عنوان الموضوع : الوجه الجديد ...........!!
مقدم من طرف منتديات الشامل





(الـــــوجــــــه الــــــجــــــديــــــــــد)







ماعاد يرضيني وفى ولا يزعلني جفى
متساوي في خاطري ظلم العرب وانصافها

ولا تاقف الدنيا على شمع الغرام اللي طفى
بعض الشموع انا اتعمد كسرها واتلافها

من اول لخفيت لي علم عن الناس اختفى
واليوم هذي حالتي مابه حد ما شافها

قعدت احسب وش ربحت ووش خسرت ووش صفى
ياحي روس اموالنا قبل الطمع باضعافها

تعبت ادور فالقلوب البارده ليلة دفى
والقى استغلال النفوس وكذبها واجحافها

حتى اقرب العالم لو يوقف معك وقفت وفى
اصبر وتدري وش دوافع وقفته واهدافها

عاد انت يالوجه الجديد اللي تبي وصل وصفى
حبال وصلك شوف لك ناس تمس اطرافها

انا على موعد مع واحد وكانه مالفى
ما عاد ابيش من السنين سمانها وعجافها

لاني عقب مارمش عيني صاحب النوم وغفى
حلفت ما رده على اشيا من عرفها عافها

العشق وامراض المحبه واستحالات الشفى
واغلب علاقاتي مع العالم اشوف انكافها

وذالحين عن اذنك وسامحني اذا لساني هفا
نفسيتي ماعادني بقدر على لطافها

والموعد اللي كنت قبل شوي جالس له عفى
ما جا ودقايق موعده راحت وقدني خلافها





شعر / عبدالله علوش




>>>>> ردود الأعضـــــــــــــــــــاء على الموضوع <<<<<
==================================

دنيا الوافي
.
.

أهلاً وسهلاً بك
صباح مزهر الخصر

لك إحساس فاق الوصف
واختيار تعدى حدود الإبداع
ابتهجت بالطرح لك هنا

باقات ورد لروحك
أرق المنى



__________________________________________________ __________
صح لسان الشاعر دنيا الوافي ..انتقائك دائمااا يعجبني ويشدني الك الود

__________________________________________________ __________
المشاركة الأصلية كتبت بواسطة لونا السعدي
دنيا الوافي
.
.

أهلاً وسهلاً بك
صباح مزهر الخصر

لك إحساس فاق الوصف
واختيار تعدى حدود الإبداع
ابتهجت بالطرح لك هنا

باقات ورد لروحك
أرق المنى


تسلمين ياذوق هذا من ذووقك ويعطيك العافية ع المرور وماننحرم

__________________________________________________ __________
المشاركة الأصلية كتبت بواسطة bader7
صح لسان الشاعر دنيا الوافي ..انتقائك دائمااا يعجبني ويشدني الك الود

تسلم هذا من ذووقك ويعطيك العافية ع المرور وماننحرم

__________________________________________________ __________
انا على موعد مع واحد وكانه مالفى
ما عاد ابيش من السنين سمانها وعجافها


صح لسان شاعرها ,



اختي
انتقاء وذائقة
ججميلة


تسلم هاليمنى
وربي يعافيك