|
بسم الله الرحمن الرحيم<<< ياملحه اذا كان عاقل:f55:
الســلام عليكمـ <<< وعـلايكمـ الســلامـ:050103norm_prv:
اولا احب اهني نفسي بمناسبة العقل الثمين واسأل الله العلي القدير ان يجعلني ذخر للامه العربية والاسلامية:f55:
(( برنامج افراح وتهاني على الهواء مباشرة )))>>> طبعا المتابع
لمواضيعي الشيقة << مشكلة الثقة
لابد انه يحترق على جمر ليرى ابداعي>>مشكلة اللي مايصدق احد يمدحه ولو انها مجامله :002:
المهم بس خل اسدح عليكم السالفه
في احد الليالي الظلما والشمس مشرقة والأمطار
تهطل بغزارة والنجوم تلمع في السماء الزرقاء الصافية مع وجود قوس الرحمن بألوانه الجميلة << أتحدى أحد يلقى مثل هالجو اللندني ههههههههه >> شلت هدومي وقررت اتروش فطلعت
للحمام اللي ورى الصالة اللي كانوا اهلي مجتمعين فيها ماعدا ابوي ..وكان فيه زيادة اللي هم
عمتي وبزرينها وولد عمتي <<اخونا من الرضاع يمه منكم تروعون انتم ونظراتكم >>وكان ولد عمتي المسكين انسان مؤدب بس ماادري وشلون مصادق اخوي الشمالي << كنايه على انه:050103norm_prv:
مهسسسسسستر مثلي يعني وش اسوي اذا هو قدوتي >> المهم وانا
طالع اخوي الشمالي علق علي بقوله(( احلىىىىىى بتتروش ليكون عيد اليوم والا من اول
مااتروش الا بطلعت الروح))
لحظه فاصل إعلاني..
طبعا هو قايل تسذا لان ابوي قايل لي إذا تروشت كل ترويشه عليها 10ريال :002:
طبعا انا هنا تفشلت لانه ماكان احد يدري عن خياسي تقريبا الا اهلي
وهاالمطفوق فظحني فانا بحركة لا شعوريه رميت عليه الشنبو بس الله رحمه ولف عنه:040104_emI6_prv:
المهم رحت
انا وعلى بالي معصب ابروح اخذ الشنبو ومريت على ولد عمتي قال احلى يالقويـــي ,,, فانا
رمقته بنظرة خلت اخوي الصغير يقول له اسكت يالخبل ترى بيجيك شي يسبب لك عاهه مستديمه ثمن وش يفكنا
من لسان امك .
المهم دعت امي علي شوي ثمن استغفرت لانها متعودة على طبايعنا.. واخذت الشنبو وتوجهت بامان
الله للحمام .. ولعت الدش وبديت اتحمم لاعاد مايمديكم مركبين خزانات بعزل والمويه باااااااااااردة:110103_hlopaet_prv:
عشان كذا انا اذا دخلت الحمام اخذ لي ساعتين على الاقل عشان اطلع وتعرفون عاد اللي مثلي
مايتحمل يقعد ساعتين من دون مايحتسي احد والا يسولف فانا من دخلت وان هات ياسواليف
وحشحشه وغنا واناشيد ويامكه وياطيبه وادي لوه وماانتبهت الا واخوي الشمالي يطق الباب ويقول ::003:
( هيه الزين محنا بناقصين جن يكفينا هالجني اللي في خشتك بعد بتنادي قبيلته )طبعا تفشلت وحسيت ان الكل
كان طربان معي وماغير يتسمعون وقلت له وش دخلك يااخي من حلالك شي انا حر جنيي وقبيلته
وهم حرين يسوون اللي يبون .. قال وهوبيستفزيني (( تراني خذت جوالك ابوري ولد عمتنا المؤدب
هذيك البلوتوثات عشان نفسده مايصير يرجع لاهله وهو مؤدب:002: )) طبعا ياشباب البلوتوثات هذي قلة
الادب متبري منه ولو يدري ابوي ان عندي مثل هالاشياء انا كان تجيه جلطةويسحب الشريحة كلها
مهو بس الجهاز فخفت انه يتهور ويوريها ولد عمتي وتدري امي وتكفخني وتهددني بابوي لو ما
مسحتهن وانا ماودي .. المهم قلت الله لا يحللك ياويلك قال..ماعلي منك فسكرت انا الدش ولبست
صروالي وفنيلتي وعلى طول طلعت وبعدين .زوووووووووووووووووووووووووططط طع << طحت >> طلع
الاخ حاطن لي فيري عند الباب عشان ازلق انتقامن مني ليه ارمي عليه علبة الشنبو يعني الدعوه كلها
مقلب ..المهم انا انكسر ظهري ،،بالاضافةالى انهم ظحكوا علي الموجودين وصحت انا من الفشيلة
ودخلت غرفتي وفكرت بالانتقام ... طلعت ومعي نعلة سلاحي الوحيد<< يتذكر حركات البنات خخخخ
المهم ويوم شفته يبي ينحاش جدعتها
عليه وامي سوت نفسها رعد اللي في كابتن ماجد بعد ماكانت زورو وصدتها عنه<<< وانا اللي انقهر:cry:
وتنفري تسبدي من القهر .. وحلفت اني ما اسكت له وابفشله وابقهره مثل ماقهرني ....فتذكرت ان بكره
عرس ولد صديق ابوي مدري بنته المهم هو اكيد يبي يتروش وهنا اقدر اسويي اللي ابي .. المهم صرت ارقب واترصد له
بالتلسكوب والمكركوم والمجهر المركب والبلوتوث وبكل وسائل التقنية الحديثة الى ان جت ساعة
الصفر << ترى ولو شفتوني كذا بس اعرف اتفلسف >>وشفته وين يبي يتروش في أي حمام وكان
هذا الكلام على قرب صلاة العشاء .. المهم وانا اللي احط رجلي واشخط للمخزن واطلع علبة المفاتيح
وآخذ مفاتيح هذاك الحمام الاصلي والسبير ثم ركضت
لمه في الحمام وعلى طول قفلت عليه من دون مايحس فيني ورحت وو زيت المفاتيح وجلست احتريه
الييييييييين قظى .. ثمن يوم جى بيفتح الباب مسكين ينرحم حاول مره وثنتين وثلاث وما
قدر مايدري وش السالفة
الا يوم انه نطق الحجر وحكيت وقلت ايه خلك بالحمام استانس مع
شياطينك <<< رد اعتبار :f55:
تذكر يوم انك تحط لي الفيري.. يوم سمع صوتي والى يوم استشر ولعن وسب وهدد وانا
ابرد مني بهالكون مافيه هذيك اللحظة لا واحاول استفزه واهبل به << ايه هين
المهم بعد خمس دقايق قلت له
الشمالي انت يالخو خل عنك الدندرة والحتسي اللي مامنه فايدة واسمعني انا هالحين ابنزل ومتى مامات
شيطاني رقيت وفتحت لك:He-he.: المهم نزلت وتقهويت ويوم دريت اذن العشاء ورقيت لمه والى العائلة
كلها مجتمعه عنده امي واخوي الصغير طبعا اول ما طليت بوجهه المبارك استلجت امي ياللي
فيك مالا فيك افتح لشمالي انكتم بالحمام .. عاد انا دريت انه يستهبل عليهم وهو داري ان نقطة
ظعف امي الكتمه فحب يستثير مشاعرهم لان فيه حساسية بالصدر .. واخوي الصغير يغريني بمكافئات اذا فتحت له>>وهو ماعنده ماعند جدتي خل يسدد جواله اول 
.المهم ان الكل واقف ظدي ماعدا اخوي
تحتي على طول هي الوحيد اللي مئازرني ويعلق علينا ويستهبل وارقوكم يا اخواني ما تموتش ومن
هالحتسي .. المهم انا على بالي ابسوي شخصية فقلتله .. اسمع والله انا موب فاتح لك الا بعد صلاة
العشاء وان قلت كلمة زيادة ترى مانيب فاتح الا اذا راح ابوي لم العرس<< طبعا هواذبحيه عند
كلش الا الصلاة وانا عارفن له >> المهم مادريت الا وابوي داخل علينا السيب بشكله المرعب :to-sulk:
وهيبته من ناظرني وبكل كبرياء قال لي افتح ياصلوحه <<< يدلعني
لخوك لاتفوته الصلاة واتركـ عنا شغل البزارين اللي
مانيب مواطنه )) طبعا انا شرحت لابوي اللي سواه لي.. طبعا الاخ اللي منلطع بالحمام استنصر علي
ويحسب اني ابخاف من ابوي وابفتح على اساس انه مافيه ريسبوند مادرى اني تو ما استشريت يوم
غمز لي ابوي معلنن موافقته وتأييده:make-fun: .....عاد المسكين قام يتشحذني ويقول تكفا ابروح اصلي ثمن
قفل علي...بس ولاعنده احد صدق اني استاثمت فيه بس مايخالف هالمرة بس..
المهم لطعته بالحمام الى اجل مسمى مع بعض التعليقات مني انا واخوي الصغير .. ويوم عاد قظوا من
الصلاة وجا ابوي وبدى يلبس فتحت له الباب على حين غرة بس اشوى انه كان لابس وما انفضح عند
الجمهور اللي كان يشاهد مراسيم خروجه ,, بس الحمدلله كان طافي ويالله يقدر ياخذ نفس فما قدر
يسوي لي شي .. المهم نزلنا انا وامي واخوي الصغير لم الصالة وحنا قاعدين دخل علينا ابوي واالشمالي وولد عمتي
بس والله تصدقون كلهم يلّقون طالعين كشخة ياحليلهم ..وقالت امي يارب جعلي اشوفكم معاريس المهم انا ثارت ثائرتي وقلت
يخسي هالمرطفوق يعرس قبلي والا ترى ابسكن عنده مااقدر اعيش بالبيت بلاه .. ماحسيت الا والمخدة
كاسرتن ظرسي القدامي متجهه من المكان اللي واقف فيه اخوي اللي اكبر من الشمالي
المهم
اتفقنا على شي << اخوه حقيقيه بس فعلا ماننفع بدون بعض>>...
المهم راحوا للعرس وتركوني في البيت:18:
واخوي الشمالي على باله مسوي زعلان علي .. ويوم جو كنت متحمسن ودني
يسولفون لنا عن المعرس والعرس والرجال والعشاء واخوان المعرس واخواتي المعرس وشلون اشكالهم<<< لعنبو ابليسك اي اخوات:002:
بس ولا واحد منهم معطيني وجه ابوي دخل ونام واخواني مسوين
علي حزب الحلفاء متفقين علي انا واخوي الصغير .. يوم شفناهم كذا قلت هين خلوا امي تجي والله ما نعلمكم وش قالت
عن البنات اللي في العرس.. بس طبعا ماصبروا كلها كانت خمس دقايق الا وهم فاتحين مسجلهم ويحشحشون.....
ورجعنا زي ماكنا وكان شيئا لم يكن .. بس اللي مظيقن صدري وتاكن على نفسي ان ولد عمتي اول
مره يشوفنا بهالهبال يعني هو بالعادة يجي يسلم علينا وبعدين يروح .. بس هالمرة للاسف نام عندنا
واسف ان كنت طولت عليكم بس انتم عارفيني احب الحتسي الواجد
عاد ترى هالسالفه صدزيه عشان تسذا مافيها خيالاتن واجده
( الف الحمد لله علا سلامتك اخوي سعودي غيور)
تحياتي
محبكمـ
الزين يفرض نفسه |
|
رد مع اقتباس
