{.. مَدّخ ــل ..}
أعشقُ رائحةُ قهوتِها لأنها عبِقةٌ بـ الطيبُ مِثلُها
{ ... يـآ مـاحلآ دلـةٍ .. أمـي .. تِسويِهـآ ... }
ياماحلا دلة (ن) أمي تسويها
تجلي عن الكبد حر سببه احراقي
إن أقبلت كن نور الشمس كاسيها
وإن أدبرت نص ساعه لشوفها أشتاقي
أحب شوفها وقلبي دوم مغليها
كملها ربي بحسن وزينة أخلاقي
ربي جعل جنته من تحت رجليها
من عظمها زاد حبه داخل أعماقي
لاضاق صدري وضمتني بياديها
يروح ماحس به في داخلي ضاقي
لو روحي فدوه لها ماني مجازيها
ياكيف أغطي بديني نور االإشراقي
تسهر على راحتي والنوم جافيها
لو ابكي دمع(ن) بكت دم(ن) من أشواقي
حبٍ صدوق(ن) وصادق في معانيها
قلبي على شوفها بالحيل تواقي
يمه دخيلك عن الدمعه وطاريها
لاشفتها فوق خدك كنها ساقي
كن السما ضاقت بنفسي وارأضايها
مالي مقر(ن) بها لولا الله الباقي
كلن تغزل ولكن مايسميها
وأنا بقول إن أمي آخر أشواقي
أدعي نهاري عسى ربي يخليها
عساه يومي قبل يوم(ن) به إفراقي
وآخر كلامي يامزعل أمك إرضيها
إن كانك تخاف يوم الساق بالساقي
ولاحياتك ندم لاتعد ماضيها
هــذا كلامٍ(ن) كتبته وجفت أورآقي
❞❝
{.. مَخ ــرجّ ..}
ويظلُ القلبُ بـ نبضِ حُبك يا أمي خفاقـاً