عنوان الموضوع : صدر الفرآق
مقدم من طرف منتديات الشامل
[BACKGROUND="100 https://im26.gulfup.com/2017-08-04/1344107675252.png"]
الدمعة اللي تستبيح المعاليق
لها حوالي عام تشكيك.. منك
والضيقة اللي فتحت سيرة الضيق
ما بين همّ الإنس.. وجنون جنك
يا بنت انا ماعادني قادر آطيق
تعبت ارد القلب.. واصون ظنّك
كن من على قلبي جبالي شواهيق
القلب ميت شوق.. والصدر تنّك
والموت كل الموت يااغلا المخاليق
إني أحبك.. واكتم الحب عنّك
اخاف لا من قلت «أنا أحبك».. تضيق
وتغيب عني.. وانت غيبتك.. فنّك
كنّي.. فقير المال.. يرجي التوافق
عند اغنياء المال.. والمال.. كنّك
مدري متى مدري؟ من العشق بآفيق
مدري متى بانساك.. وأنسى بأنّك..
اول غلا يفتح قفول المغاليق
ويسكن بوسط الروح.. من صغر سنّك
يا أرقى قصيدة.. يا بديع الطواريق
يا أطهر جريمة.. يا الجمّال المحنّك
يااعنف من الصدمة.. علىپفكة الريق
ويا ارق.. من منظر تبّسام سنّك
اسمع كلامي.. يازعيم الغرانيق
بيتي كتبته بعد ما الصدر.. تنّك
تدري وش اصعب شي يا أغلا المخاليق
إني أحبك.. وأكتم الحب عنّك
الضحك صحرا.. والمدامع غابه
والعشق صادق... لو غرورك كذب
جتني جيوش العشق لابه.. ولابه
والمشكلة قلبي مهو متزهب!!
منهم يجيب العلم.. يا طلابه؟!
ومنهو يرد الدار.. للمتغرب؟!
هذا حزن قلبي.. عسى يشقابه
دام العرب.. ما تزهم المتعرب
يالطاهره/بالعفه/الجذابه
يام الجمال النادر المتشعب
البارحة.. كنتي هنا.. مرتابه
يا كثر ما قلتي لي: «ليه معصب»؟!
وانا مسوي اني ماني آبه!!
يعني تغلي.. ولا انا متعذب
واليوم.. مات الوصل في محرابه
شرقت.. والحظ السعيد مغرب
قلبي يا اغلا ويا اعز احبابه
من يوم فارقتك.. وهو متغلب
على شفاة الشوق عض بنابه
وعن درب حزنه ما استطاع يجنب
كنه اليتيم اللي جفوه اقرابه
او كنه السكران لامن غيب
ما دامنا في كل شي نتشابه
صعب نتلاقي.. وانشدي المجرب
بس اسمعي شعري وهاك عتابه
تذكريني فيه يوم اشيب
واذا سألتيني الهوى وش جابه..
بقول يا حزن المحبه.. قرب
(لا تنشدين العشق/ويش اسبابه
الا انشديني العشق/وسهو مسبب)!
يَ مسآء الشعر
موضوع بسيط كم قصيده لِشآعر .. صلآح العرجآني
واتمنى ترتقي لذائقتكم
[/BACKGROUND]
>>>>> ردود الأعضـــــــــــــــــــاء على الموضوع <<<<<
==================================
طرح راائع وابياات رووعه وصح لساان شاعره
وتسلم يمينك ياذووووق
__________________________________________________ __________
صح لسان الشاعر وسلمت يد الناقله يابنت انت ذووووق ماشاءالله تبارك الله الاشعار خطيره
يلا ننتظر جديدك بكل شوووق والله يعطيك العافيه الى الاماااااام
__________________________________________________ __________
آنتِقاء عذب .. سلمتِ لإنتقاءِك
ولآ هنتِ
__________________________________________________ __________
صح لسان من قالها ولاهنتي
آنتقاء مميز ورآقت لي آلآبيات
ربي يسلمتس
__________________________________________________ __________
؛
أنتقاء عذبُ.. سلم احسُاسكَ ي الاميرهـٌ!!
هطول أنيقٌ .. م نحرممٌ .,
لآخلآ ولآعدم
.
.
رد مع اقتباس
