدت وخرته شوي وسجدت بصعوبة
والبزر يضحك ==>> لو كنت مكانها (بوووز) مع الدريشه

..
جو الجماعة
سبع حريم ماشاء الله
خلاتي وجدتي.. وأمي

والبزارين أزعاج والسيب البيت لجة
وواحد داخلن بسيكله لين وصل باب حمام الصالة
ولبق السيكل وعلى نزلته .. بنعلة الحمام لبسة ودخل (أيقاله نظيف لا انضفه بابطي)

والثانية تركض وبأيده جبس ..منكسره ايدها
والثالث ملحوق بكعب
والرابع يصيح بعد معركة
والخامس مع الخيل ياشقرا ==>>> كثيرين من هالجنس (لو تحط بالك لهم)
السادس .. معه صفيرهـ وازعاج وقلق
والسابع مسوي زعلان وحاط يده بالجدار وحاط جبهته على يده
والثامن مشتريله من البقاله ومخباته منتفخه ولا يبغا أحد يعرف

المهم المشهد الآن داخل المجلس..

شوي وجت القهوه شايلته خالتي وبيده جوال أخته وتقول لأمي أمسكي الجوال وعطيه حصة لقيته مجدوع بالطريق

شوي جاء الموكب اللي قدام يصيح واللي وراه الحريش

معناتها الحريش لغة/ الشخص يحرش على الثاني للأنتقام
اصطلاحاً/ حق شرعي يتخذ من فلان المعتدى عليه

المهم.. القدام يصيح ومودينه لأمه.. يوم وصلوا
الولد اللي يصيح زاااد صياحه يوم شاف أمه مادري ليش
ويوم بدأ فريق الحريش يسرد المأساة وأن الجاني أعتدى عليه زاد بكاءه أضعاف مضاعفه
والجاني هو الشرير اللي يخرب عليهم .. وهذولا جايين فزعة..

لجة × لجة..

يا عالم والله ما أزود عليكم..
كنت أبطلع لما سلمت وأنا من النوع اللي مايحب الازعاج أبداً..
لكن قلت خل أبجلس وأشوف الحريم ليش جالسات مايحسن ولا ليش أجل.؟ قررت أعرف السر وجلست..

طبعاً أنا (الولد الوحيد) في هذه المرهـ لأن لي أخوات من الرضاعه .. فذلك المنطقه محظوره إلا مني انا فقط ==>> يحق لك


الأمر لا يطاق.. أبداً
اللي يقهر زيادة أنهن يسولفن عادي ولا كأنه فيه إزعاج ولا مشاكل

انا من يوم دخلت لين طلعت ماسمعت سالفة كاملة أبداً..

المهم نكمل

جات البنت اللي بيده جبس مادري جبص . ماني عارف وشلون يكتب


تبي حلا اللي تووه واصل

عاد مكتوب بالجبس..
سلمان بطل العالم..
عفاف غبية ==>>> عفاف هذي صاحبت الجبس لكن كما ذكرنا لكم أنه لاتوجد محكمة تقضي الأمر ويمكن هي ماتعرف تقرأ .. هي اللي فيها المشكلة ويسبها في جبصها
المشكلة أن الجبس جاي بسبب سلمان وهو اللي يستغل الدعايات على الجبس


وتشوف توقيع بالجبس وحركات.. ورقم لوحة سيارت أبوه


المهم.. شوي ويجي الحلا.. ماشاء الله كشخة الحلا هذا منهو حقه..
هذا اللي مزينته خلوود
ماشاء الله حلو لكن ..
يطقطق مخي إذا أكلته ===>>> فيه عبس مطحون

شوي ويدخل القشد زى ماقال واحد من الشباب (تمر حار)
هذا مزينته أمي منيرة

طيب والكيك هذا .. وأنا أسأل رن الجوال .. ويسهجونن ولا ميجب لندائي

والتفت وشلونتس ياميميتي أقصد جدتي
ما اسمعتس والله
طيبة أنتي بس (بدينا نتكلم بالأشارات)

هذا الكيك جاهز يااسطورة ===>>> لاحظوا أنها مانست السؤال ورجعت وجاوبت بعد المكالمة

فيه بزر .. يصيح دخل ودار بالمجلس وطلع (مالقا أمه)

والثاني لفض اللي بثمه وحلته ورا الكنب (وأنا جالس أراقب ) لأن هالوقت مايفيدك إلا (العيون فقط) الآذان ماينفعن هالوقت


يماااااااااااااااااااااااه يوووووووووووووووووووووووووووووه
أخوي شنتر على روحة

الأم/قولي لـ حنان توضيه أنا أصب للضيوف

هي/اسطورررررة اسطووووووووووورررررة اسطوووووورة
الله يعطيك الصقة ماتوحي...

أنا/ سمّي إلا اسمع بس جالس أشوف هذا البزر ياويلي .. يدور امه

هي/أقول وش رايك بقهوتي ====>>> ماجابت خبر البزر.. متعودين ههههه

أنا/واالله ممتازة لو مابه مسمار كان أحسن..


هي/ابتش أزين المسمار أمك منيرة تحبه .. (طيب انا وش دخلي)

ايه صح .. صدقتّي.... سلكلهم بس



لطيفة /دريتي ان أم عبد الله بالشهر التاسع..؟

ايه دارية من كثر التبطح عرفت انه بالتاسع

جدتي/اقول يالربع أذكروا الله ===>>> ماهنا غير العجز هن اللي يذكرن الله يرزقهن الجنة



لاإله إلا الله

جدتي/ااسكتوا ابحتسي
شوفن كلكن (وانتم بعد اسكتوا اصص)
الحين هذي بدرية وهذي بنت أخوي سليمان
وهذي بنت عمتكم ياحصة كلهن بالتاسع
يبي يجعصن ويفقسن جميع ماشاء الله


ماندري عاد لكن ولدي الأول أكبر من ولده..
هذاك اليوم على مدار العام بالظبط جابت ولد هي ماشاء ا لله

سنه بالظبط المية بالمية

أيه بس (نوره) كبر بنتس (منى) اللهم أنه أذهن شوي وتحتسي من يوم هي صغيرة

ابتش شفتي ان ماعندتس سالفة

الحين هند بنت سليمان كم بينه وبين عفاف

والله مادري بس أذكره يوم أنا متوحمة بعاصم وهي جاعصته..

ايه يعني ماهنا فرق يسوى ..



أنا/ راسي بد يوجعن ماتحملت


هاللي تشوفون يسولفن ويتكلمن .. وبزارينهم فوق روسهم يووه أبي هذا أبي كليجا
مابي قهوه أبي كيك
هو/أبي فصفص
هي/مافيه فصفص
هو/إلا أنا شفته مع ناصر..
هي/طيب رح قله يعطيك









هو/يووووه مامااا أبي ريال أبشري من بسطت بشاير
وش حيت( نهاد )

هي/أنا مالي دخل بالناس نهاد عنده أمه تعرف تأخذه منه..الله لايبارتس بهالبسطة ومن جابة
يالله الحين يبي يعافون العشاء الله يخلف..



ثنتين بندول على الطاير..ياجماااعه أنجدوني



طيب...

وسّخ ولدي
بزرها طاح من السيكل
واحد مفلوق ببطارية
بطنه يوجعه من الفول السوداني
ميتن حر (مدحملينه أهله لين قال بس)
ضاع رياله اللي يبي يشري من البسطه
خرب جنزير سيكله
طلع بي دم
جوعان
كسر الدفاية
طاح على الغاز
انشلق أصبعة
طلع فيه (زلق باثمه)
ضاع قفل البسطة
ضاعن نعالي


ويالله ,, على هالمنوال





والمرد والمرجع هي المسكينه ... الأم
يالله

شي غير طبيعي
لو أنا جالس زياده نصف ساعة كان ميت




ما أعضمها من أمومه وما أعظمهن من نساء.. حتى إذا حمقن علينا

طبعاً الكلام يطول جداً.. ولكن ماودي اطول عليكم زيادة يسد هذا ههههههههههههه



لنا لقاء قريب جداً..
مع أن هذا أول لقاء لي ..
لكن نواصل إن شاء الله
إذا كنت خفيف ظل
واتمنى ذلك


منقول

>>>>> ردود الأعضـــــــــــــــــــاء على الموضوع <<<<<
==================================

ههههههههههههههههههههههااي
عششششان تعرفون شنوو الي يعاانون منه الحريم
يسلمووو

__________________________________________________ __________
هههههههههههههههع
شفتو كيف اشغال المراءه
الله يعينا بس على التماسيح اللي ماتفهم ههههههههههههع
يعطيك العافيه


__________________________________________________ __________
صراحه بالصميم اقرى وانا مبسوطه حنا كذا حريم ونونس بعضنا وكلنا ضغوط بس الله يعين الحياه يبيلها صبر ومشكور على النقل

__________________________________________________ __________
هههههههههههههههههه
يازين الحريم بس فديتهم مو انتو يالشباب بس جالسين ولاهمكم شي <<< اخاف انذبح هههه
يعطيك الف عافيه يالغلا
تحياتي

__________________________________________________ __________
●
يعطيــــــــــــــــــــــــــــــــــــكـ العـــــــــــــــــــــــافيــهـ ‘
يــــــــــــــــارب‘
*
عــلـى المــوضـــوع الآكثـــر‘
مــــن رائــــــــــــــــــــــڑ
*
تقبــــــــــــــــل مــــــــــــــروري‘
*
لــــــــــــــــــــــوتـي فـــــــــــــــــــــروتـي
●
●


الله يقويهم هالحريم>>> يا شيخ
من جد يصبرون مو مثلك على طوول بكف>>ذاك اللي بالسجاده