عنوان الموضوع : هي خاربـــة خاربـــة خلونــــا نعميهـــــــــا - نكت جديدة
مقدم من طرف منتديات الشامل

يا رب وش الجنون اللي سكن دمي
خلاص مافي طاري غير طاريها ..
هالآدمية أضيع إن شفتها يمي
واتوه في كلمتي وأفقد معانيها ..


هذا حال مجانين الحب .. بس المجانين اللي بمستشفى المجانين سوالفهم سوالف .. تابعوا معاي قصة هالمجنون ..

هذا الله يسلمكم حرمته وحدة نظيفة لي درجة الوسواس .. نظيفة زيادة عن اللزوم .. كل يوم تقعد من النوم الساعة خمس الفجر تصلي وتالي تربط الايشارب الربطه اللي هيه (يعرفونها الحريم) وتعقده ذيج العقدة وتطلق شعرها للوراء وما يردها إلا المراتب والشراشف وتسحبها من تحت اليهال وهم نايمين (يالله قوموا مدرسة)

عيالها واهم مغمضين (يمه بس شوي الله يخليج ) .. ترد عليهم (يالله قموا اشوف جدامي) ويالله خل ابسطهم وافرشهم عشان تطقهم الشمس .. وبو العيال فقير يقوم على صوت الغسالة وطبعاً يصبح على شكلها بالإيشارب ويختبص قلبه من شكلها ..

يركض على المطبخ النظيف طبعاً ويلاقي الأكل جاهز .. بس المره وينها؟؟؟ مو صوبهم لأنها تحب النظافة وماعندها وقت للقعدة .. يجابل عياله ويتفطرون بروحهم .. ومن الغسالة لي المطبخ تالي تخم الزل (السجاد) .. وبعدين كوي الملابس ومافي براسها غير النظافة .. وكل كلمة والثانية (أنا متربية على جذي) ..

العصر يرجع بو العيال من الشغل واليهال من المدرسة .. تكون المدام خلصت (يا فرحة ما تمت) .. أول ما يعتب باب البيت .. تجيله طايرة لا تدش ريلك جلحه (مغبرة كلها تراب) يخترع فقير ويبلع العافية .. يروح يتغدا وتالي يبي ينام .. ينادي عليها تعالي أسولف لك اشصار معاي بالدوام .. ترد عليه واهي بالمطبخ عيوني لك إن شاء الله كاني يايه بس اغسل الصحون واسبح اليهال واشطف الغسيل واحطهم بالكبت (الدولاب) واكوي لك قميصين ويايتك طيران .. هوا ..

خلصت من اليهال .. يبون يدرسون ويحلون الواجب (يمه شلون أحل هذه؟؟ يمه الأبلة قالت لازم تجيبين أمج باجر .. يمه أبي اشترك بالفن المسرحي) اووووو ذبحتوني حنه انا للحين ما خلصت ترتيب الكبت ..

يقعد من النوم فقير يلاقيها يايه وكوب الشاي بإيدها وتوه بيفتح حلجه بقول السالفه يلاقيها خخخخخخخخخخخخ بدت تشخر وتنفخ جنها ضب (ماني قادره تعبت من الشغل خلها باجر ) .. وإلا بدخلة اليهال كل واحد وكتابه داشين عليهم وبصوت واحد كلهم (يالله يا يبه خل نحل الواجب) !!!!


عرفتوا ليش فقير دش مستشفى المجانين ؟؟؟؟
انتظروني مع المجنون الثاني


>>>>> ردود الأعضـــــــــــــــــــاء على الموضوع <<<<<
==================================

جد ارد والا هي خاويه خاويه

تصدق فكرتها خاوية بطوووون


معاندووووه كيف الحال
هههههههههههههههههههه

__________________________________________________ __________
كثر الجنون الايام هاذى

ما شفت شى


الله يستر

تقبل مرورى

__________________________________________________ __________
يقعد من النوم فقير يلاقيها يايه وكوب الشاي بإيدها وتوه بيفتح حلجه بقول السالفه يلاقيها خخخخخخخخخخخخ بدت تشخر وتنفخ جنها ضب (ماني قادره تعبت من الشغل خلها باجر ) .. وإلا بدخلة اليهال كل واحد وكتابه داشين عليهم وبصوت واحد كلهم (يالله يا يبه خل نحل الواجب) !!!!


ههههههههههه
يسلمو اخوي
معاند
دايمآ
تضهر لنا ابداعتك الجديده
تقبل مرور آخآك
الزين


__________________________________________________ __________
يسلممممممممممممممممممموووووووامعاندوووه على القصه

__________________________________________________ __________
يقعد من النوم فقير يلاقيها يايه وكوب الشاي بإيدها وتوه بيفتح حلجه بقول السالفه يلاقيها خخخخخخخخخخخخ بدت تشخر وتنفخ جنها ضب (ماني قادره تعبت من الشغل خلها باجر ) .. وإلا بدخلة اليهال كل واحد وكتابه داشين عليهم وبصوت واحد كلهم (يالله يا يبه خل نحل الواجب) !!!!

ههههههههههههههههههههههههههههههههههههههههههههه
ههههههههههههههههههههههههههههههههههههههههههه

دومآ مبــدع ياتمساح > قال يدلعــه خخخخخخ

بنتظار جــديدك

عرفتوا ليش فقير دش مستشفى المجانين ؟؟؟؟
أحااااااااااااااول اعرف ههههههههههههه