عنوان الموضوع : راح منهو يسوى بعيوني قبايل...!
مقدم من طرف منتديات الشامل











ما يغيث الدمع أو بدع الجزايل
خصّ لامنّ احتياجه يعتريني

راح منهو يسوى بعيوني قبايل
وش عزاي الاّ دعاي ودمع عيني

كفنّو جسمه بقبرن وسط حايل
مادرو وان غاب ساكن في كنيني

عالت ظروفه علينا وألف حايل
وكان حلمي قبلها (يمسك يديني)

مابقى غير الصور فيها اخايل
وذكرياتن مع وصايا تحتريني

والمواقف والمصايب والرسايل
وغيرتي منهن عليه بكل حيني

يوم كنت البايعه لارض وحمايل
باع ربعه يوم وعده يشتريني

جاو بالحيله وفي شتى الوسايل
ورغم ما سوو على شاني يجيني

وين ابلقى له من اشباه ومثايل
يجبر الله لي مصابي في ضنيني

من بعد عينه ارى كل شي مايل
عظم الله اجري فباقي سنيني

ياعرب والشك في هالحب زايل
مات ابيه وعارفين انه يبيني

مات اصلا خاطره ماكان شايل
غير حاجه حبها بينه وبيني

والله ان يبطي وهو بالصدر صايل
وجايلن في خاطري من قبل عيني

ماني محتاجه على صدقي دلايل
اسئل الله همّ فقده مايغزيني

وماعلي من هرج عاذل قول قايل
هوموصيكم وهالله هالله فيني

لو يفيد الدمع او بدع الجزايل
ماشكيت الضيم من صالي حنيني





>>>>> ردود الأعضـــــــــــــــــــاء على الموضوع <<<<<
==================================

دنيا تواجد جميل والابيات اجمل لاهنتي

__________________________________________________ __________
دنيا الوافي
.
.

صباحك أنفاس الورد
وعطر الياسمين والفل

حضور جميل
واختيار رقيق عذب

دمت بود
أرق الأمنيات


__________________________________________________ __________
دنيا الوافي

انتقاء رائع
هنا نثرتِ العبير

أسعدك الرحمن
احترامي لك


__________________________________________________ __________
المشاركة الأصلية كتبت بواسطة AnAAQT f?kR
دنيا تواجد جميل والابيات اجمل لاهنتي

تسلم .. مرورك الأجمل ياذووق ويعطيك العافية وماننحرم

__________________________________________________ __________