عنوان الموضوع : كورة السله الامريكيه nba - نكت جديدة
مقدم من طرف منتديات الشامل

مرحباااا..الخ

ادري بتسالون كيف اختبارك<<والله ما احد داري عنك عشان يسال عن اختبارك

ما علينا

المهم



في ايام زمان كنت اتفرج على التلفزيون وفجأة جابوا برنامج عن كرة السلة الأمريكية بصراحه البرنامج كان رهيب وفيه لقطات رهيبة وخش مزاجي بقوة واحلى شيء اعجبني الرميات الثلاثية والكبس على السلة واعجبني لاعب اسمه مايكل جوردن كان سريع وملعون جدف ولا يهون باقي اللاعبين


المهم بعد نهاية البرنامج تمنيت لو عندي ملعب سلة عشان اطلع مهاراتي لكن الله يلعن ابو الفقر ماعندي إلا حوش وياليت حوش مرتب زي حوش عيال النعمة والله تقول مزبلة كل شيء تتوقعه تلقاه موجود عندك حوض صغير مساحته 2 متر مربع فيه بعض الزروع وتسمى (العضاهين) متر مربع يعني سبعين متر مسبع


مشكلة هذا الحوض انه مسوي زحمه في الحوش ولا ننسى الخيط الأصفر المربوط من مكيف المقلط إلى مكيف المجلس معلق عليه سبع سراويل وثلاث فنايل



انا بعد ماشفت الوضع مزفت دخلت البيت وصكيت الباب ومسحت الموضوع من راسي بعد ساعتين تقريبا في العصرية طلعت الشارع عشان اروح للبقالة وانا رايح للبقالة لقيت الجيران اللي جنبنا مطلعين زبالتهم عند الباب طبعا الزبالة لونها حمراء وفي داخلها كيس زبالة اسود تعودت اشوفها كل يوم حتى اني صرت اسلم عليها من كثر ما اشوفها ومن زود المعرفة ردت علي السلام<<<< بس ماعطيتها وجه متغلي ابو الشباب




مشيت بطريقي وفي نفس الحارة لكن بعيد شوي تقريبا بعد مامشيت بـ 1 كيلو لقيت زبالة ثانية عند باب مؤذن المسجد طبعا الزبالة تشبه الزبالة اللي عند باب جيرانا بس لونها ابيض ونفس الشيء فيها كيس زبالة اسود ونفس الموقف اللي قبل صار مع هذه الزبالة بس من عاداتي اطنش يعني متغلي يقولون القاء السلام سنة ورده واجب بس الله يغفر لنا بعدها رحت للبقالة واشتريت كيس ليز ابو 4 ريال وواحد ميراندا تفاح اللي كان طعمه مجنون بس انقرض للأسف ،،



رجعت للبيت وقعدت اكل واتفرج على التلفزيون تتوقعون وش قاعد اتفرج عليه معروف برنامج ( أرضنا الخضراء ) احس البرنامج رهيب بس ما أدري كيف فكيت معاه اخيرا بعد نهاية البرنامج اذن علينا المغرب وطبت علينا الهيئة ( الأب الفاضل) وبيده عجره ما أدري وش قصة هذا الأب وين التربية الحديثة الله يخلف ، المهم بعد مانطردت من البيت مريت عند باب الجيران إلا ونفس الزبالة الحمراء باقي موجوده يوم شفتها قلت في نفسي وش فيهم ذا الجيران شكلهم مايبون زبالتهم ؟؟؟ ونفس الموقف مع الزبالة البيضاء عند بيت مؤذن المسجد الزبالة ماتحركت ولا ملي واحد ،، طبعا طنشت الزبالة ورحت للمسجد وصليت مع الجماعة الثانية لأنهم ماشاء الله سريعين ويخلصون بسرعة



بعدها رجعت للبيت وفجأة رجعت فكرة كرة السلة في راسي وقعدت اقول في نفسي طيب من وين اجيب شبك كرة السلة ،وفجأة !!!!!!!!!!! والله وجبتها يا ميسوو الزبالة الحمراء والبيضاء ازرفها واقطعها من تحت وتصير زي الشبكة والله وجات الفكرة ،




طلعت بالليل الساعة 11 مسوي نفسي اتمشى في الحارة وقعدت اناظر عند بيت الجيران اشوف فيه احد راح يطلع والا لا بعد ماتطمنت وشفت الوضع تمام اخذت نظرة لمدخل ومخرج الحارة يمكن تجي سيارة او واحد يمشي في الحارة يعرفهم الحمد لله كل شيء تمام واخطف الزبالة وانحاش فيها زي الصاروخ وادخل للبيت حلو ،، الحين صار عندي زبالة واحده ،، باقي الزبالة اللي عند باب المؤذن من اللي راح ياخذها ،،، قلت في نفسي لازم ارسل واحد من اخواني يجيب الزبالة عشان مالها داعي يشوفوني اسرق زبالة لأن بيت مؤذن المسجد بعيد شوي يعني 1 كيلو مشوار




بعد التفكير قلت مالها إلا اخوي الصغير وفعلا رحت عنده وكلمته بس ما أقتنع حس انها فشيلة وقال لي بأستغراب اسرق زبالة الله يلعن ابو الفشيلة وش تبغى الناس تقول عني ؟؟ هديته شوي وقلت له شوف حنا ماراح نسرقها إلا في الليل يعني الشوارع فاضية لاتخاف وبعدين بنروح سوا لاتشيل هم بعد محاولات كثيرة اقتنع وقلت له اني راح اباشر عليك بخمسة ريال وش تبغى بعد ،، اخيرا بعد الخمسة ريال وافق وقال خلاص بجي معاك بس انا راح اسحب الزبالة لنص الطريق وانت تكمل الباقي قلت له خلاص ماعليك ،



الساعة 1.30 بالليل رحنا لبيت المؤذن وكان عنده البنقالي حق المسجد قاعد يغسل سيارة ،، قعدنا عشر دقائق بس ماتحملنا الموقف لأن الوقت متأخر وصعب نقعد خارج البيت وقت طويل جيت انا وقلت لاخوي الصغير شوف يا خوية انت ماتصلي مره ولا تروح المسجد صح ؟؟ ايه صح ، خلاص انت روح عند البيت واخطف الزبالة وانحاش بأسرع ماعندك واذا شافك البنقالي صدقني ماراح يعرفك لأنك اصلا ماتصلي في المسجد ، اخوي عيا ورفض وقال والله ما اخذها إلا إذا راح البنقالي ، قلت له خلاص راح اباشر عليك بـ 8 ريال وش قلت ؟؟ قال لي قل قسم بالله ، قلت له والله العظيم راح اباشر لك ب 8 ريال ،




بعدها راح اخوي وخطف الزبالة وحط رجله والبنقالي يصايح عليه لكن ماعطيناه وجه بعد ماوصلنا نص الطريق فك الزبالة وقاعد يلحق وراي حتى وصلنا البيت بعد ماوصلنا البيت ، قلت له ياملعون وين الزبالة ، الله يلعنك انت قلت لي نص الطريق وانت تكمل الباقي ، طيب ليش تفكها قسم بالله ما اباشر لك ، روح جيبها ، بعد النفخ والسب راح وجابها ودخلنا البيت وخذناها معانا للحوش وقعدنا نقصقص فيها حتى ضبطناها سلة ياسلام وعلقناها على جدار الحوش وطلعت شكلها تحفه ،



ياسلام ناقصنا حاجة واحده بس كوره وتكمل المهمة ، خلاص سوينا المهمة الصعبة الكوره مقدور عليها ،، اليوم الثاني طلعت للبقالة واخوي الصغير طلع معي يلحقني قلت له وش تبي قال انت قلت بتباشر علي ب 8 ريال قلت له انا الحين ماعندي شيء بس اوعدك قال لي انت حلفت ولازم قلت ان شاء الله راح اباشر لك بس الحين خلنا نروح للدكان عند بشير عشان ناخذ كوره ونسجلها حساب ، قال خلاص رحت للبقالة وخذنا كوره بـ 15 ريال وقلت له حساب على الشيبه ، قام بشير وسجلها






استغليت الفرصة ابغى افتك من اخويه قلت له خذ لك تشكيلة فشافيش وحلاوات بثمانية ريال ، وعلى طول ماصدق راح جمع له بطاطسات وحلاوات ويناظر فيني كأني ولي نعمته وفرحان لو قلت له يجيب زبالة البلدية الصفراء ماراح يقصر ، بعد ماعبى الكيس قلت لبشير سجل حساب 8 ريال ، مافيه مشكلة على طول يسجل ،،



استغليت الفرصة ابغى افتك من اخويه قلت له خذ لك تشكيلة فشافيش وحلاوات بثمانية ريال ، وعلى طول ماصدق راح جمع له بطاطسات وحلاوات ويناظر فيني كأني ولي نعمته وفرحان لو قلت له يجيب زبالة البلدية الصفراء ماراح يقصر ، بعد ماعبى الكيس قلت لبشير سجل حساب 8 ريال ، مافيه مشكلة على طول يسجل ،،



رجعنا للبيت وقبل مانرجع البيت مرينا على البنشر عشان ينفخ لنا الكوره لكن الباكستاني حق البنشر نشب لنا عيا لاينفخ الكوره يقول الهوا خلص ،، قلت له انفخها يا صديق بعد محاولات قال انا سجل حساب قلت له سجل حساب مافيه مشكلة بس انفخها ،،


بعد مانفخها رجعنا للبيت قابلت ولد الجيران وقال لي ماشفت زبالتنا قلت له شفتها عند عيال جيرننا قال لي متى قلت امس في الليل قاعدين يشوتون فيها اتوقع انهم كسروها وجات البلدية الصباح وشالتها ،، بعدها حقد جارنا على عيال المالكي وقاعد يسب فيهم وتركته على حاله ومشيت للبيت وجمعت باقي الاخوان وسوينا فريق كرة سلة ولعبنا وفليناها بعدها في اليوم الثاني كان فيه واحد يدق على جرس الباب بعد مافتحت الباب تتوقعون مين ؟؟؟؟؟؟؟؟ انا ماصدقت يوم شفته مايكل جوردن معقولة وش جابك من امريكا إلى عند بباب يتنا اكيد تبغى تلعب معانا سلة ، قال لي لايكثر جيب زبالتنا ياحرامي ..... انتهت القصة ..


مايستفاد من القصة
1- السرقة حرام بس للضرورة احكام مهما كان السرقة حرام والله يغفر لي ويسامحني
2- لايجوز التفتين بين المسلمين عندما قمت بتوريط عيال جيراننا مع ان مالهم ذنب في السالفة
3- ارهاق ميزانية الوالد وذلك بتسجيل حساب من ورا ظهره وهو مايدري وان درى بيتوطى في بطنك


سؤال القصة

ما معنى كلمة عضاهين ؟؟؟



تحيــــــــ @الميسترو@ ــــــــــاتي

>>>>> ردود الأعضـــــــــــــــــــاء على الموضوع <<<<<
==================================

ههههههههههههههههههههههههههههههههههههههه الله يرجك ياشيخ

بس عجبني الخيط الاورنج اللي معلق عليه سبعة سراويل

اما الكلمة مادري عنها بس احسن اكتب في قوقل


وهذا وجهي لولقيتها (( جرب حظك)) ماراح تخسر شي


تحياتي

@شقاوه وحلاوه@

__________________________________________________ __________
المشاركة الأصلية كتبت بواسطة @شقاوه وحلاوه@
ههههههههههههههههههههههههههههههههههههههه الله يرجك ياشيخ

بس عجبني الخيط الاورنج اللي معلق عليه سبعة سراويل

اما الكلمة مادري عنها بس احسن اكتب في قوقل


وهذا وجهي لولقيتها (( جرب حظك)) ماراح تخسر شي


تحياتي

@شقاوه وحلاوه@


خخخخخخخخخخخخخخخخ

جربي يمكن يطلع لك<<انا جربتها في ياهو ما طلعت خخخخخ


الف شكر على المرور

تحيـــــــــ @الميسترو@ ـــــــــــــاتي

__________________________________________________ __________
جربت على قوقل ماطلعت

خطأفي الصفحه ههههههههههههههههههههههه

بس حبيت اديك خبر

__________________________________________________ __________
وه وه وه تعبت >>تحمدوا لي بالسلامه

موضوع نايس يصلموو وتقبل مروري

__________________________________________________ __________
المشاركة الأصلية كتبت بواسطة شموخ عزتي
وه وه وه تعبت >>تحمدوا لي بالسلامه

موضوع نايس يصلموو وتقبل مروري

الحمد لله على السلامه

الف شكر على الردود


تحيـــــــــ @الميسترو@ ـــــــــــــاتي

ههههههههههههههههههه
يسلموووووووو
تقبل مروري