عنوان الموضوع : ياللي جفيت اوجفاك المر ذابحني
مقدم من طرف منتديات الشامل
ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا
ღ
من يوم حبك .. غزى القلـب وتملكنـي
قطعـت كـل العـلاقـات وطواريـهـا
ღ
اقـرى رسايلـك ودموعـي تسابقـنـي
وارد ! واقرى الرسايل .. واحتفظ فيهـا
ღ
انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا
ღ
لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا
ღ
ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا
ღ
من كثر ماكنـت ! جارحنـي وظالمنـي
قمت اعزل جروحـك بقلبـي واسميهـا
ღ
تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا
ღ
تدري متاك ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا
ღ
بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟
ღ
مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا
ღ
يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا
ღ
اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا
ღ
واهديتني جرح .. موجعني ؟ وعاجبني ؟
لــن الهـدايـا عـلـى مقدارمهديـهـا
ღ
صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا
ღ
مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا
ღ
لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا
ღ
ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا
ღ
فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا
ღ
مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا
ღ
اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا
ღ
نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا
ღ
تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا
مماراق لي
الشاعر // اورنس بندر الضحيك
>>>>> ردود الأعضـــــــــــــــــــاء على الموضوع <<<<<
==================================
حروف نقية
وإبداع قلم
طاب لي هنا البقاء بين همس النبض و زهو الحروف
أورنس بندر الضحيك
تذوقت روائع
وانتقيت معزوفات مغناة
فطاب لنا الإصغاء
أرق التحايا
__________________________________________________ __________
همسات خجوله
أنا أتعلم من ءاستاذتي الابداع
__________________________________________________ __________
تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا
ررررائعه هالابيات
راق لنا مما راق لك
يعطيك العافيه ..
__________________________________________________ __________
آنتقآء يدل على رقي ذآئقتك آلشعرية
آستمتعت بها كثيرآ
وطآبت لي
سلمت يمينك
__________________________________________________ __________
أورنس بندر الضحيك
كلمات في غاية الروعة
انتقاء مميز وراقي
ننتظر القادم بشوق
احترامي وتقديري
رد مع اقتباس
