عنوان الموضوع : قصـيدة الغمازتين
مقدم من طرف منتديات الشامل
قصيدة الغمازتين
اللى عليه الغنج ...طبق راحتيه
والغنج خصلة .. تحتوي خصايله
دايم مفضح بي .. وأنا ما قول ليه ؟
فضيحته .. ستر الهموم الجايله
صغير .. ومدلع .. ومزيون .. ونبيه
أخذت لي عامين .. وآنا آحايله
جيته .. رجل عاقل .. معه خافق .. سفيه
ما لوثه .. دم الحياة الزايله
أنا فدا الغمازتين .. بوجنتيه
وا ذبح قلبي .. وا كبر غلايله
والموت .. لا سولف وعضض .. شفتيه
أيقنت بحظوظ .. العباد .. المايله
هذا وهو .. ملقوف .. وعناده كريه
ليا ركب راسه .. وقام يشايله
ليا زعل .. حتى إتصالي .. ما يبيه
وليا رضى .. يزعل على .. موبايله
وإن شافني زعلان .. والخوف يحديه
تشبع الجوال .. من رسايله
بزر .. قسم وجه الدلع .. عشرة وجيه
وتعددت على الدلع فضايله
مدلعه .. جده .. برغبة والديه
تدليع جد .. وتختلف وسايله
وأنا الضحية .. والبزر .. ماله شبيه
عنده لرفع الضغط .. قدرة هايله
لا شافني مقبل .. يسلهم ناظريه
سلهام خبث .. ونيته متحايله
لأنه يعرف إني .. بسلهامه .. أتيه
توهة دليل .. وتاه عن دلايله
وإن قلت له بشويش .. شب الله عليه
قام يتكسر .. وأسبلت جدايله
وسمعته يتمتم .. ويشر لي .. بإيديه
والله لا أطلع لك ..نجوم القايله
دلوع ما همه .. وانا مجبور فيه
ومسامحه .. مهما تكن .. عمايله
دامه يعرف إني .. على أية حال أبيه
وشلون ألومه .. وأتقي حبايله
حفيت سباريت القدم .. منه وإليه
ما غير أقابل بيتهم .. وآآخايله
وانا عشان أجيه .. لاحبيت أجيه
صاحبت منشانه .. جميع العايلة
( مطلق النومسي)
راقت لي
>>>>> ردود الأعضـــــــــــــــــــاء على الموضوع <<<<<
==================================
__________________________________________________ __________
المشاركة الأصلية كتبت بواسطة أحزان لا تنتهي 
احزان .. أشكرك.. وأشكر طيب المتابعه منك...
__________________________________________________ __________
دائما متميز في الانتقاء
انتقاء رائع..وذائقه جميله
نترقب المزيد من جديدكـ الرائع
دمت ودامـ لنا روعـه مواضيعك
اعجابي وتقديري لكــ
__________________________________________________ __________
المشاركة الأصلية كتبت بواسطة {ودارت الايام}
دائما متميز في الانتقاء
انتقاء رائع..وذائقه جميله
نترقب المزيد من جديدكـ الرائع
دمت ودامـ لنا روعـه مواضيعك
اعجابي وتقديري لكــ
ودارت الايام اشكر حضورك ... تحيه لك
__________________________________________________ __________
.
.
حيآك
صح السان مطلق .. وتسلمين ع الاختيآر ي عذبه
لآخلآ ولآعدم
،
انتقاء جميل طبتي وطاب منقولك
رد مع اقتباس
