عنوان الموضوع : حقيقه ماآظن إني بلآقي دؤنك اوطاني
مقدم من طرف منتديات الشامل








ـآلسـَلآم عليَكم ورحمةَ آلله وبرَكآته ,


ثـَلآث قصـَآئد آتنمئ آن تروقَ لكم

لـ شآعر محمَد آلغريَبيً





**


عيُونك كلّ ما غابت , دقيقه اعرفي خِنتك !
أخونِك في غيابك مع " خيالِك كلّ ما جاني " !

حقيقه ماصِبر قلبي / ليَا مِن شافِك و شِفتك ,
الا يا كيفنا نِصبر " بدُونِه نصفـــــــــــنَا الثاني "

أبكذِب لَو أقُول إنّي بِ " ليله " جيتي وعفتك !
صَعِب هي ليله تْعدّي بدُونِك / دُون ما عَاني ,

طبيعي احزَن لْ بُعدِك .. مِدَام إن هذي مَنزِلتك ..
فراقك لو دقايق " هُو " خَطر يا قلبي أنْهَــــاني ..

أبنسى عَالمي وكُونِي .. كفاني " بَسّ معرفتِك "
عن الاوطان لي مَوطِن بدَاخِل قلبِك " أحيَاني "

دقيقه .. وِدي اتخيّل .. حيَاتِي دُون " مَملكتك " !
حقيقه .. ما أظِن إنّي بلاقي دُونِك / أوطَــــــاني .. !

أبتبَع خِطوتِك مَهْما تِسير .. خْطاي تَابِعتك ,
ابمسِك إيدِك وأنسَى .. طريقِ البِيت وأنساني ..

وبصبِح مِثلما ظْلالِك .. ترُوحِي وين لاحقتك ,
تساير خِطوِتك رَاضي , بِدربك مَهمَا ودّاني ..

هِدوئك والهَدب والعِين .. وهمساتك على صمتِك ..
جِعل مِن شاعرك شخصٍ / بحبّك حِيل هيماني ..



,




**





سنينٍ بالعمر مرّت .. ودَمــــــــع العِين يغشااني !
سنينٍ أدثر أورآقي .. وريح الصّبح " تِكشفها " !

فقدته مِن سِكَن قلبي / وراح اليُوم .. خلّاني !
أبعثر بالألَم فيني .. دِمُوع الشّوق ( وأنثرها ) !

دقايق لو يمر طيفه .. أرُوح بْ عالمٍ ثاني ..
أبُوه الشّوق يا عالم .. ترا حالي مِبهذلها ..

قبل عَايش كذا عادي .. وجاء حبّك وِودّاني ..
لموطن ما اشوف إلا بِه ادروبك واعشقها ..

تصدق من كثر عشقي خيالك مرّ واعماني .. !
وصرت إنتَ الوحِيد اللي بِه أشعاري أردّدها , !

دخيلك لَا تطوّلها .. غيابِك حيل أشقااني .. !
سنِين العِمر قِد مرّت .. وانا ما غير أحسبها ..

حسبت البُعد لِه حيله .. و اثاري البُعد عُدواني !
مشاعر مالها غِيرك .. ولا غِيرك يروّضها .. !

ترا ما جاني في بُعدك .. كفايه حيل ما جاني !
دخيل الله لَو تدري .. عيُونِك " كِيف أنطرها " !

أقول الشّوق يَ حبّي .. تِقول الشّووق " يفداني " !
كذا واثق / ومِتمكّن .. خلايا القلب ’ تِملكها !

ترا لو كان هالإحساس .. رجُل بالحِيل عقلاني ..
ابد ما كان في ليله " دِمُوع الشّوق بعثرها " !

انا ما هزّ بي خافق .. وهدّ اليوم وجداني ..
سوا ذِيك المشاعر يوم .. يجي حسنٍ ويفتنها ..

ليا مِن لامس يْديني .. أضيع بْيدّه وأنساني ..
واقول اللّيله يا جعله " خلايا الرّوح يِحضنها " !

جعل مِن قلّب الذّكرى .. وجرّح قلبي أبكاني ..
يجيه الضّيم في غِيمه وكلّ افراحِه يهدِمها ..

,






**



لي صاحبٍ لا ضاقت الدنيا أجيه ..
يمسح دموعي ويدثر الآهات فيني

يرسم لقلبي بسمة الكُون بيديه ..
بهجَة حياتي شوفته , ضيٍّ لِعيني ..

هُو طاهر الإحساس ؟ , أو كلي يبيه ؟!
هو خافي الذّكرى وهُو مطلب سنيني ..

يالله عسى لا تقسى هالدّنيا عليه ..
وان كان بِه سوءٍ / بدَل عنّه " يجيني "

كم ليلةٍ فيها الأماني .. ترتجيه ,
لا كان وحدِه يذكر أيّامي و حنيني ..

هذي حياتي عِشتها .. مِنّه وفيه ,
وهذي حياته : كلّها مِنّي وِ فيني ,

كلّ المشاعر شفتها يُوم أبتديه ,
هو كذا " قانون قلبي" مبتليني ..

جعل الهوَى اللي قد بلاني .. يبتليه
يجتاح قلبه , ثم قلبي / ويكتسيني ..

ماني أحبّه , لا وربّي مِهتويه ,
واكبر دليلٍ لِه حياتي , ويفتديني

الصّاحب اللّي كلّ رُوحي تبتغيه ,
يفداه قلبِي .. دام إنّه مهتويني , !

لي عزّةٍ مابين خلق الله عليه ,
ولِه عزةٍ ما بين هالعالم بِ عيني ,

خلٍّ"ن" وعدتِه يُوم أتمسّك " يديه "
وقت الشّدايد ما أباعدها يدِيني ..





**



رآقت لي ككثيرـآآ


>>>>> ردود الأعضـــــــــــــــــــاء على الموضوع <<<<<
==================================

صح لسان من قالها ولاهنتي
آنتقاء مميز ورآقت لي آلآبيات
ربي يسلمتس


__________________________________________________ __________
تروق لك دنياك اختي الغاليه

قصيده قل مايقال عنها بلشاعريه الحزينه

سلمت يمناك علي نقلها وصح لسان شاعرها

__________________________________________________ __________
؛



أنتقاء عذبُ.. سلم احسُاسكَ ي الاميرهـٌ!!
هطول أنيقٌ .. م نحرممٌ .,

لآخلآ ولآعدم

.

.


__________________________________________________ __________
يسلموا شموووووخ



ابيااااات روعه كروعتك يالغلا،،،،


يعطيك العااافيه!!

__________________________________________________ __________
آبيآت رآئعةة
يعطيكك آلف عآفيةة عزيزتي على آلآنتقآء آلمميز
سلِمتي وسلِم آحسآسكك آلعذب
بإنتظآر جديدكك بكل شوق
ودي و تقديري