عنوان الموضوع : البراقع
مقدم من طرف منتديات الشامل

[/RIGHT]



...




البراقع عمرها ماغطت القلب وحنينه
والليالي عمرها ماغطت بروق السحايب

ياكثر ما جرّ صوت القلب بلحون الغبينة
وانطرب دمعي وحوّل مع لحون القلب ذآيب

خيّل الحظ وتركني ي الله انك لاتهينة
للظروف القاسيه والوقت ويدين النشايب

يالعيون الناعسه ي أم المراميش السنينة
والله أن وقعك عليّ أشد من وقع الحدايب

لاتصدين النظر عني وتبدين السكينة
دآمني أشوف في نظراتك أطراف اللهايب

ماقدرتي ي الحزينه .. في الهوى لاتظهرينه
دمعة المشتاق ..ماهي مثل دمعة عين تايب


لاحت الذكرى بعيني من لمحتك ي الحزينه
وأبتسم من حيرتي وأقول : يادنيا العجايب

كيف كنّا نلتقي ..والسعد يرعانآ بعينه ؟
وكيف صرنا نلتقي ..وجروحنا حمرّ عطايب ؟!

أختلف وجه الزمن وأشحب وعقّد حاجبينه
كنت أشوفك حاضر وذا اليوم اشوفك بس غايب

مانسيت العهد الاول ،لو نويتي تنقضينه
حافظه حفظ الحواجب للعيون وللهدايب

تذكرين أيامنا، والحب باقي تذكرينه !
والبراءه يوم نسأل بعض وش معنى مصايب؟

وطبعة السجاده برسمات مكه والمدينه
وضحكنا وسط الركوع وهمسنا من خلف شايب!

والشغب والبرقع اللي تلبسينه قبل حينه !
يوم نضحك ...مادرينا أنه لفرقانآ سبايب

لآتنسّيك البراقع،طاري الحب وسنينه
غطوة للوجه ،ماهي غطوه لشوق الحبايب




..
[/RIGHT]


>>>>> ردود الأعضـــــــــــــــــــاء على الموضوع <<<<<
==================================


لآتنسّيك البراقع،طاري الحب وسنينه
غطوة للوجه ،ماهي غطوه لشوق الحبايب
سطور رائغة
سلمت بداك
كل الود


__________________________________________________ __________
ابدااع ..القصيدة ..شكراا

__________________________________________________ __________
هتون الغيم
.
.

أهلا وسهلاً بك
مساء الياسمين

الشكر الجزيل للاختيار الجميل
والكلم العذب

طرح في غاية الروعة
دمت بود


__________________________________________________ __________
هتون الغيم

انتقاء في قمة الرقي
أسعدك الرحمن

احترامي وتقديري


__________________________________________________ __________
أخي ابو مدري
الفاضل دو بن ذو
الانيقه لونا السعدي
استاذي حسين القضاة

أهلا بتواجدكم
اضفتم لللمتصفح جماليه أخرى
حفظكم المولى..