عنوان الموضوع : تدري وش اللي يتعب البنت ياخوي
مقدم من طرف منتديات الشامل
تدري وش اللي يتعب البنت ياخوي...؟!
رجـلٍ يخـون اشواقـهـا و الـمـودة
إللي إلا احتـاج الغـلا صـار نمـرود
وليـا شبـع ممـا عـطـاه إسـتـرده
البنت ريحانة غـلا ... ناعمـة عـود
تبـي لهـا رجـلٍ ورث طيـب جــده
رجلٍ فعولـة كلهـا جـود فـي جـود
مـا يلتفـت للـي كفوفـه تمـده ...!!
رجـلٍ إلا جـتـه الليـالـي بمنـقـود
يتكـى لهـا مـا بيـح الوقـت سـده
مهوب خبلٍ مـا رعـى للهوى عهـود
وادنـاة مـا عـارض طريقـه يــرده
ولاهوب لاعلـة ... ولاهـوب ملهـود
ولا شكـوك ... و كـلٍ طـارئٍ يحـده
ما اشين من الرجـال لا جـاك ببـرود
وإن قال له تـرف القـدم شـي صـده
تبـي لهـا بـراق طيـبٍ لـه رعـود
إن اجدبـت يمطـر علـى ريـف خـده
وإن نادته تكفـى لقـت عنـده الفـود
يشيـل عزتهـا علـى قــو زنــده
كفه نفل ... وانفاس صدره لهـا عـود
وظلالـه الضـافـي بيـدهـا تـمـده
البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده
البنـت إلا ضحكـت ثمرهـا لـك ورود
يا خوي مـن يقطـف نواويـر وردة
واللي يهين البنت ناقـص ... ومقـرود
فرس غـلا ... ماهـي حمـارة مكـدة
وسلامتــــــــــــــــــــــــــــــكم
ودي لكم
>>>>> ردود الأعضـــــــــــــــــــاء على الموضوع <<<<<
==================================
صح لسانك
وتسلم الانامل اللي كتبت
تقبل مروري
__________________________________________________ __________
صح لسانك نص رااائع
حضوور متاالق من خالال هذه القصيدة
ننتظر جديدك فلا تطيل الغياب
تحياتي لك
__________________________________________________ __________
صح لسااانك ويعطيك العافية
لو إلتزمت بالقافية في البيت الأول اللي المفروض تكون ( يا سعود .. يا حمود أو أي كلمة على هذا الوزن) بدل ( ياخوي ) لكان بالتأكيد أفضل وأسلم للقصيدة
لا هنت أخي العزيز
وتقبل تحياااتي ومروري
__________________________________________________ __________
يشرفني تواجد حروفك الجميلة هنا..
ويسعدني حضورك الراقي دوماً..
شكراً لمرورك المميز..
تحياتي..
__________________________________________________ __________
صح لسانك اخوي (وتر حساس ) قصيده قمه وروعه ويعطيك الف الف عافيه على الاحساس الراقي
مع التأييد لخوي متابع كلامه صحيح ولا ضني تخفى عليك بس مدري وش الي خلاك اتغيرها بـ ياخوي ؟؟
مع انا الاصح مثل ما اتفضل اخوي متابع تركب عليها ( ياسعود,يا حمود ) اتكون افضل
او اتكون غير متقيد بقافية الشطر الاول.... على العموم القصيده قمه في الروعه
وتقبل مروري وتحياتي
رائـــع ــــه جداا
صح لسانك
وتسلم يدك
تقبل مروري
رد مع اقتباس
