عنوان الموضوع : انفض هموم القلب ..
مقدم من طرف منتديات الشامل

أضحك وفـل حجاجـك أشفيك محـزون
.........دنـيـاك ماتـسـوى وخـذهــا نصيحة..



مــادام مـالـك مـيـت ولا أنت مـديــون
.........ارم الهـمـوم وخــل نـفـسـك مـريـحـه..


لـو كانـوا أصحابك يضـاهـون ملـيـون
.........نــق الكـفـو منـهـم وخــل السطيـحـه..


ولا تشتـكـي للـنـاس لوكـنـت مطـعـون
........ .(والـذم مـن بـعـض الخـلايـق مديـحـه)..


ولا تنـحـنـي للهم وتـعـيــش مـغـبــون
.........تـرا المريـح اهـل العقـول الصحيـحـه..


لاصـرت صـادق قالـوا النـاس مجنـون
.........مايـمـدحـون الا الـنـفـوس القبيحة..


وخلـك صـمـود بـوجـه الأيام و موزون
.........ومـــا حـــرم الله إثـــم لا تستـبـيـحـه..


والكـبـر لــو بــه فـايـده فــاد فـرعــون
.........ومــن ذاع ســره بـشـره بالفضـيـحـه..


والله لــو يعـطـون لـــك مـــال قـــارون
.........ماشـفـت نفـسـك بالغـنـى مستريـحـه..


انفـض همـومالقلـب وإبليس ملـعـون
.........وان ضاق صدرك ارض ربي فسيحه



مما راق لي من شعر محمد بن فطيس المري

>>>>> ردود الأعضـــــــــــــــــــاء على الموضوع <<<<<
==================================

شعر النصيحة

صح لسان بن فطيس

وسلمت للذائقة الجميله

__________________________________________________ __________
صح السانك والسان كاتبها..
انتقاء جميل ورائع..

الله يعطيك العافية..

__________________________________________________ __________
كلمااات في الصميم



إختياااااار موووووفق أخي



الله يعطيك ألف عاااافية على الطرح





إحترااامي


♥Helen♡

__________________________________________________ __________
ابياات رووعه وصح لساان شاعرها وتسلم يمينك يااذووق


__________________________________________________ __________