عنوان الموضوع : وقفت عند اشارهـ وركب شايب واكل هوى <<< لا تطووفك هع هع - نكت خليجية
مقدم من طرف منتديات الشامل

السلام عليكم << ياشيخ بوسه على خدك:m-tabako:


قبل يومين كنت رايح أجيب عشاء ل امي الغاليه



واسمع كاظم وهو يقول


اش صار اش دعوه اش قلنالك
وعلى كلمة الدنيا قلبتيها
قلنالك يسلملي جمالك
جمالك والخطوه الحلوه تمشيها
اش صار اش دعوه يابنيه
صرتي بسرعه عصبيه



:38:

كان وقتها زحمةالشوارع ووقفت عند الاشاره
ومادريت الا شايب فتح الباب وجلس على المرتبه
ناظرته باستغراب خير ان شاء الله فيه شيء ياعم؟؟!!

قال ابروح معك :050103gig_prv:
ولعت الاشاره وما أمداني اشوف وش موضوعه لان العالم وراي بدوا يضربون بواري تخبرون ربعنا مايواطنون شي اسمه الصبر والتروي

عقب مامشينا سالته : وين تبي ياعم؟
قال آها بس وصلني قدام ولايكثر
بصراحه حقدت عليه وودي اصفقه ببوقس يقض وجهه لكني احترمت كبر سنه <<سنه والا ضرسه
ضاق صدري من هالشايب اللزقه اللي ماعنده اسلوب واتيكيت ..
الظاهر ان اهله ماربوه يومنه صغير
<< التعبيرشوفو من يعبر

التفت عليه بوجه مبتسم وبكل لطف وموده سالته : ماتعرفنا عليك ياعم؟
رد بزعل : ناظر دربك بس ولا يكثر قرقك

هذا والله النشبه الحين لازقن بي ويأمر وينهي تقل اصغر عياله

مره ثانيه نويت اصبخه باحد الاشرطه لكن تذكرت كبر سنه ..
سنه والا بدعه؟ <<مو وقته انت وخشتك

طول الخط وهو مغير يأمر وينهى ويزمر .. كل شوي ناطن بحلقي ومقلق راحتي اذا قربت للموتر اللي قدامي نقز تقل مقروص انتبه انتبه لا تصطدم واذا اسرعت قال شوي شوي.. وراك طاير تقل ملحوق ؟!

بصراحه لوع كبدي وفقع مرارتي وجابلي الصمرقع ..

حسيت ان المسأله تبي تطول وبديت انتف شعر راسي
وقلت له وين محلك ياعم

قال وراك انت ابلشتني ياكثر اسئلتك

أنا ياناس ياعالم وقسم بالله ماسويت شيء ...
وش هالعقوبه ذي والله لو انا نزلت فيك موضوع ما كان سويت فيني كذا

حقدت عليه بقووووه ونويت له شر وقلت بيني وبين نفسي دواك عندي يابن اللذينا << عصب


مرت لحظات صمت رهيبه كان يجول بخاطري هاجس الشر
كان يجول بخاطري هاجس الشر وشيطان السوء >> يأحليلي ..
وقررت ان يكون الانتقام كبيرا بحجم هذه المصيبه التي بليت بها يا مربط
<<<وراء الهرج تغير

هذا من زود الزعل والغبنه صرت اسولف لغه عربيه فصحى
ولعت لمبه فوق راسي مثل حقات افلام كرتون كنايه عن وجود فكره

تذكرت حي للتفحيط يجتمع به الدشير اللي ماوراهم شغل ولا مشغله الا التفحيط والاستعراض
<< ياروحي يامربط

طقيت اللطمه ورجعت ظهري على المرتبه ومسكت الطاره مضبوووط ودزيت الموتر لشارع التفحيط ودوووووووس يامربط :33_f:
80


90

100

120

130

140

150

160

170

180


وكل بين سرعه وسرعه التفت على الشويب وانا عاضن على سنيناتي من القهر واساله وشلونك ياعم؟
ويرد وهو قاط راسه على باب الراكب طيب ولله الحمد

ثم اردد بيني وبين نفسي نشوف عقب شوي وشلون يصير وضعك
>>>يحلفون ان تعاف اليوم اللي ركبت مع مربط

مشينا فتره وتعدينا الديره والبيوت والعمران ، يوم شاف الدنيا اظلمت والخط طال التفت علي وهو يتنافض وين تبي توديني ؟؟؟!!
أبي أمي أبي اهلي لا تضيع مستقبلي واللي يرحم والديك
<<< وينك قبل دقيقتين

أي مستقبل الله يعظم اجرك وانت مالك الا ضرس واحد بفمك

اها اسكت ولا يكثر
<<< صرت انا اللي أهاوشه ياشين الانتقام

اقبلنا على شارع التفحيط وكانت فيه أمة محمد مجتمعه والشباب انووواع الاستعراض

كنت دايس على الموتر وكاتمن ام الدعسه .. يوم شاف العالم والشباب فتح الدريشه وطلع راسه وقعد يصارخ
الحقوووووووونى يا الاجوااااااااااااد

الشباب يحسبونه يستهبل ويسوي حركات ويظنون اننا نبي نفحط خصوصا واني مسرررع بالحيل

يوم شفت الوضع كذا قلت خل نكمل السيناريو ونندمج مع الوضع على سرعتي حذفت الموتر حذفه طووووويله وما تسمع الا ونين الكفرات عقب النطله الاولى لحقته بالنطله الثانيه وكانت اقوى من الاولى

الشويب مع الحذفه الاولى صك بالقزازه ومع الثانيه مارده الا القير
عقب الحذفتين الطواااال لحقتهن بثنتين مثلهن ثم ختمت الدعوى بعقده يحبه قلبك <<<< اخلص عاد تراك بيخت ام السالفه

ما امداني اعدل الموتر الا والشويب طايحن عند دعاسات الرجلين ناظرته وانا اضحك ضحكة سخريه ولسانه حالي يقول : وين هرجك قبل شوي ؟!
بدرى تو الناس مابعد شفت شي >>القادم احلى


العالم بدوا يشجعون ويرمون شمغهم واللي يصفق واللي يصفر واللي يقول عااااشت ايامك
ياامربط
عقب ماشفت هالاشياء ازداد عندي هرمون الزعاطه واختلط مع هرمون البزعه نويت ابدأ الشوط الثاني وشقعت وجه الموتر ودست على والديه

20

30

40

50

60

100

120



تقبلواا تحياتي


>>>>> ردود الأعضـــــــــــــــــــاء على الموضوع <<<<<
==================================

طيب والزبده

ههههههههههههههههههههههههاي

وش صار للشايب وهل تبي تقولنا أنك تعرف تفحط

كمل موضوعكـ


يشرفني أني أكون أول من يرد عليك
تقبل مروري يالغلا
ننتظر جديدكـ

__________________________________________________ __________
هههههههههههههههههههههههههههههههههههههههههههههههههه ههههه

ام الفله كان قلت لي اجي معاك خخخخخخخخخخخخخخخ

وربي ان الشايب دا امه داعيه عليه مسكييييين<<وين امه الله يرحمها

وقصم رحمته ذا الشايب خخخخخخخخخ

شوووكرا ولك مني احلى ++++++++++

__________________________________________________ __________
طيب وبعدين

لا يا عم ماراح اخرج من هنا الين تكمل

ما تقطم الحكاية من نصها وتمشي

مستنيه:m-tabako:

__________________________________________________ __________
هههههههههههههههههههههههههههههههههههههههههههههههههه

يا حليييله الشااايب تعذب بس ترة يستاهل على التشرط الي سواه كككككككككككككككككككككككككككك

يسلمووووووووووووووووووووووو

ربي يعطيك العافيه

__________________________________________________ __________
ههههههههههههههههههههههههههههههههه

محد قاله يلقف ويفتح الباب و يتكي

هع لا عدمناك يسلموووووو

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟