عنوان الموضوع : دموع اليتيمه
مقدم من طرف منتديات الشامل

اقدم لكم كبدايه ابيات وجدتها تحكي عن واقع الألم بين الحب والنصيب ابيات تحكي عن نصف أوجاع البشر قصيده تلامس ما بداخلنا من أحاسيس مكبوته

يأول أحزاني وفجر العيد ودموع اليتيمه
كن هالذكرا سفينه حزن وضلوعي مواني

ياخر أحلامي وليل البعد والغرب ونسيمه
ياكثر العشاق صدق إحساس واشواق واماني

عندي لحبك مدينه عشق وأشياء قديمه
والمدينه كل شارع من شوارعها يعاني

الحضور اثبات حب وغيبه الغالي ظلبمه
والغياب اثنين مدري خان أو انه نساني

والوداع يعذب الارواح والذكرا جريمه
ترتكب لانامو السالين مابين المحاني

بس تدري ياغلاي ولوعة القلب ونعيمه
انك اول شخص صوته يقدر يزعزع كياني

اذكر انك في سما دنياي كنتي مثل غيمه
واذكر أني كنت لك طعم الحياه بشكل ثاني

كان فينا لوم وعتاب وسواليفن اليمه
شرهتن عدت مفاهيم السوالف والمعاني

في غيابك يشتكي كل شعرن من صميمه
وتنتمي لك كل كلمة عشق ينطقها لساني

كني اللي ضاع ثأره ساعه لاقي غريمه
ولافرع له من عموم القوم قاصيها وداني

روحي بدربك تناسي سالفه عشق قديمه
واذخري دمعه عيونك للنصيب اللي حداني

وان لقيتي شخص يستاهل وفاك الله يديمه
ارضي بواقع حياتك وانسي اوجاعك عشاني

ان لمحتي في صباح العيد دمعات اليتيمه
قولي انه كان مثل احزانها بعدي يعاني

فيصل الطرقي

>>>>> ردود الأعضـــــــــــــــــــاء على الموضوع <<<<<
==================================

فتاة عشرينية

انتقاء رائع ومميز
هنا نثرتِ العبير

احترامي وتقديري


__________________________________________________ __________
فتاة عشرينية
.
.
أهلاً وسهلاً بك
صباح الورد


سلمت للاختيار المميز
والطرح العذب

كنت هنا في منتهى الجمال

أرق الأمنيات


__________________________________________________ __________
طــرح جميـــــل..||
دام التألق...ودام عطاء نبضك
كل الشكر لهذا الإبداع,والتميز
لك مني كل التقدير...!!
وبآنتظار روائع جديدك بكل شوق...!
ودي وعبق وردي ..~


__________________________________________________ __________


__________________________________________________ __________