عنوان الموضوع : دفتر علاماتي
مقدم من طرف منتديات الشامل












ياهيه ياللي هجيره يشبه الفيه
ياللي غلاته حدتني أسكن سكاتي

لك داخل الصدر جوريات محميه
ماظن تذبل ولاهي لوصلك تحاتي

ألحقت كيات وقتي منك بكيه
وأعطيتني كل شي ٍ ضد مشهاتي

يستحمل الكيمن يعطي علابيه
وأنا أتحمل سخا قلبي وخيباتي

عودت عينك على الروحات والجيه
وعودت عيني على تبذير دمعاتي

خليت فيك الزهر والنرجسانيه
وخليت فيني عمى عيني وشرهاتي

كنت أحسبك غير كل الغير وهنيه
زارعك مابين عوج وبين نظراتي

تسري على الخافق وتسارحه شويه
وتمرح في عيني غصن وغطاك عبراتي

أحسبك يا غصن قلبي فيك حنيه
وإليا كبرت بتداوي كل آهاتي

كبرت وأخملت فيني دون ماويه
وحالي أثمرتك حصيله للقريباتي

ودورت لك خملة ٍ تغنيك عن ميه
ولي الشرف كبر عمري كل خملاتي

مابرت لكن صارت بورتك فيه
يا غصن ياللي خساره فيك دمعاتي

كأنك نويت الهجر وأنا .. وفيه
لا تدعي إن العذر في خنجري باتي

دور مع القوم لا شديت نشميه
شليلها ما يساوم بالجنيهاتي

روح على الكيف والشرهات مكفيه
قبلك على الوقت ما صدرت جولاتي

ولا جتك نجدات قل ربعي جلاويه
وأبجعل اللوم والتقصير من ذاتي

وروح ترى نية الإنسان مطيه
وكٌل على نيته مبعوث لا ماتي

وأنا بعد كيفي لو أقعد خلاويه
أخير من عشرة ٍ تدير نياتي

واعرف ترى ما تخيرتك قدر ليه
ولا اخترت فرقاك انت اخترت ما فاتي

تبقى على هامتي من فوق شخصيه
وتلميذي الفذ في
دفتر علاماتي

وضحكتك ما تنسى .. ضحكتك سحريه
حفظتها واعتبرها طب حسراتي

أموت في حسرتي وأحيا طبيعيه
كله على شان عذالي وشماتي

قومي اطفي النور
.. دام الروح مطفيه
تعبانه آبنام ياللي حزن شكاتي

وإن مر طاري وذكرني بطاريه
أقول .. ما عندك يا طاريه سجاتي

بس خبر اللي جروحي منه مخفيه
يحشم لي الوصل لا من مر بأ بياتي




اتمنى ترووق لكم الأبيات كما راقت لي





>>>>> ردود الأعضـــــــــــــــــــاء على الموضوع <<<<<
==================================

دنيا الوافي
.
.

أهلاً وسهلاً بإطلالتك العطرة
صباح مزهر الخصر

شدني هذا الطرح
الدافق سلاسة وعذوبة

وهذا الجمال في الاختيار
من الحروف والمفردات

كل التحية و التقدير
متوج بعطر الفل والياسمين


__________________________________________________ __________
المشاركة الأصلية كتبت بواسطة لونا السعدي
دنيا الوافي
.
.

أهلاً وسهلاً بإطلالتك العطرة
صباح مزهر الخصر

شدني هذا الطرح
الدافق سلاسة وعذوبة

وهذا الجمال في الاختيار
من الحروف والمفردات

كل التحية و التقدير
متوج بعطر الفل والياسمين


تسلمين هذا من ذووقك ويعطيك العافية ع المرور وماننحرم

__________________________________________________ __________
راقت لي الأبيات بالودّ مبينّة

منّي لدينا الوفى أزكي تحياتي



عبدالله البشري



__________________________________________________ __________
المشاركة الأصلية كتبت بواسطة عبدالله البشري
راقت لي الأبيات بالودّ مبينّة

منّي لدينا الوفى أزكي تحياتي



عبدالله البشري


تسلم هذا من ذووقك ويعطيك العافية ع المرور وماننحرم

__________________________________________________ __________
الاخت دنيا الوافي



ذوق وفي قمه الروعه,,,,يعني كـ عادتك ,,,

بأنتظار جديد ذائقتك المميزه