عنوان الموضوع : البارحه - للشاعر حمد البريدي
مقدم من طرف منتديات الشامل

بسم الله الرحمن الرحيم
السلام عليكم ورحمه الله وبركاته


البارحه - حمد البريدي

البارحه نمت وإلاجاك ماجاني
إن كنت ضايق تراني ضايق بشده

كل ما اتذكر "غرام مات" واشقاني
لعنت ابو ساعة الايام .. والصده

لاول عشان اشوفك تبكي اعياني
والحين في ذمتي ماعاد لي .. شده

ولا جاك مني مسج مايبطي الثاني
والحين من بينهم يامطول .. المده

كنت اتمنـاك قبل إنك تمـناني
لكن الايام عكس العـاشق .. ووده

صديت عنك و انا احبك ولا اداني
اشوفك تحب غيـري وماسـك .. يده

اجبرني الوقت في جفواك وإلا اني
ماقد تهاونت وقتي واثره .. لده

لا تلومـني عنـك لا صكيت بيباني
ترى محبـك ظروفه وقـفت .. ضده

بقولها ياغلاي بسلم جداني
خل الغلا بيننا وانساني .. برده

ماهو على شانك وماهو على شاني
لكن علـشان قلبٍ باح لك .. سده

ادري وتدري بحبك بس وجداني
السلم والاهل والحظ الردي .. نده

ياليتـها في يديـني نلـتقـي ثـانـي
وإلا يعـود زمـانـك واقـدر .. آرده

اذا نـسيـتك ياجعـل الله يبـلانـي
بيتك بوسط الحشا ماعاش من .. هده

كـانك تـعاني تـراني مثـلك آعـانـي
وكانك تمل الصبر .. صبري وصل حده

لا نامو النـاس طـيفك يا الغـلا جانـي
وجتك الهواجيس طول الليل .. ممتده

غلاك في وجهي وفي وجه شيباني
وغلاي امانة ارقبتك .. جزره ومده

إن قلت مابيك فايه يكذب الساني
مغليك دمعه بحبك مغرق(ن) .. خده

فلا بد مـانلتقـي كان الله احـيانـي
حراام ماانـساك مـهما طـالت .. المده

،
،
لارواحكم اعذب التحايا

>>>>> ردود الأعضـــــــــــــــــــاء على الموضوع <<<<<
==================================

حكيمة بصمتي
.
.
أهلا وسهلاً بك
مساء الورد

استمتعت بقراءة هذه الحروف
الممتعة
والكلمات العذبة

اختيار جميل
وطرح في قمة الروعة

دمت بخير
أرق الأمنيات


__________________________________________________ __________
لونا السعدي
ياهلابك يالغلاا وحي هالطله
اسعدني تواجدك لاعدمتك والله

__________________________________________________ __________
جميل كتير يا حكيمه
والكلمات رائعه

بوركتي في طرحك

__________________________________________________ __________
حكيمة بصمتي

بوح أكثر من رائع
اختيار في قمة العطاء

احترامي وتقديري

__________________________________________________ __________
المشاركة الأصلية كتبت بواسطة روح الانثى
جميل كتير يا حكيمه
والكلمات رائعه

بوركتي في طرحك

روح الانثى
ياهلابك يالغلاا وحي هالطله
اسعدني تواجدك لاعدمتك والله