عنوان الموضوع : من أدب علي عسيري - 1
مقدم من طرف منتديات الشامل
السلام الوافي من دنيا الوافي
:: أدب الشاعر الكبير .. علي عسيري ::
زهرة توت
مثل جمرهـ بكفي نارها وقّـد
مثل جرحٍ لبس فيني ثياب جداد
مثل حِـس المطر حبك
يجي فجأه بلا ميعاد
يجيني في سكون الليل
يجيني ويل
يجيني مثل نجم سهيل
عيونه تحضن عيوني
وقلبه صاير ٍ لي مهاد
نعم مره
نعم ثنتين
نعم ألفين
نعم مليون
أحبك لو يصير الكون
حسود وعاذل ٍ مجنون
أحبك ليش لاتسأل
أحبك لنّك الأجمل
بعيني يابعد عيني
نعم والله أبي حبك
واحلف إني أنا احبك
ولكن بيننا حاجز وخوف وبرد
وعالم همها دايم تدوس الورد
نعم أبغاك تكون العشق بأوراقي
وابيك الحرف وابيك تكون لي مدادي
أبيك الناس وابيك إحساس
وابيك تكون لي معنى
وابي أحياه واقعنا
يامشغلني وانا توي أعرفك توْ
أنا ودي تشيل من عالمي هـ ( اللـو )
تكون أقرب من عروقي إلى عروقي
وتصبح ضحكه في شروقي
وكل اللي تبي بي سَـوْ
أنا روحك
أنا بوحك
أنا اللي في هواك آهيم
وابني عالي صروحك
أنا منك
وانا صدقك
وانا ظنك
وانا المكتوب في دنياك
وغيري مادرى عنك
أنا تاج الوفا المحسوس
وطوق العاشق الملبوس
وزهره مشرده في الريح
تبي تلمك تبي الدنيا تكون عيون
وانت النون وتضمك !
ياقطرة ما
أنا لي رأي في حبك
يقول إنك لقلبي مزون
روت كل العطش فيني
نبت بأرضي ثمر حبك
شجر تين وشجر ليمون
وصار الجمر في كفي
مواسم زهرها يكفي
ربيع وصيف
وريشة وسيف
وصار حبك بعد شفي
وكنت بنساك نهرف بي
نعم اهواك
نعم اهواك
نعم اهواك
واظن الحب مايكفي
لأنه عاجز ومسكين
لأنه ماتْصَلـه سكين
لواحد ماعرف هالحب إلا الحين
لواحد ماجرى دمّه في قلبه
لين هو شافك
وصرت النبض فعروقه
وصرت الأرض
وصرت الجو فعيونه
وصرت الضي
ياسدرة وفيْ
نعم مره
نعم ثنتين
نعم ألفين
نعم مليون
أحبك واكسر الحاجز
وادوس الخوفـ
وادّفي بردي العاجز
وأهديك رغم أنف الزمن قلبي
واحبك زود...!
*************
اتمنى يروق لكم مانقلت
اختكم / دنيا
>>>>> ردود الأعضـــــــــــــــــــاء على الموضوع <<<<<
==================================
أسيري بين الناس وأشير بيدي
تلك هي من أريد قلبها !؟...
راقت لنا أيضاً تلك الكلمات
دنيا الوافي
لنا لقاء آخر معك ننتظرك
تركي
__________________________________________________ __________
جميله كثير ومبدع اكثر
ولديك ذائقه اكثر واكثر واكثر
تقبلي مروري
__________________________________________________ __________
سلمت يمنآك وسلم كلك
لـآ عدمنآك ولـآ عدمنآ جديدك الراقي
بـ شوق لـ سحآبه لإبدـآعك
أرق التحآيا لك.
__________________________________________________ __________
المشاركة الأصلية كتبت بواسطة صروح الامل 
أسيري بين الناس وأشير بيدي
تلك هي من أريد قلبها !؟...
راقت لنا أيضاً تلك الكلمات
دنيا الوافي
لنا لقاء آخر معك ننتظرك
تركي
يسلمو ع المرور وكلك ذووق ويعطيك العافية
__________________________________________________ __________
المشاركة الأصلية كتبت بواسطة الدلوعه المزيونه
جميله كثير ومبدع اكثر
ولديك ذائقه اكثر واكثر واكثر
تقبلي مروري
شكراً هذا من ذووق ياذووق ويعطيك العافية
رائعةة عزيزتي ..
عسآك ع القوةّ ..
رد مع اقتباس
