فى موضوع كده من زمان عايز اقول لكوا عليه لانى شخصيا اتذكره كل ليله قبل النوم ...
واحيانا كتيره يؤلمنى واخاف منه وهو اننا كلنا كل فتره نطلب كشف حساب من البنك لنراجع البنك فيه ونحاسبه.. وتذكرت سيدنا نوح لما قدم لربنا سبحانه كشف حساب فى اللى عمله مع قومه ..
وكيف كان يدعوهم بالليل قبل البهار ..
فتذكرت نفسى واين كشف حسابى اللى حاقدمه لربنا فبكيت كثيرا
وانتوا كمان لازم يكون عندكوا كشف حساب؟؟؟؟؟
صح النوم ياجماعة .................ايه ؟
ماحدش بيحاسب نفسه كل يوم وللا ايه ؟
اهم حاجة في العمل هي النية
واللي من غيرها مفيش اي قيمة للعمل..................................
كمان انا عاوز نذكر بعض بالاعمال اللي ممكن نعملها طول اليوم بشئ من التفصيل على مدار ال24 ساعة زي مثلا
انا المفروض كل يوم اقول كلمة طيبة في محيط عملي......................
اامر بمعروف..........................
.اساعد محتاج.........................
.اصلي الضحى...................
اقرا القران..................
طب دول بس ياعم الشيخ ؟
يعنى قصدك ايه ما تقدرش تعمل حاجه من دول مثلا؟
طب نقول حاجات تانيه غيرها واللى بعد كده حدعايز يبعت لى حاجه بيعملها وانا ناسيها يشاركنى وله جزيل الشكر..
حاجة تانية كمان مهمة اوى لازم نحاسب نفسنا عليها
الوقت
هل ضيعته
هل استغليته كويس
قعدت على القهوة 5 ساعات دا صح ولا غلط
وكلنا عارفين اننا حنتحاسب على الوقت وعلى عمرنا
اللهم احسن ختامنا
كمان الظلم ..
صعب أوي إنك تنام وإنت عارف إنك ظالم حد .. أو أكلت حق حد ..
قبل ما أنام لازم أسترضي ماما ..
بتعب أوي في الليلة الي بتكون زعلانة مني فيها ..
و الله أكتر حاجه باحاسب نفسى عليها لما بازعل ماما أو بابا ... ... آه و الله .. باتضايق جداً جداً ... لما أحس إن بابا أو ماما زعلانين منى و باصمم لازم أروح أصالحهم فى ساعتها ... لأنى بصراحه باخاف أموت و أنا ع الحاله دى ...
حاجه تانيه...
لما باكون مقصره فى الصلاه ... آه و الله .. ساعات باصلى أى كلام .. و لدرجة إنى بعد لما باخلص مش بابقا عارفه أنا صليت كام ركعه ... بصراحه باتضايق جداً .. لأنى باقوم باعمال أشق فى نفس الوقت و باكون مركزه أكتر من الصلاه .. مش عارفه أنا ليه كدا ؟؟؟؟....
حاجه كمان ...
أذكار الصباح و المساء ، و ذكر ربنا سبحانه و تعالى عموماً ....
انا اكتر حاجة بحاسب نفسى عليها هى
(لسانى)
ياريتنى سكت هنا
يا ريتنى ماعلقتش
ياريتنى تركت الجدال
وهكذا..............
ياترى ايه تاني ممكن الواحد يحاسب نفسه عليه ؟؟؟؟؟؟؟؟؟؟
انا منتظركوا
والقادم مع الشيخ عادل اجمل
رد مع اقتباس
