عنوان الموضوع : مصر سافرت ..
مقدم من طرف منتديات الشامل
مصر سافرت .. قصيدة لمنال درويش
مصر سافرت
أيوة ح تسافر بعيد
لو فضل حالكم دا مايل
والضمير فيكم جليد
قلبها مخنوق عليكم
وانتوا ياااه صخر وحديد
عمرها ما جت عليكم
جوه جوفها نار تقيد
من عذابها وخوفها بيكم
حلمها طلع صديد !!
مصر ح تسافر بعيد
قطعوا فيها وزيدوا م العذاب
اشعلوا نارها وواروها التراب
اخنقوا ف عنيها بكرة،
وفهموها انه سراب !
وزعوا الأحزان علينا ،
وعلمونا معنى كلمة الاغتراب !
جوة قلبك يا أمينة ،
عششت غربان
وباتت جوة أحضانك ذئاب!
وافتكرتى إن احنا ضيك ،
واتصدمتى لما شوفتينا ضباب !
وافتكرتى ان احنا حلمك ،
ومسكتى بإديكى السراب !
جوة قلبك يا أمينة !
لوحة مقسومة لكتير
اللى عايز فيكِ يبنى ،
يزرع الأحلام ، ضمير !
واللى كاره فيكِ ناسه
عاشق التوهه مصير !
واللى صامت جوه كاسه
غُلب شارب ليه أسير
واللى مستنى البداية ،
لجل ما يحس،
إن لسه فيكى خير !
واللى متعجل نهاية ،
لقلبك الطيب،
لجل ما يشوفه كسير !
جوة قلبك يا أمينة
لوحة مقسومة لكتير !
اشتكى لله وقولى :
مصر راح تفضل بخير
مهما كان للظلم ناسه
مهما كان للحق غير
ارفعى فى الحق رايتك
عمرها ما تكون نهايتك
دى النهاية لكل كاره دولتك
شقى بكرة بإيد عفية ،
واشطبى زرع الخراب من سكتك
وارجعى لينا ودوسى ع الصعاب
نورى شمع المدينة وازرعى قلب الهضاب
وامسحى عرق الغلابة ،
لملمى كل اللى ضاعوا م الشباب
صدقونى !
مصر لو سافرت بعيد
مش ح يفضل غير عذاب
>>>>> ردود الأعضـــــــــــــــــــاء على الموضوع <<<<<
==================================
ابيات مؤثره
الله يحميكي يا مصر
يعطيك العافيه على ما قدمت
بإنتظار المزيد و الجديد
__________________________________________________ __________
مصر راح تفضل بخير
مهما كان للظلم ناسه
مهما كان للحق غير
اللهم احفظ مصر واهلها من كل سوء
سلمت يمناك على القصيدة الرائعة
دمت بخير
__________________________________________________ __________
مصر راح تفضل بخير
مهما كان للظلم ناسه
مهما كان للحق غير
ارفعى فى الحق رايتك
عمرها ما تكون نهايتك
دى النهاية لكل كاره دولتك
شقى بكرة بإيد عفية ،
واشطبى زرع الخراب من سكتك
وارجعى لينا ودوسى ع الصعاب
نورى شمع المدينة وازرعى قلب الهضاب
وامسحى عرق الغلابة ،
لملمى كل اللى ضاعوا م الشباب
انتقاء رائع
وان شاء الله ربنا يحمى مصر وشعبها من كل سوء
سلمت يداك على الانتقاء الراقى
__________________________________________________ __________
لله درگ
أقبل صمتي أمام هذه آلباذخـه
__________________________________________________ __________
يعطيك العاافية ع الطرح الراائع وفي انتظاار جديدك المميز
المشاركة الأصلية كتبت بواسطة ღ عاشقة المجهول ღ 
مصر راح تفضل بخير
مهما كان للظلم ناسه
مهما كان للحق غير
اللهم احفظ مصر واهلها من كل سوء
سلمت يمناك على القصيدة الرائعة
دمت بخير
[BACKGROUND="80 #000000"]
اختي الغالية
نبع من منابع الصفو
استشعرته القلوب الاكثر نقاءً..
شكراً..لهذا الحس المرهف بالحرف ..
ابهجني مرورك..
سلمت..حماك الله
مودتي
ـــــــــــــــــــــــــــــــــ
ساميــــ
[/BACKGROUND][/QUOTE]
رد مع اقتباس
