عنوان الموضوع : اول يوم صياام مضحكو جدا
مقدم من طرف منتديات الشامل

مرحباااااا

كيفكم وكيف رمضان معكم <<منيح؟؟<<< ماكله معي جو سوري هاليومين بمناسبه باب الحاره

المهم

منذو مبطي ما كتبت موضوع مثل العالم <<<تعرفون الدارسه <<ذابحتني الدفاره
مثل ما انتم عارفين ان اليوم اول يوم صيام
بقولكم وش صار فيه<<<اربطو بطونكم خخخخخخخخخخخخخخخ


من اليوم وطالع بناخذ شعار جديد









جاري تحميل الموضوع

.....>....>....>...

قبل الفجر <<يعني وقت السحور

كنت مسوي حاله استنفار في البيت
ومقوم وامي والكنق جواهر(الشغاله) وجادعهم في المطبخ
واقولهم ما في طلعه قبل ما تطبخوا لي سحور يشبعني شهر رمضان كله
وانقز واروح لمطعم واطلب لي سحور<<خايف ما يمدي امي تطبخ لي سحور

المهم امي ما قصرت طبخت لي خاروفين و خمسطعش دجاجه غير الفطاير و و و و ...الخ
وانا اجلس على السفره وضرب ضرب <<<بكره صيام لازم ادسم
والحمد لله خلصت قبل ياذن<<بوقت قياسي ساعتين ونص اكل<<اول مره اخلص بدري
ورحت اصلي الفجر ورجعت ونمت
صحيت على صلاة الظهر
واروح اطل على المطبخ <<في ريحت اكل <<ما يمديك تجوع
واشوف امي متربعه وتسوي سنبوسه <<< بدت عصافير بطني توصوص

وادخل على امي باكل قالت امي :وين يا الحبيب وكاله من غير بواب؟؟<<<< مشكله اذا العجوز تابعت مسلسلات كويتيه خخخخخخخخخ
قلت: بروح اكل ميت جووع
امي: وين الصيام والا مثل اخوك الصغير
قلت: وهو وش مسوي؟؟

امي: جاني يبي ياكل قلتله انت مو صايم قال الا بس الحين ناسي باكل واذا شبعت اتذكر <<محشش الولد
قلت: يعني اضف وجهي
امي : وبكل سرور<<< تحطيم
واطلع قلت بسلي نفسي لين يجي العصر
واروح ادور شي اتسلى فيه واحصل حبيب قلبي كتاب الفيزياء الي حملته<<<جايبه معي لرفحا<<ما ادري ليش !!

واخذه واتفرج على الصور<<هو ما فيه صور بس قاعد اتفرج على خرابيشي<<<< يعني لو انا نيوتين ما ركزت مع عباس الله يذكره بالخير

المهم عدا الظهر وزاد الجوووع <<خلاص ما اتحمل
وجاء وقت العصر صليت ورجعت للبيت والاخلاق بدت تخرب
وادخل البيت واحصل اخوي الصغير <الي افطر
يقولي : ركبلي البلاستيشن وانا امسكه واشوته لين ما وصلته لامي

قلت : ضف وجهك يا وجه البومه فاضي لك انت وبلاستيشنك
وانا ازعل واطلع من البيت<<ما ادري ليش زعلان بس كذا مسكت زعلاه هالعصريه
واطلع اتمشى<<يمكن يخلص العصر بسرعه
وانا اتمشى واحصل بنقالي كان يشتغل في حلاق ومره خرب شعري <<<قبل سنه ونص تقريبا <<ما نسيتها فشلني عند الربع
قلت في نفسي: خلني اتسلى فيه شوي
وانزل عليه واناديه : شفيق ولعنه تعالي يا (طااااااااط)<<< اللهم اني صائم <<لازم يخليني اعصب خخخخخخخخخخخخخخ
ويجي شفيق يدربي راسه
اقوله: ليش تخرب شعري قبل سنه ونص؟؟ والله لا اربيك
وامسكه واتوطى في بطنه <<وانا اصفقه اقوله مره ثانيه اعرف تحلق بعدين افتح محل واكمل عليه التلفيع <<يعني انبسطت شوي خخخخخخخخخخخخ
واترك المسكين واروح اتمشى واحصل واحد من ربعي في الشارع مع واحد ما اعرفه
وانزل اسلم عليه << منذو مبطي ما شفته
وهو بيعرفني بالي معه : يا ميسوو بعرفك على هالرجال ...<<بيكمل
وانا اقاطعه(معصب): اشوف انه رجال يعني عمري قلت انه حرمه؟؟؟ لابوكم لابو الي يقعد عندكم
واقوم واتركهم وانا معصب <<<<< الاخلاق تروح مع الجوع

وارجع للبيت

<<<للمعلوميه<<< نضامنا في رمضان فطور خفيف مع اذن المغرب وبعد الصلاة نكمل الفطور وفي الليل <<<يعني من 11 الى 12 العشا الرسمي والسحور مثل الخلق قبل الفجر


المهم

وارجع وباقي ساعه وشوي على الاذن
وانا اوقف في حلق امي :وين الفطور, جهزوه يمكن يذن بعد شوي , بسرعه حطو الفطور , ما باقي شي ,.....الخ

وتجي امي تحط فطاير خفيفه وقهوه وعصير <<يعني فطور خفيف
وانا مبقق عيوني: وين الفطور؟؟ لا تقولي بناكل هذا بس<<عاد معي اخوان ياكلون عفش البيت<<< اذا خلص رمضان نشتري عفش جديد خخخخخخخخخخخخ
امي: بعد المغرب انشالله الفطور الحين تاكل ذا وتضف وجهك تصلي


المهم


وانا جالس انتظر الاذن مع بابي ومامي واخواتي<<يعني اخواني بس باللبناني خخخخخخخخخخخ
وانا ناقز عند الدريشه انتظر يأذن الا في وحد في الشارع يصارخ يقول: الله....<<<ما يمديه يقول الا والتمره في فمي
ويكمل الولد :الله يا زين فطورنا <<< بغيت الحقه وتوطى في بطنه<<يا حظك انت وفطوركم وانشالله ما تتهنى فيه يا ابن(طاااااط)

المهم طلعت التمره بسرعه
ولله الحمد اذن المغرب<<< صوما مقبولا وافطارا شهيا
المهم اكلنا كل الي كانو في الصحون ونتهاوش انا واخواني على اخر فطيره <<يا ولد انا اخوكم الكبير المفروض تحترموني عطوني الفطيره
واخوي الصغير يقول انا اخوكم الصغير المفروض ترحموني عطوني الفطيره<< ويجي ابوي وياخذها وياكلها <<يقول بلا تتهاوشو على فطيره خخخخخخخخخ
المهم ونروح للمسجد <<للحين جوعانين
وانا بالطريق للمسجد الا في طريقي امامنا وانا امسكه واحب يده طلبتك يا شيخ انك ماتردني<<<والله لو بخطب منه ما قلت كذا خخخخخخخخخخ
قال الامام: امر وش تبي
انا: تكفى اقرا الاخلاص والكوثر ميت جوع وبرجع اكمل فطوري
الامام: ابشر ما طلبت شي

وانا انبسط كل تفكيري وانا اناظر سفرتنا مليانه واتخيل شكل السنبوسه وهي تقرمش<<امي ابداع بالسنبوسه بس لاتقولو جيب لنا معك خخخخخخخخخخخ

واول ما كبر الامام وانا اناظر الساعه واحسب يعني دقيقتين ونص وحنا خالصين

والامام طلع حاقد علي <<<<ما ادري خخخخخخخخخخ

ويصكنا بالركعه الاولى البقره وخمس اوجه خخخخخخخخخخخخخخخ

يا ولد يا ليتني ما قلتله خخخخخخخخخخخخخخ

والحمد لله خلصتنا صلاة في ثلث ساعه <<بالعاده خمس دقايق بس بعد الطلبه الي طلبتها الامام خشع خخخخخخخخخخخخخ

ورجعنا للبيت وكملت فطوري وكان هذا اول يوم صياام


تم تحميل الموضوع

...>...>...>....



* ارجو ان تنال اعجابكم *



تحياتي

@الميسترو@

>>>>> ردود الأعضـــــــــــــــــــاء على الموضوع <<<<<
==================================

يشرفني أكون اول من يرد عليكي حاولت اقرأ الموضوع بس مرررره جيعانه وعطشانه انشاء الله اقرأه بعد المغرب
تحياتي
@عصفوره@!

__________________________________________________ __________
هههههههههههههههههههههههههه
قمة التحشيش
يعني يا عزيزي الحال من بعضه

ترى انا صايمة ومو شايفة قدامي وميتة من العطش واليوم حر اكثر من اي يوم مر بالسنة
وكل ما يمر حد من جمبي اتهاوش معه ولاتفه الاسباب

حتى اليوم حاسة ان النهار طـــــــــــــــــــــــــــــــــــــــــــــويل

على العموم يسلمو ع الطرح الحلو
يا صديقي المـــــبدع
وكل عام وانت بخير
تحياااااااااااتي
do or die


__________________________________________________ __________
هههههههههههههههه

مشكوور اخوي عل الموضع

الله يعطيك العالافيه




ومبارك عليكم الشهر



ــــــــــــــــــــــــــــــــــــــــــــــــــ ـ
تقبل مرووري

__________________________________________________ __________
المشاركة الأصلية كتبت بواسطة @عصفوره@!
يشرفني أكون اول من يرد عليكي حاولت اقرأ الموضوع بس مرررره جيعانه وعطشانه انشاء الله اقرأه بعد المغرب
تحياتي
@عصفوره@!


يشرفني انك مريت على موضوعي

امممما حاولتي تقري خخخخخخخخخخخخخخ

اكلي واقريه<<اهم شي الاستفاده خخخخخخخخخ


الف شكر على الموضوع


///


\\\

__________________________________________________ __________
المشاركة الأصلية كتبت بواسطة do or die
هههههههههههههههههههههههههه


قمة التحشيش
يعني يا عزيزي الحال من بعضه

ترى انا صايمة ومو شايفة قدامي وميتة من العطش واليوم حر اكثر من اي يوم مر بالسنة
وكل ما يمر حد من جمبي اتهاوش معه ولاتفه الاسباب

حتى اليوم حاسة ان النهار طـــــــــــــــــــــــــــــــــــــــــــــويل

على العموم يسلمو ع الطرح الحلو
يا صديقي المـــــبدع
وكل عام وانت بخير
تحياااااااااااتي
do or die



خخخخخخخخخخخخخخخخ

الجوع هو الي يشغل المخ خخخخخخخخخخخ

الحمد لله ماني عندك والله تلفعت خخخخخخخخ



الف شكر على مرورك

نورتو الموضوع




///





\\\





i can't say any thing

thanks


رمضان كريم

كل عام و أنتم بخير