****** ((( المشهد الاول ))) ******
مناحي فارس القبيله الذي لا يشق له ثوب يمتطي جحشه وينطلق الى الغدير ليسقي جحشه ... فيشاهد مجموعة بنات يردن على الماء ..
فيقول: وش هالزحمه والله لو انه خباااز ....
ثم يرى بينهن سلمى فيدق جوال مناحي وقلبه ويغني ... شفتك ولا حطيت عيني بعينك ويغادر الغدير وسط ضحكات البنات الله يرجهن ...
****** (((المشهد الثاني ))) ******
سلمى تشكي حبها لخويتها عمشى التي ترد عليها ..
اسكتي ياشينه والله مالك غير ولد عمتس نجر ...
فترد سلمى عليها : كش عليتس يا دبه لا تحطمين مشاااعري !!!!
****** ((( المشهد الثالث ))) *******
نجر يتقهوى عند عمه الشيخ ابو سلمى شيخ القبيله ... ويطلب يد بنت عمه سلمى وقرونها !!!
فيوافق الشيخ ويخبر سلمى بالخبر فتغضب سلمى وتقول : يابابا نجر داااشر ويدخن مالبورو احمر ومامعه شهاده كيف أخذه .. ؟؟
فيرد ابوها ... انثبري ياملا الوجع مالتس الا نجر .. ولد عمك اولى من الغريب
وبعدين نجر هو فارس القبيله والكل يحبه صحيح انه مايكتب مواضيع زينه في المنتديات لكنه شجاااع ...
******* ((( المشهد الرابع ))) ******
مناحي يقابل سلمى بسوق الحريم ومكان الغزل حق القبيله ( الغدير ) ويتبادل معها هدايا الحب .. اهداها كرتون تمر وهي اهدته كيس جريش ...
مناحي يقول لسلمى : ليش ياعمري منتي حااطه بلوك على ولد عمك نجر ؟ !!!
فترد سلمى عليه : منيب با أقدر ...
وتخبره سلمى بخطبة نجر لها ... فيحزن مناحي وتدمع عيناه << دخل فيها تراااب
***** ((( المشهد الخامس ))) *******
الشيخ ابو سلمى ورجال القبيله مجتمعين في بيت الشيخ يشاهدون برنامج من سيربح المليون
يأتي مصيول راعي القبيله يصرخ : الحلال ياعمي انسرق ... الحلال انسرق ....
ويهب الشيخ ورجاله واقفين على حيلهم ويصرخ الشيخ ابو سلمى ويقول :
من سيرد الحلال ويربح بنتي سلمى وله ثلاث وسائل مساعده :
1- ياخذ بارودتي وحصاني أو يحذف عصا أو يتصل على مصيول .....
ويقف نجر ويقول : انا لها ياعمي .....
وينطلق نجر على حصان الشيخ ليلحق بالغزاه ليرد الحلال
***** ((( المشهد السادس ))) ******
الغزاه يمسكون نجر ويصفقونه وياخذون حصانه وبارودته ويخلونه يدقها كعااابي للقبيله << طلع خرطي ...
وهنا يقفز مناحي ويقول : محد يرد الحلال غيري فيرد الشيخ قم بس قم !!!
وينطلق مناحي ويلحق بالغزاه ويطخطخهم كل ابوهم وامهم ويرد كل الحلال .. يهب ياوجهه .. << علشان الحنان .. ولا هو من جنبها ..
ماعدا كم عنز ماتن بالطريق من حمى الوادي المتصدع !!!!
ا****** ((( لمشهد السابع ))) ******
يصل مناحي مع الحلال للقبيله .. وهو سعيد صالح بفوزه بسلمى ... ( بالهدف الذهبي )
وتتم الخطوبه والشبكه ( ابراجها فل ) وعمت الفرحه القبيله ويتم تحديد الزواج في العطله الصيفيه في قاعة جرف ليالي الغنم ...
ويشتري مناحي كم حصان بالتقسيط ويبيعهن كاااش حتى يوفر متطلبات العروس وجهازها ..
*******
فااااصل غنائي
سوووو يا سوووو حبيبي حبسووووو
حبيبي عاوز لمبه ... من فين اجيب له لمبه ...... الوااد بياع اللمبه حبسوني وحبسووووووه
دووووه يادووووه حبيبي جلدوووه ... حبيبي عاوز علكه .. من فين اجيب له علكه
الواااد بياع العلكه حبسوني وحبسوووووه
**********************************((( عدنا مجددا ))) *******************************
**** ((( المشهد الثامن ))) ****
قبل الزواج بكم شهر بدأت تمرض سلمى مرضا شديدا وبعد ان عجز دكاترة القبيله في علاجها يأخذها ابوها الى المدينه <<< تورط المخرج
ويعرضها على اكبر الاطباء .. وبعد فحوصات شاملة يقرر الطبيب ان سلمى تحمل صفات وهرمونات ذكوريه !!!!
ولابد من عملية لتغيير جنسها من امرأه الى رجل .. << قعد بها مناحي
وتتم العمليه وتصبح ( سلمى ) عقاب << مهو هذا اللي بلا ابوه
****** ((( المشهد التاسع ))) ******
فرح ابو سلمى لانه يريد ولدا يرث حكم القبيله بعده .... <<< ياشين هالوراثه
وفرحت سلمى التي اصبحت عقاب لانها كانت معجبه بصديقتها نوووفه .. ودزت لها ايميل وبشرتها ... ..
وعادوا للقبيله بعد ان تبدل حال سلمى الى عقاب وقصت قرونها بعد ماكانت تسوي شعرها كعكه لانه خشن ..
****** ((( المشهد العاشر ))) ******
يصل الخبر الى مناحي الذي كان قد جهز بيت الزوجيه << خيمه عمودين
فيسقط مغشيا عليه << مسكين.. ماله دور ثاني
فيشممونه كلونيا وبصل ولكن دون جدوى فقد مات مناحي .. << لو شمموه شماغه صحى
وعلم عقاب ( سلمى ) بموت مناحي فحزن حزنا شديدا جعله يتزوج من نووووفه !!!!
تحيـــــــــــــاتي
__________
وش رايكم في التمثيليه
( ملطوش وبقوه بعد )
رد مع اقتباس
